Yohanes 18:8 - En Taar Weru a nunuwu' é Tontemboan

⁸ Icua i Yesus ai séra, “Aicua-Kuo ai camu, Yakuo Sia. Sa Yaku si paéré-érén iow, iwayao mio' sé murit-Ku anio' mangé.”

Yohanes 18:8 ပူးပေါင်းရင်းမြစ်များ

Matius 26:56

Taan pakasa en anio' musti mamuali, wosama' en aipatic é nabi ang Kitap Le'nas musti lekepen.” Wo pakasa sé murit-Na tumela'u Sia wo tumincas.

Yohanes 10:28

Wo iwéé-Ku ai séra eng katouan akar ing kauré-uré, wo séra ra'ica iwaya-Ku maté akar ing kauré-uré. Wo ra'ica ka'i wana esaan tou e ro'na mandét iséra ang kama-Ku.

Yohanes 13:1

Matawio en endo wangko' Paska wo kailekano i Yesus ra'io uré ka'i tela'u-Na eng kayo'baan anio' e maréng angé sumawel a si Amang-Na. Ipaupu-upus-Na keli sé tou sé imamualio anu-Na ang kayo'baan anio', wo icaupus-Na séra akar ing kaakaran ing katouan-Na.

Yohanes 13:36

Icua i Simon Petrus a si Yesus, “Tuang, am bisa réén en angéan-Mu?” Isowat i Yesus ai sia, “Em paangéan-Ku, intarépé' ico ra'ipé' makawoo kumiit Yaku. Taan asi endo oka maai sa, ko kumiit oka mangé Yaku.”

Yohanes 16:32

Ta'néien! Maai oka en témpona, wo an témponao kamu icasera-serar oka e maréng an tampana i esa wo i esa, wo itela'u oka miow Yaku in esa. Taan en ulitna ra'ica Yakuke' in esa, ampa'paan Si Amang mewali-wali wo Yaku.

Yohanes 18:7

Wo wuéien-Na sumawel ai séra, “Si séi réén si paéré-érén iow?” Wo isowat éra, “Si Yesus a Nazaret owo.”

Yohanes 18:9

Icua-Na in taniitu, akar malekepo sapa sé aicua-Nao. Tana'i sé aicua-Nao itu, “Pakasa sé tou sé aiwééo i Amang a Yaku, ra'ica wana mandé esake' tou en catala.”

1 Korintus 10:13

Sé pangepé'an pinendam iow itu, pangepé'an sé manaramo pengasangkumen é tou. Wo si Amang Kasuruan kasake' le'tek an janji-Na, anaé kamu ra'ica iwaya-Na asé pangépé'an sé ra'ica kawooan iow mamuléng. Taan tutuw iow pinangepé'an, kamu wéan-Na oka lalan akar kamu makawoo sumaru im pangepé'an.

2 Korintus 12:9

Taan en aisowat i Casuruan a yaku, “En upus aitambér-Ku aweso ai co. Ampa'paan eng kawasa-Ku makaleke-lekep oka sa ko ra'ica keter.” Ampa'paan in itu yaku lébé masalé en tumirayo sé ra'ica keter an owakku. Ampa'paan an tutuw aku ra'ica keter, eng kawasa i Kristus awéan mewali-wali wo yaku.

Efesus 5:25

Éi tuama sé icumawéngo, mengaupus angé si penanaanmu, kaputé i Kristus mengaupuso sé jamaat wo irumagés in owak-Na torona éra.

1 Petrus 5:7

Isarakano mangé ai Sia pakasa eng kaindé'anmu, ampa'paan Siao si makatéir icamu.