Yohanes 18:30 - En Taar Weru a nunuwu' é Tontemboan

³⁰ Isowat éra ai sia, “Sa Sia ra'ica tou léwo', ra'ica woo isarakan ami Sia a si tuang.”

Yohanes 18:30 ပူးပေါင်းရင်းမြစ်များ

Markus 10:33

“Intarépé' kita maangé an Yerusalem wo si Toyaang i Tou isarakan oka a sé kikiiten é imam wo a sé makailek wutul in Torat, wo wéan oka éra ukuman im patén Sia. Isarakan éra oka Sia a sé bangsa ra'ica Yahudi,

Markus 15:3

Wo sé kikiiten é imam méé kelian tuduan a si Yesus.

Lukas 24:7

Aicua-Nao sapaoka si Toyaang i Tou musti isarakan a sé tou mengaéma' ing kamesé-meséaan, Sia isalip éra wo asi endo katelu tumou sumawel.”

Yohanes 18:29

Ampa'paan in ituo si gubernur Pilatus kumesot wo meta'up wo iséra. Sia mamuéi, “Sapa réén en aitudu miow a si Tou anio'?”

Yohanes 18:31

Icua i Pilatus ai séra, “Iwalio Sia icesot, wo akimeno mangé Sia iciit in atoran iow.” Icua é kikiiten é tou Yahudi, “Ra'ica toro kami mukum si esaan tou em patén.”

Yohanes 19:12

Kekawus i Pilatus luminga en aicua i Yesus itu, wo sia rumaméji maéré-éré lalan tumambisa e mekar si Yesus. Taan icua é tou Yahudi itu ang karapi in taangko', “Sa iwekar i tuang si Tou anio', si tuang ra'io ka'i kara-karapi i Kaisar. Wo si séike' si mawerot in owakna kolano, sia isumunduro si Kaisar.”

Kisah Para Rasul 3:13

Si Amang Kasuruan si pengaapo'an é apo-apo'ta Abraham, Ishak wo si Yakub, Siao e méma' si Yesus ata-Na itu iparayo-rayo wo pasiri-siriin. Si Yesus ituo si aisarakan iow wo aicélong iow an dior i Pilatus em patén, mandé ka'i si Pilatus e musé'o e mekar woo Sia.

2 Timotius 2:9

Ampa'paano aku makua in Abar Kaaruien itu, yaku pengaokoien é tou, pengawa'kesen éra i ranté tanuoka tou léwo', taan en taar i Amang Kasuruan ra'ica toro kawa'kesan.

1 Petrus 4:15

Tioo awéan esaan ai camu si musti okoien ampa'paan mapaté tou, marombit, maéma' in léwo' kuma'pa marambét in urusan é tou walina.