Yohanes 18:33 - En Taar Weru a nunuwu' é Tontemboan

³³ Wo si Pilatus muntep sumawel an untep in istana gubernur, wo towanna si Yesus wo wuéienna, “Icoo réén si colano é tou Yahudi?”

Yohanes 18:33 ပူးပေါင်းရင်းမြစ်များ

Matius 27:11

Wo iwali éra si Yesus ipeta'up wo si Pilatus. Wo wuéienna a si Yesus, “Ulit réén Ico si Colano é tou Yahudi?” Isowat-Na, “Si amango in esa eng kumua in itu.”

Matius 27:27

Kumawus in itu, si Yesus iwali é suraro i Pilatus an istana i gubernur. Wo towan éra waya sé suraro mali'us lumi'cir si Yesus.

Markus 15:2

Icateka' mangé a si Pilatus, wo wuéienna a si Yesus, “Wutul réén Ko Kolano é tou Yahudi?” Isowat i Yesus, “Si amango in esa en cumua in itu.”

Lukas 23:2

Icateka' mangé am bitu, séra tumo'tolo matudu Sia, icua éra, “Sinéréo ami wo lininga amio sapaoka si tou anio' mengasélé'kow sé tou ami tou Yahudi. Wo pengapéron-Na sé tou mengawér im pajak a si Kaisar Romawi wo ka'i makua sapaoka Siao si Kristus si Colano.”

Yohanes 1:49

Icua i Natanael a si Yesus, “Guru, Ico Toyaang i Amang Kasuruan, Ico Kolano é tou Israel!”

Yohanes 12:13

Séra mindo in lala-lalaina im palem, wo mangé sumungkul si Yesus ang karapi in suara taangko', “Hosana! Irayoo Sia si mai ang karapi i ngaran i Amang Kasuruan. Irayoo si Colano é Israel!”

Yohanes 12:15

“Tioo maindé', éi tou Yerusalem, séréno, si Colano miow ang karoro'ano maai wo makalukut am bawo i celedai wo'bas.”

Yohanes 18:34

Isowat i Yesus, “Em binuéimu itu an atému owo in esa, kuma'pa awéan tou walina en icumua ai co andumoro' Yaku?”

Yohanes 18:37

Wo icua i Pilatus ai Sia, “Anaé, kolano réén Ko?” Isowat i Yesus, “Ico en icumua sapaoka Yakuo si colano. Yaku aitou wo mai ang kayo'baan eng kumua in sususuien wutul andumoro' i Amang Kasuruan. Si séike' sé masalé' luminga in sususuien wutul andumoro' i Amang Kasuruan, tantu pengalinganna sé ipakua-Ku.”

Yohanes 19:12

Kekawus i Pilatus luminga en aicua i Yesus itu, wo sia rumaméji maéré-éré lalan tumambisa e mekar si Yesus. Taan icua é tou Yahudi itu ang karapi in taangko', “Sa iwekar i tuang si Tou anio', si tuang ra'io ka'i kara-karapi i Kaisar. Wo si séike' si mawerot in owakna kolano, sia isumunduro si Kaisar.”

Yohanes 19:3

Wo séra memaré-maréng rumuru mangé ai Sia wo kumua, “Siri', a si colano é tou Yahudi!” Kumawus in itu sepé-sepéén éra en amo-Na.

Yohanes 19:4

Wo si Pilatus kumesot sumawel wo icuana a sé tou Yahudi, “Séréno, icesotku si Tou anio' ai camu wosama' kailekan iow sapaoka Sia, mandé esake' eng kaséaan-Na ra'ica wana eng kinakéréanku.”

Yohanes 19:9

Wo sia muntep sumawel an istana itu, wo kumua a si Yesus, “Am bisa owo réén Ko mai?” Taan ra'ica wana sapa-sapa en aisowat i Yesus ai sia.

1 Timotius 6:13

Intarépé', an dior i Amang Kasuruan si méé mai waya ing katouan wo ka'i an dior i Yesus Kristus si cumua ing kasairian loor an dior i Pontius Pilatus, pangilekenku ai co,