Yohanes 17:3 - En Taar Weru a nunuwu' é Tontemboan

³ Si anioo eng katouan akar ing kauré-uré: Katuusan éra si Amang, si Amang Kasuruan si wayake' in esa wo wutul, wo makatuus Yaku si Yesus Kristus si ayutuso i Amang.

Yohanes 17:3 ပူးပေါင်းရင်းမြစ်များ

Markus 9:37

“Si séike' en sumungkul si toyaang teké' tanu si anio' ang karapi i ngaran-Ku, sia isumungkulo Yaku. Si séike' en sumungkul Yaku, ra'ica Yaku en sinungkulna, taan Sia si mutus Yaku.”

Lukas 9:48

Icua-Na a sé murit-Na, “Si séi en sumungkul si toyaang teké' anio' ang karapi in arui en até ampa'paan makiit Yaku, sia sumungkulo Yaku. Wo si tou isumungkul Yaku, sia isumungkulo si Amang Kasuruan si imutus Yaku. Anaé, si séi si mawerot in owakna tou wawa', siao itu si tou iparangka-rangka'.”

Yohanes 10:36

kéitu réén ipakua miow Aku maojat si Amang Kasuruan, tutuw-Ku makua Yaku anio' Toyaang i Amang Kasuruan? Yaku si sinisir-Na wo ayutus-Na mai ang kayo'baan.

Yohanes 11:42

Kailekan-Ku pelinga-lingan i Amang en sombayang-Ku. Taan intarépé' icua-Ku tanu siitu ampa'paan keli sé tou makali'cir Yaku makalinga in sombayang-Ku. Icasalé'-Ku ro'na percayan éra sapaoka si Amango e mutusai Yaku.”

Yohanes 14:26

Taan si Matawang si yutus oka mai i Amang-Ku ai camu en sumawel Yaku, Siao si Roh Le'nas. Sa Sia maai, isusui-Na oka em baya-waya ai camu wo ita'néi-Na ai camu im baya sé aicua-Kuo ai camu.

Yohanes 17:18

Tanu Si Amang imutuso mai Yaku ang kayo'baan, taniitu ka'i Aku mutus iséra ang kayo'baan.

Yohanes 17:21

Pekiupusen-Ku a si Amang wosama' séra im baya meesa, kaputé i Amang esa wo Yaku wo Yaku esa wo si Amang wosama' séra ka'i meesa wo Cita. Wo in taniitu, sé tou ang kayo'baan ro'na mercaya sapaoka si Amango e mutusai Yaku.

Yohanes 17:23

Yaku meesa wo iséra wo si Amang meesa wo Yaku, wosama' séra wutu-wutul meesa. Sa séra wutu-wutul meesa, kakailekan oka é tou ra'ica maéman ang kayo'baan sapaoka si Amango e mutusai Yaku wo ka'i si Amango si mengaupus iséra, kaputé si Amang mengaupus Yaku.

Yohanes 17:25

O Amang si ra'ica marapit! Si Amang wutul ra'ica katuusan é tou ang kayo'baan anio', taan Aku makatuus si Amang. Wo kailekan é makii-kiit Yaku si Amango e mutusai Yaku.

Yohanes 17:8

ampa'paan en taar sé aicua i Amang a Yaku aicua-Kuo waya ai séra wo tinerimao éra. Wo wutu-wutul kakailekan éra, Yaku mai asi Amang owo wo pinercaya éra, si Amango e mutuso mai Yaku.

Yohanes 3:17

Ampa'paan si Amang Kasuruan mutus si Toyaang-Na ang kayo'baan ra'ica mai makim sé tou iméma' ing kamesé-meséaan, taan Sia mai en lumowir sé tou an ukuman ing kamesé-meséaan éra.

Yohanes 3:34

Ampa'paan si Yesus ayutus i Amang Kasuruan kumua in Taar-Na, ampa'paan winéan-Nao Roh ang karapi in da'- io icakua.

Yohanes 5:44

Kamu maéré-éréke' i rarayo asé kakélé miow, wo ra'ica rumaméji mangéré i rarayo asi Amang Kasuruan si wayake' in esa. Sa taniitu, tambisa réén ro'na percayan iow Aku?

Yohanes 6:57

Si Amang-Ku palemboian ing katouan. Siao si mutusai Aku, wo Aku menonou ampa'paan i Amang. Taniitu ka'i si séike' eng kuman in owak-Ku menonou oka akar ing kauré-uré ampa'paan Yaku.

Yohanes 7:29

Taan katuusan-Ku Sia, ampa'paan Aku mai ai Sia owo wo Siao e mutusai Yaku.”

Yohanes 8:19

Wo icua éra ai Sia, “Am bisa réén si Amang-Mu?” Isowat i Yesus ai séra, “Kamu ra'ica makatuus Yaku, wo ka'i ra'ica makatuus si Amang-Ku. Sa kamu makatuus Yaku, tantu katuusan ka'i miow si Amang-Ku.”

1 Korintus 15:34

Anaé, mawutu-wutulo mangé mape'dis wo ra'io toro ka'i mengéma-ngéma' ing kamesé-meséaan. Ampa'paan an uner iow awéan sé ra'ipé' makatuus si Amang Kasuruan. Icuaku en anio' wosama' kamu malawi' wo mape'dis.

1 Korintus 8:4

Wo andumoro' ing kuman ing kakanen sé airagéso a sé opo-opo', kailekanta: sé opo-opo' ra'ica wana ang kayo'baan, wo si Amang Kasuruan wayake' in esa ra'ica wana walina.

2 Korintus 4:6

Indior si Amang Kasuruan icumua in tana'i, “Asi kariréimbengan mantangai en sendot.” Intarépé' Siao ka'i iméma' in sendot-Na matélang an untep in atéta. Ampa'paano in sendot-Na si an untep in atéta, ro'na kailekanta eng kawangko' i Amang Kasuruan si masendot ang gio i Kristus.

Filipi 3:10

Intarépé' en icasalé'ku asalo makatuus si Kristus Yesus wo ing kawasa si tumou Sia am papaté. Wo icasalé'ku imendam ing kawenduan si sinangkum-Nao wo mamuali tanu Sia si mawendu akar imaté,

Filipi 3:8

Ra'ica siituke', am baya-waya ra'ica wana torona, sa ipeputé wo yaku intarépé' si makatuuso si Kristus Yesus, Apo'ku. Wo ampa'paano i Kristus Yesus, iwekarku waya en itu wo anggapenku tanu noo, wosama' aku lébépé' ka'i makatuus si Kristus Yesus,

1 Tesalonika 1:9

Am bisa-wisa sé tou mengasisil tambisa kamu tumerima cami an tutuw ami mangé ai camu. Ipasisil éra ka'i andumoro' tumambisa kamu tumela'u sé opo-opo' wo mape'dis wo mai maapo' a si Amang Kasuruan si menonou wo si ulit.

2 Tesalonika 1:8

Wo ukumen-Na oka sé tou sé ra'ica kiim mengkatuusan wo si Amang Kasuruan wo ra'ica kiim kumiit in Abar Kaaruien andumoro' i Yesus Kristus Apo'ta.

Ibrani 3:1

Poo-poow, sé tinowa i Amang Kasuruan i menonou an sorga. Mayoo kita lébé makatuus si Yesus, si pengaakunta tanu Ruru'du'an i Amang Kasuruan wo Imam Wangko'.

2 Petrus 1:2

Pekiupusenku a si Amang Kasuruan wosama' émaan-Na mai eng katouan iow elur wo tumambérai ing kamang si kumeli-keli ai camu ampa'paan katuusano miow si Amang Kasuruan wo si Apo'ta Yesus.

2 Petrus 1:3

Si Amang Kasuruan makaanu ing kawasa wangko', wo pakén-Na eng kawasa itu e méé im pakasa sé paperlunta wosama' kita menonou le'tek ai Sia. Pakasa sé paperlunta aiwéé-Na ampa'paan kita makatuuso ai Sia, si tumowao icita e makéré im bagéan a rarayo wo in sisiri'-Na wo ang kalooran-Na.

2 Petrus 1:8

Ampa'paan sa sé peri-peri itu ai camuo wo em pakasa itu pengéma-ngémaan iow, sé ituo en tumawang icamu lébé makatuus si Yesus Kristus Apo'ta wo eng katouan iow lébé awéan torona a sé tou walina.

1 Yohanes 1:2

En Taar si mengawéé ing katouan itu mewali-wali wo si Amang an sorga. Sia imayo wo sinéréo ami. Ampa'paan in itu aisairi ami wo icua ami ai camu andumoro' ing katouan akar ing kauré-uré.

1 Yohanes 1:3

Intarépé' icua ami ai camu sapa sé sinéréo wo liningao ami ai Sia. Wo in taniitu kamu ro'na menonou meesa wo icami. Wo kita im baya ka'i menonou meesa wo si Amang wo si Toyaang-Na Yesus Kristus.

1 Yohanes 2:23

Si séi si mengasangkal si Toyaang, sia ra'ica wana Amang. Taan si séi si mangaku si Toyaang, tantu sia makaanu si Amang.

1 Yohanes 4:6

Kami anio' asi Amang Kasuruan owo. Si tou makatuus si Amang Kasuruan, sia itu mengalinga cami. Taan en tou si ra'ica asi Amang Kasuruan owo, sia ra'ica mengalinga icami. Wo in taniitu ra'ica toro ipeputéta si Roh mawéé in sususuien wutul wo si roh mengasusui in sélé'kow.

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.