Yohanes 18:14 - En Taar Weru a nunuwu' é Tontemboan

¹⁴ Si Kayafas anioo en sumangkumo sumina'u sé kikiiten é tou Yahudi tanu si anio', “Lébé loor esake' tou e maté wotaré pakasa sé tou Yahudi pakapaté-patén.”

Yohanes 18:14 ပူးပေါင်းရင်းမြစ်များ

Matius 26:3

Asi témpo itu, sé kikiiten é imam wo sé matu'a é tou Yahudi mali'us am balé paento'an i imam wangko' makangaran Kayafas.

Kisah Para Rasul 27:12

Ampa'paan em pasuwaan ing kapal itu ra'ica loor pasuwaan ing kapal-kapal asi oras ing kautingan. Ampa'paan in ituo keli sé tou ang kapal lébé masalé' sa eng kapal maya' suméngkot melala'us mangé ang kota Feniks am pulou Kreta wosama' ro'na mento' toyo' am bitu an orasna ing kautingan. Eng kota Feniks itu kota pasuwaan ing kapal aicari'dir an deges ampa'paan makasaru mako.

Kisah Para Rasul 27:9

Kami kinatalaano ing keli témpo ampa'paan kami suméngkot masu'suk in deges awaat. Intarépé' ilumangkoio en orasna é tou Yahudi mapuasa wo an orasnao in ta'sic masempa', anaé icawangkur sa melala'us suméngkot. Ampa'paan in ituo ipokéi i Paulus ai séra, icuana,