Yohanes 18:18 - En Taar Weru a nunuwu' é Tontemboan

¹⁸ Asi wengi itu uting keli. Sé ata am balé itu wo sé tou sé mengatéir im Balé Le'nas, rumicet api am baa owo, wo séra tumulung an duru in api e nguméngé in owak. Wo si Petrus ka'i tumulung am bitu mewali-wali wo iséra e nguméngé in owak.

Yohanes 18:18 ပူးပေါင်းရင်းမြစ်များ

Markus 14:54

Ang karoro'an in itu, si Petrus mengii-ngiit si Yesus an tayang akar ang kintal im balé i imam wangko'. Wo am bitu sia lumukut mewali-wali wo sé pengawal e nguméngé in owak an duru in api.

Markus 14:67

An tutuwna in suméré si Petrus mangéngé an duru in api, tuusenna sama' eng gio i Petrus wo icuana, “Ico to si tatap mewali-wali wo si Yesus tou Nazaret itu?”

Lukas 22:44

Wo si Yesus mendam tambisa eng kauterna ing kawenduan wo maindé', anaé Sia lébé mauli-ulit masombayang. Wo en limuut-Na mamuali tanuoka enda' matiis an tana'.]

Yohanes 18:25

An tutuw itu, si Simon Petrus makatulungé' mangéngé in owak an duru in api, wo icua é tou am bitu ai sia, “Raica réén ico ka'i esaan tou murit i Yesus?”

Yohanes 18:3

Wo si Yudas mai an tampa itu ang karapi é sangareru' suraro wo sé mengatéir im Balé Le'nas sé airu'du é kikiiten é imam wo sé tou Farisi. Séra mai maali-ali in lantérna, obor wo lulutaw.

Yohanes 21:9

An tutuw éra in tumana'o, sérén éra awéan waa in api, wo am bawona awéan sera' wo roti.

Kisah Para Rasul 4:23

An tutuw i Petrus wo si Yohanes aiwekaro, wo séra maréng angé a sé kara-karapi éra. Wo isisil éra waya sé aicua é kikiiten é imam wo sé matu'a é tou Yahudi ai séra.

1 Korintus 15:33

Tioo iwaya sé tou walina muwak icamu. ‘Si tou, mandé makaperi in loor, ro'na maléwo' sa makara-karapi wo sé tou léwo'.’