Yohanes 18:20 - En Taar Weru a nunuwu' é Tontemboan

²⁰ Isowat i Yesus ai sia, “Ang karapi ra'ica ipaene-enep ipemaa-maar-Ku a sé tou keli ang kayo'baan. Wo ipenusu-nusui-Ku am balé-walé paapo'an é agama Yahudi wo am Balé Le'nas, am pali'usan é tou Yahudi. Ra'ica wana en ayenep-Ku.

Yohanes 18:20 ပူးပေါင်းရင်းမြစ်များ

Matius 24:26

Ampa'paano in itu, sa awéan tou eng kumua, ‘Sérén, si Kristus a mangé en tana' kapayasan!’, ra'ica toro kamu mangé am bitu. Kuma'pa, sa awéan eng kumua, ‘Sérén, si Kristus makaenep an untep ing kamar!’, ra'ica toro percayan iow.

Matius 26:55

Wo an tutuw ituke', icua i Yesus a sé tou keli sé mai itumangka' Sia, “Paweroten iow réén Aku anio' tou léwo' akar kamu mai tumangka' Yaku maali-ali in sa'bel wo im papangkur? Susur in endo penéré-nérén iow Aku makalukut masusui am Balé Le'nas, wo ra'ica tinangka' miow Aku.

Matius 26:65

Kelinga in itu wo késéén i imam wangko' eng karaina ampa'paan mae'bow keli wo icuana, “Sia maojato si Amang Kasuruan. Anaé, sapapé' en torona kita mangéré sairi. Liningao miow waya e nunuwu'-Na maojat si Amang Kasuruan.

Matius 4:23

Wo si Yesus mangé ka'i lumi'cir im pakasa ing Galilea wo masusui am balé-walé paapo'an é agama Yahudi. Sia kumua in Abar Kaaruien andumoro' ing Kakolanoan i Amang Kasuruan. Wo samaan-Na waya sé tou am pakasa in sakit wo sé tou ra'ica lekep en owak.

Matius 9:35

Wo si Yesus mangé lumi'cir im pakasa ing kota wo in doo-roong. Sia masusui am balé-walé paapo'an é agama Yahudi wo makua in Abar Kaaruien andumoro' ing Kakolanoan i Amang Kasuruan. Wo Sia ka'i sumama' sé tou sé membam-balinaan en sakit wo sé ra'ica lekep en owak.

Markus 8:32

Pakasa en anio' aicua-Na in da'ica ipaene-enep. Taan wésoon i Petrus si Yesus an tembir wo Sia romaanna repet.

Lukas 21:37

Susur in endo si Yesus masusui am Balé Le'nas wo an tutuw imawengio, Sia mangé mento' an Tolaina in Zaitun.

Lukas 4:15

Wo am bitu Sia masusui am balé-walé paapo'an é agama Yahudi wo pakasa in tou marayo-rayo Sia.

Yohanes 18:21

Kéitu réén wuéienmu en itu a Yaku? Wuéieno mangé a sé tou sé ilumingao in sususuien-Ku. Tantu, kailekano éra sapa sé aipasusui-Ku itu.”

Yohanes 6:59

Pakasa en anio' aicua i Yesus ang Kapernaum an tutuw-Na masusui am balé paapo'an é agama Yahudi.

Yohanes 7:14

Wo ang karoro'an i mapésta, si Yesus muntep ang kintal im Balé Le'nas wo tumo'tolo Sia sumusui.

Yohanes 7:26

Taan séréno, Sia ra'ica wana eng kaindé'anai mapaar an dior é tou keli wo ra'ica wana sapa-sapa en icua mai é kikiiten itu ai Sia. Wona' réén kailekano éra sa Sia itu wutu-wutul Kristus, Kolano Lumolowir?

Yohanes 7:28

An tutuw i Yesus ang karoro'ané' masusui am Balé Le'nas, Sia taangko' i makua, “Wutul kamu makatuus Yaku wo kailekan iow Aku am bisa owo mai. Taan Aku mai ra'ica ampa'paan ing kasalé'an-Ku in esa. Yaku mai ampa'paan si Amang Kasuruan e mutusai Yaku. Sia itu wutul, taan Sia ra'ica katuusan iow.

Yohanes 7:4

Ampa'paan sa si esa tou masalé' katuusan é tou keli, sapake' en émaanna ra'ica ipaenep-enepna. Anaé, sa émaan-Mu en tawoien itu, ituru'o mio' en owak-Mu a sé im pakasa in tou ang kayo'baan.”

Yohanes 8:2

Asi woondona mai, tutuw imamoondopé' keli, si Yesus maréng angé ka'i am Balé Le'nas, wo keli en tou sé imai ai Sia. Wo Sia lumukut en sumusui ai séra.

Yohanes 8:26

Keliané' sé icasalé'-Ku icua andumoro' icamu wo ing kameséaan iow, taan ra'ica kiim-Ku kumua in itu. En icua-Ku asaloke' sapa sé lininga-Ku asi Amang Kasuruan. Ampa'paan Sia si mutusai Yaku itu wutul.”

Kisah Para Rasul 26:26

Si aicuaku a si tuang kolano kailekan waya i tuang. Ampa'paano in itu yaku ra'ica maindé rumoma' ang karapi ra'ica ipaene-enep an dior i colano. Percayanku ra'ica wana mandé esake' sé aicuaku wo ra'ica kailekan i colano, ampa'paan pakasa en itu imamuali an dior é tou keli.