Yohanes 18:25 - En Taar Weru a nunuwu' é Tontemboan

²⁵ An tutuw itu, si Simon Petrus makatulungé' mangéngé in owak an duru in api, wo icua é tou am bitu ai sia, “Raica réén ico ka'i esaan tou murit i Yesus?”

Yohanes 18:25 ပူးပေါင်းရင်းမြစ်များ

Matius 26:69

Ang karoro'an in itu si Petrus ang kesot, makalukut ang kintal im balé i imam wangko'. Wo mai si esa ata wéwéné sumusut angé a si Petrus wo kumua, “Ico ka'i si tatap mewali-wali wo si Yesus tou Galilea itu.”

Markus 14:66

Ang karoro'an in itu, si Petrus ang kintalé' im balé i imam wangko', wo mai am bitu si ata wéwéné i imam wangko'.

Lukas 22:55

An uner ing kintal im balé i imam wangko', sé tou méma' api unggun wo séra lumukut makali'mur an api itu e nguméngé. Wo si Petrus ka'i mai lumukut mewali-wali wo iséra.

Lukas 22:56

Am bitu awéan esa wéwéné si mengaselewir a si imam wangko', sérénna si Petrus makalukut an tembir in api unggun itu wo peméa-méanna rékén si Petrus. Wo icua i wéwéné itu, “Si tou anio' ka'i esaan asé makiit si Yesus!”

Lukas 22:57

Taan si Petrus sumangkalke', icuana, “Ra'ica, ra'ica katuusanku Sia, é inang!”