Yohanes 17:9 - En Taar Weru a nunuwu' é Tontemboan

⁹ Anaé, intarépé' séra ipasombayang-Ku. Taan ra'ica ipasombayang-Ku sé tou sé ra'ica maéman ang kayo'baan anio', sé ipasombayang-Ku séra sé aisarakan i Amang a Yaku, ampa'paan séra itu anu i Amang.

Yohanes 17:9 ပူးပေါင်းရင်းမြစ်များ

Lukas 22:32

Taan aisombayang-Kuo ko é Simon, wosama' ko tatap maéman a Yaku. Kekawus im pangepé'an anio' wo sa ko mape'diso wo maémano sumawel a Yaku, ico musti méé ing kaincayaan a sé poo-poowmu akar em paémanen éra makaketer.”

Lukas 23:34

Wo si Yesus sumombayang, “O Amang, ampunganai séra, ampa'paan ra'ica kailekan éra sapa em pengaémaan éra.” Wo pewéténgen éra eng karai i Yesus ang kerapi in lumotréi.

Lukas 8:34

An tutuw é tou matéir sé wawi itu isuméré sapa e imamuali, séra makala'us tuméron wo mangé isisil éra waya eng kamamualian itu ang kota wo an doo-roong an sangkum in tampa itu.

Yohanes 14:16

Pangileken-Ku oka a si Amang-Ku, iwéé-Na oka mai ai camu si Matawang walina si ro'na mewali-wali wo icamu akar ing kauré-uré.

Yohanes 17:2

Ampa'paan si Amang mééo mai ing kawasa a Yaku e merénta waya sé tou, wosama' Aku ro'na méé ing katouan akar ing kauré-uré ai séra sé aisarakano i Amang a Yaku.

Yohanes 17:20

Em pasombayang-Ku ra'ica isérake', taan ka'i a sé tou sé luminga in sususuien éra wo maéman oka a Yaku.

Yohanes 17:6

Aipapatuus-Kuo si Amang a sé tou si aisarakan-Muo a Yaku ang kayo'baan anio'. Séra itu anu i Amang wo séra aisarakano i Amang a Yaku. Wo intarépé' séra le'tek mengaéma' in taar-Mu si aicua-Ku.

Yohanes 6:37

Pakasa en tou sé aiwééo i Amang-Ku a Yaku maai oka a Yaku, wo si séike' si maai a Yaku, sia ra'ica kawisa yusér-Ku.

Yohanes 6:39

Wo si anioo eng kasalé'an i Amang si mutusai Yaku: Icasalé'-Na pakasa sé tou sé aiwéé-Na a Yaku mandé esake' ra'ica wana en icatala. Wo icasalé'-Na touen-Ku sumawel séra im baya am papaté asi endo kaka'puan ing kayo'baan.

Ibrani 7:25

Ampa'paano in itu si Yesus makawoo lumowir ang karapi in lekep sé pakasa in tou sé aiwali-Na mangé a si Amang Kasuruan, ampa'paan si Yesus menonou akar ing kauré-uré si mekiupus a si Amang Kasuruan torona éra.

Ibrani 9:24

Si Kristus ra'ica imuntep ang Kamar Lume'na-le'nas ang kayo'baan si niéma' ing kama in tou si asalo bayangan a si patron aseli si an sorga. Taan Sia muntep an sorga, wo intarépé' Sia a mangé em bitu makasaru si Amang Kasuruan torona icita.

1 Yohanes 5:19

Kailekanta sa kita anio' asi Amang Kasuruan owo, wo pakasa sé ang kayo'baan anio' pakakawasaan i kikiiten é sétang.

Wahyu 12:9

Si naga wangker ituo si ula' matu'a, si patuulen kikiiten é sétang kuma'pa Roh léwo', si mengasélé'kow pakasa in tou ang kayo'baan. Sia itu aiténdél ang kayo'baan mewali-wali wo sé malaékatna.

Wahyu 13:8

Pakasa é tou sé menonou ang kayo'baan kumuru en sumiri' oka a si binatang itu. Sérao sé tou tumo'tolke' mai eng kayo'baan anio' niéma' e ngaran éra ra'ica aipatic ang kitap ing katouan i Toyaang i Domba si pinatéo.

Wahyu 20:15

Wo pakasa sé tou e ngaran éra ra'ica aipatic an untep ing kitap katouan itu, iténdél an untep in ta'sic api itu.