Yohanes 19:11 - En Taar Weru a nunuwu' é Tontemboan

¹¹ Isowat i Yesus, “Ico ra'ica makaanu kawasa sapa-sapa a Yaku sa eng kawasa itu ra'ica aiwéé mai ai co an dangka' owo. Ampa'paan in itu si tou sumarakan Yaku ai co, eng kamesé-meséaanna lébé uter wo eng kamesé-meséaanmu.”

Yohanes 19:11 ပူးပေါင်းရင်းမြစ်များ

Matius 26:65

Kelinga in itu wo késéén i imam wangko' eng karaina ampa'paan mae'bow keli wo icuana, “Sia maojato si Amang Kasuruan. Anaé, sapapé' en torona kita mangéré sairi. Liningao miow waya e nunuwu'-Na maojat si Amang Kasuruan.

Matius 27:2

Wa'kesen éra Sia wo iwali éra mangé en isarakan a si Pilatus, si gubernur am bitu.

Matius 6:13

Wo tioo woo iwali kami muntep am pangepé'an, taan iwekaro mai kami ang kawasa i léwo'. [Ampa'paan si Amango e makaanu ing kakolanoan wo ing kawasa, wo iparangka-rangka' akar ing kauré-uré. Ulit.’]

Markus 14:44

Ra'ipé' mai am bitu séra, si Yudas icumuao esa tuus ai séra, “Si Tou ciomanku oka, Siao si musti tangkaan iow wo iwalio Sia wo téiran sumama-sama'.”

Lukas 22:53

Susur in endo Aku ang karapi miow am Balé Le'nas wo ra'ica tangkaan iow Aku. Taan asi endo anioo en oras iow tumangka' Yaku wo asi oras anioo si makakawasa ing kariréimbengan mai kumawasa.”

Yohanes 18:13

Iwali éra Sia kataré-taré a si Hanas, ampa'paan sia itu émpo i Kayafas si asi ta'un itu imamuali imam wangko'.

Yohanes 18:3

Wo si Yudas mai an tampa itu ang karapi é sangareru' suraro wo sé mengatéir im Balé Le'nas sé airu'du é kikiiten é imam wo sé tou Farisi. Séra mai maali-ali in lantérna, obor wo lulutaw.

Yohanes 19:10

Wo icua i Pilatus ai Sia, “Kéitu réén Ko ra'ica kiim rumoma' a yaku? Ra'ica réén kailekan-Mu, yaku awéan kawasa e mekar Ico wo ka'i awéan kawasa en sumalip Ico?”

Yohanes 3:27

Isowat i Yohanes ai séra, “En tou ra'ica toro tumerima in sapa-sapa sa ra'ica aiwéé i Amang Kasuruan ai sia.

Yohanes 7:30

An tutuw i Yesus kumua in taniitu, raméjin éra in tumangka' Sia. Taan ra'ica wana mandé esake' tou e méma' in sapa-sapa ai Sia ampa'paan ra'ipé' mai en témpo si aitantuo i Amang Kasuruan.

Yohanes 9:41

Isowat i Yesus ai séra, “Sa woo kamu tou wola, kamu ra'ica wana kamesé-meséaan. Taan ampa'paan kamu mengakua kamu ro'na maséré, kamu awéané' kamesé-meséaan.”

Kisah Para Rasul 2:23

Si Yesus anio' aisarakano i Amang Kasuruan ai camu kiit im basa-Na. Wo Sia aisalip wo pinatéo miow ang karapi in sumarakan Sia a sé tou sé ra'ica makiit in ukum.

Kisah Para Rasul 3:13

Si Amang Kasuruan si pengaapo'an é apo-apo'ta Abraham, Ishak wo si Yakub, Siao e méma' si Yesus ata-Na itu iparayo-rayo wo pasiri-siriin. Si Yesus ituo si aisarakan iow wo aicélong iow an dior i Pilatus em patén, mandé ka'i si Pilatus e musé'o e mekar woo Sia.

Kisah Para Rasul 4:28

E niéma' éra itu, aitantuo i Casuruan indioré'wo ciit ing kawasa wo ing kasalé'an-Na.

Roma 11:36

Ampa'paan si Amang Kasuruano e méma' im baya-waya, wo pakasa en itu Siake' en tumu'tul. Pakasa en itu niéma'-Na wosama' Sia irayo. Anaé, irayoo wo siriino mangé Sia akar ing kauré-uré! Ulit.

Roma 13:1

Pakasa en tou musti le'tek a sé pemerénta. Ampa'paan ra'ica wana pemerénta sé ra'ica winéan hak i Amang Kasuruan e merénta. Wo pakasa sé pemerénta aitantu i Amang Kasuruan.

Yakobus 1:17

Pakasa sé loor wo lekep, mai an dangka' owo, asi Amang an sorga. Siao e méma' waya sé mengasendot an langit. Sia ra'ica kawisa mawalina, ra'ica tanu in serap wo sé sumesendot, en sendotna ro'na mawalina.

Yakobus 4:17

Anaé, sa awéan tou si makaileko tumambisa musti maéma' in loor, taan en itu ra'ica pengaémaanna, sia itu méma'o ing kamesé-meséaan.