Yohanes 18:1 - En Taar Weru a nunuwu' é Tontemboan

¹ Kekawusai i Yesus sumombayang, Sia wo sé murit-Na mangé an lewet in doyongan Kidron. Am bitu awéan esa taman, si Yesus wo sé murit-Na mai an taman itu.

Yohanes 18:1 ပူးပေါင်းရင်းမြစ်များ

Matius 26:30

Kekawus éra kumantar ing kakantaren rarayoan wo si Yesus wo sé murit-Na mangé an Tolaina in Zaitun.

Matius 26:36

Wo icateka'o mangé si Yesus wo sé murit-Na an esa tampa makangaran Getsemani. Wo icua i Yesus ai séra, “Lumukuto mio' am bia'i kamu, karoro'an Aku mangé sumombayang.”

Markus 14:26

Kumawus ako in itu, séra kumantar ing kakantaren rarayoan wo séra mangé an Tolaina in Zaitun.

Markus 14:32

Wo icateka'o si Yesus wo sé murit-Na an esa tampa makangaran Getsemani. Icua i Yesus ai séra, “Lumukuto mio' am bia'i kamu, ang karoro'an Aku mangé sumombayang.”

Markus 14:42

Tumooro! Mayoo kita mangé a si tou sumarakan Yaku, ampa'paan sia matawio.”

Yohanes 14:31

Taan émaan-Ku oka sapa si aiperénta i Amang a Yaku, wosama' sé tou ang kayo'baan anio' makailek, Yaku mengaupus si Amang. Tumulungo, mayo kita kumesot asi tampa anio'.”

Yohanes 18:26

Isangkal i Petrus, icuana, “Ra'ica yaku.” Am bitu awéan ka'i si esa ata i imam wangko', sia itu poow i ata en luntengna pinarak i Petrus. Icuana, “Ico si tarépé' kinaséréanku an taman mewali-wali wo si Yesus?”

Kisah Para Rasul 21:11

Sia mai ai cami wo indonna en tali si pakawe'ber am pinggang i Paulus. Wa'kesenna eng kama wo eng kécéina wo kumua, “Aicua i Roh Le'nas tana'i, ‘Si tou makaanu in tali anio', sia wa'kesen oka é tou Yahudi an Yerusalem wo isarakan éra oka a sé tou ra'ica Yahudi.’ ”