Yohanes 19:13 - En Taar Weru a nunuwu' é Tontemboan

¹³ An tutuw i Pilatus luminga en aicua é tou itu, wo iru'du'na sé suraro e maali si Yesus icesot an istana itu. Wo si Pilatus lumukut am palukutan im pengadilan si patuulen Lanté Watu, a nunuwu' Ibrani patuulen Gabata.

Yohanes 19:13 ပူးပေါင်းရင်းမြစ်များ

Matius 27:19

Ang karoro'an i Pilatus makalukut am paakiman wo mai en taar si aicirim i penanaanna ai sia, “Tioo ko marambét am perkara i Tou wutul itu, ampa'paan Siao akar aku kawengi mangipi léwo'.”

Lukas 12:5

Intarépé' icua-Ku ai camu andumoro' si séi e musti caindé' miow. Si musti caindé' miow wayake' si Amang Kasuruan! Ampa'paan Sia awéan kawasa e maté in owak é tou wo ka'i awéan kawasa en tuméndél i mu'kur é tou an api si ra'ica mape'de-pe'del akar ing kauré-uré. Anaé, icua-Ku ai camu, wayake' si Amang Kasuruan e musti caindé' miow.

Yohanes 19:17

Wuléngen-Na en salip wo mangé an tampa si makangaran tampa Ru'i in Do'kos, a nunuwu' Ibrani Golgota.

Yohanes 19:20

Kelian tou Yahudi mabaca in aipatic ang kayu salip itu, ampa'paan en tampa sinalipan si Yesus itu tawike' ing kota Yerusalem. Wo sé aipatic itu maké i nunuwu' é Ibrani, Latin wo Yunani.

Yohanes 19:8

Tutuw i Pilatus luminga sapa em ipakua éra itu, makaaweso eng kaindé'anna.

Yohanes 5:2

An Yerusalem awéan esa kolam a nunuwu' é Ibrani patuulen ‘Betesda’. Eng kolam itu an diit im papalen wangko' ang kota si ningaranan ‘Papalen Domba’. An li'cir ing kolam itu awéan lima lésar sé niatepan.

Kisah Para Rasul 4:19

Taan isowat i Petrus wo si Yohanes ai séra, “Icamuo en tumantu si wisa si wutul an dior i Amang Kasuruan, le'tek am perénta é tuang kuma'pa le'tek am perénta i Amang Kasuruan.