Yohanes 18:37 - En Taar Weru a nunuwu' é Tontemboan

³⁷ Wo icua i Pilatus ai Sia, “Anaé, kolano réén Ko?” Isowat i Yesus, “Ico en icumua sapaoka Yakuo si colano. Yaku aitou wo mai ang kayo'baan eng kumua in sususuien wutul andumoro' i Amang Kasuruan. Si séike' sé masalé' luminga in sususuien wutul andumoro' i Amang Kasuruan, tantu pengalinganna sé ipakua-Ku.”

Yohanes 18:37 ပူးပေါင်းရင်းမြစ်များ

Matius 26:64

Wo isowat i Yesus, “Si Amango in esa en cumua in itu. Taan icua-Ku ai camu, tumo'tol asi oras anio' kaséréan iow oka si Toyaang i Tou makalukut ang kakan i Makakawasa, wo mai ang kayo'baan an dangka' ing kambung-kambung an langit.”

Matius 27:11

Wo iwali éra si Yesus ipeta'up wo si Pilatus. Wo wuéienna a si Yesus, “Ulit réén Ico si Colano é tou Yahudi?” Isowat-Na, “Si amango in esa eng kumua in itu.”

Markus 14:62

Wo isowat i Yesus, “Yakuo Sia. Kaséréan iow oka si Toyaang i Tou makalukut ang kakan i Makakawasa, wo mai an dangka' ing kambung-kambung an langit.”

Markus 15:2

Icateka' mangé a si Pilatus, wo wuéienna a si Yesus, “Wutul réén Ko Kolano é tou Yahudi?” Isowat i Yesus, “Si amango in esa en cumua in itu.”

Lukas 22:70

Wo séra im baya kumua, “Sa taniitu, Ico anio' réén si Toyaang i Amang Kasuruan?” Isowat i Yesus, “Icamu in esa en cumua sapaoka Yakuo Sia.”

Lukas 23:3

Wo wuéien i Pilatus a si Yesus, “Wutul réén Ko Kolano é tou Yahudi?” Isowat i Yesus, “Si amango in esa en cumua in itu.”

Yohanes 1:14

Wo en Taar itu mamualio tou wo Sia mento' an unerta. Wo sinérétao eng kawangko'-Na itu, si tinerima-Nao asi Amang owo ampa'paan Sia Toyaang-Na in Esa-esa. Ampa'paan en Taar si mamualio tou itu, kinailekantao andumoro' in upus aitambér i Amang Kasuruan wo in sususuien wutul-Na.

Yohanes 1:17

Tinerimata en ukum-ukum i Amang Kasuruan ampa'paan i Musa, taan kinatuusanta en upus aitambér i Amang Kasuruan wo en sususuien wutul-Na ampa'paan si Yesus Kristus.

Yohanes 14:6

Wo icua i Yesus, “Yakuo en lalan maangé a si Amang Kasuruan, Yaku ka'i si mengakua in sususuien wutul andumoro' i Amang Kasuruan, wo Yaku ka'i si mengawéé mai ing katouan akar ing kauré-uré. Ra'ica wana esake' tou e maai a si Amang sa ra'ica ipakawali-Ku.

Yohanes 3:32

Sia sumairi andumoro' sapa sé sinéréo wo sapa sé lininga-Nao, taan ra'ica ka'i wana esa tou e mercaya sé ipengua-ngua-Na itu.

Yohanes 7:17

Sa si tou masalé' maéma' ing kasalé'an i Amang Kasuruan, kakailekanna oka en sususuien-Ku anio' asi Amang Kasuruan owo kuma'pa mai a Yaku owo in esa.

Yohanes 8:14

Isowat i Yesus ai séra, “Mandé ka'i ra'ica wana tou walina e mamuali sairi eng kumeter ing kasairian-Ku anio', eng kasairian-Ku itu wutul. Ampa'paan kailekan-Ku am bisa owo Aku mai wo am bisa en angéan-Ku. Taan ra'ica kailekan iow am bisa owo Aku mai wo am bisa en angéan-Ku.

Yohanes 8:45

Taan Aku mengakua in sususuien wutul ai camu, ampa'paan in itu Aku ra'ica papercayan iow.

Yohanes 8:46

Ra'ica wana an uner iow e ro'na méé tuus sapaoka Yaku iméma'o ing kamesé-meséaan. Anaé, sa Aku makua in sususuien wutul, kéitu réén Aku ra'ica percayan iow?

Yohanes 8:47

Sé tou asi Amang Kasuruan owo mengalinga sapa sé ipakua-Na. Taan ra'ica pengalingan iow sapa sé ipakua-Na ampa'paan kamu ra'ica ai Sia owo.”

1 Timotius 6:13

Intarépé', an dior i Amang Kasuruan si méé mai waya ing katouan wo ka'i an dior i Yesus Kristus si cumua ing kasairian loor an dior i Pontius Pilatus, pangilekenku ai co,

1 Petrus 1:22

Kamu lume'naso in owak iow ang karapi in le'tek mengaéma' in sususuien wutul i Amang Kasuruan, akar kamu makawoo mengaupus sé poo-poow an esa paémanen ang karapi i mauli-ulit. Anaé sina'uenku kamu wosama' kamu meupu-upusan ang karapi in lekep en até.

1 Yohanes 2:21

Aipaticku en anio' ai camu, ra'ica ampa'paan kamu ra'ica makailek in sususuien wutul itu, taan ampa'paan kailekan iow en sususuien wutul itu wo ka'i kailekan iow sapaoka ra'ica wana en towo asi sususuien wutul itu.

1 Yohanes 3:14

Kita icumesoto asi papaté wo méra a si katouan. Kailekanta en itu ampa'paan sé poo-poow ipaupu-upusta. Taan séi si ra'ica mengaupus, sia tatap am papaté.

1 Yohanes 3:19

Sa kita mengaupus in tou tanu siitu, ro'na kailekanta sapa- oka kita anio' menonou makiit im butul. Wo en atéta elur an dior i Amang Kasuruan.

1 Yohanes 4:6

Kami anio' asi Amang Kasuruan owo. Si tou makatuus si Amang Kasuruan, sia itu mengalinga cami. Taan en tou si ra'ica asi Amang Kasuruan owo, sia ra'ica mengalinga icami. Wo in taniitu ra'ica toro ipeputéta si Roh mawéé in sususuien wutul wo si roh mengasusui in sélé'kow.

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.

Wahyu 1:4

Siri' i Yohanes a sé pitu jamaat an Asia Teké'. Pekiupusenku a si Amang Kasuruan wo a sé pitu roh an dior im palukutan pasiri-siriin-Na en tumambérai in upus wo ing kaeluran ai camu. Si Amang Kasuruan itu awéano indior, intarépé', wo si maai oka sa.

Wahyu 3:14

“Ipatico mio' ka'i a si malaékat si mengatéir in jamaat an Laodikia. Si anioo en taar asi Ulit owo, Sairi le'tek wo wutul, palemboian im pakasa sé niéma' i Amang Kasuruan: