Yohanes 18:17 - En Taar Weru a nunuwu' é Tontemboan

¹⁷ Icua i ata wéwéné si mengatéir im papalen itu a si Petrus, “Ra'ica réén ico ka'i esaan asé murit i Tou itu?” Wo isowat i Petrus ai sia, “Ra'ica yaku!”

Yohanes 18:17 ပူးပေါင်းရင်းမြစ်များ

Matius 26:33

Wo icua i Petrus, “Mandé ka'i séra im baya tumela'u si Guru, taan aku wutu-wutul ra'ica.”

Lukas 22:54

Wo tangkaan éra si Yesus wo asi tampa itu iwali éra mangé Sia am balé i imam wangko'. Si Petrus ka'i kumiit angé taan tayang an somoi.

Yohanes 18:16

Taan si Petrus mento'ke' ang kesot an diit im papalen im pager. Wo si esa murit walina si makatuus si imam wangko' itu kumesot sumawel wo mepaar ang karapi i esa wéwéné si mengatéir im papalen pauntepan wo iwalina si Petrus muntep ang kintal im balé.

Yohanes 18:25

An tutuw itu, si Simon Petrus makatulungé' mangéngé in owak an duru in api, wo icua é tou am bitu ai sia, “Raica réén ico ka'i esaan tou murit i Yesus?”

Yohanes 18:5

Wo isowat éra a si Yesus, “Si Yesus a Nazaret owo.” Icua i Yesus ai séra “Yakuo Sia.” Si Yudas si cumianat si Yesus, makatulung ka'i am bitu ang karapi éra.

Yohanes 18:8

Icua i Yesus ai séra, “Aicua-Kuo ai camu, Yakuo Sia. Sa Yaku si paéré-érén iow, iwayao mio' sé murit-Ku anio' mangé.”

Yohanes 21:15

Makasokol ako, wuéien i Yesus a si Simon Petrus, “Simon, toyaang i Yohanes, icaupusmu réén Aku lumébé mai wo iséra anio'?” Isowat i Petrus, “Wutul é Tuang, kailekan-Mu sapaoka aku mengaupus Ico.” Icua i Yesus ai sia, “Paliarano mio' sé domba-Ku.”

Kisah Para Rasul 12:13

Icateka' mangé si Petrus, téngkorenna em papalen wangker wo mai si esa ata wéwéné si makangaran Rode en suméré si séi si maténgkor.