Yohanes 17:25 - En Taar Weru a nunuwu' é Tontemboan

²⁵ O Amang si ra'ica marapit! Si Amang wutul ra'ica katuusan é tou ang kayo'baan anio', taan Aku makatuus si Amang. Wo kailekan é makii-kiit Yaku si Amango e mutusai Yaku.

Yohanes 17:25 ပူးပေါင်းရင်းမြစ်များ

Matius 11:27

Wo icua i Yesus, “Pakasa aisarakano i Amang-Ku a Yaku. Ra'ica wana mandé esake' tou e makatuus si Toyaang, aluar si Amang in esa. Wo ka'i ra'ica wana mandé esake' tou e makatuus si Amang, aluar si Toyaang wo sé tou si papatuus-Ku oka a si Amang.

Matius 16:16

Isowat i Simon Petrus, “Si Guruo si Mesias itu, si Toyaang i Amang Kasuruan si menonou!”

Lukas 10:22

Pakasa aiwééo i Amang-Ku a Yaku. Ra'ica wana mandé esake' tou e makatuus si Toyaang, aluar si Amang in esa. Wo ka'i ra'ica wana mandé esake' tou e makatuus si Amang, aluar si Toyaang-Na wo si tou si sinisir-Na em papaturu' a si Amang.”

Yohanes 1:18

Ra'ica wana tou en sumangkumo suméré si Amang Kasuruan, wayake' si Toyaang-Na Esa-esa. Sia meputé wo si Amang wo susut keli ai Sia. Siao en cumua ai cita andumoro' si séi si Amang Kasuruan itu.

Yohanes 10:15

meputé si Amang makatuus Yaku wo ka'i si Amang katuusan-Ku. Wo isarakan-Ku en owak-Ku a sé domba-Ku.

Yohanes 15:21

Taan séra mokoi oka icamu, ampa'paan kamu makiit Yaku. Niéma' éra in taniitu ampa'paan Si Amang si mutusai Yaku ra'ica katuusan éra.

Yohanes 16:27

ampa'paan si Amang in esa mengaupus icamu. Sia mengaupus icamu, ampa'paan Aku icaupus iow wo paémanen iow sapaoka Aku mai asi Amang Kasuruan owo.

Yohanes 16:3

Émaan éra oka en itu ai camu, ampa'paan si Amang-Ku wo Yaku ka'i wutu-wutul ra'ica katuusan éra.

Yohanes 16:30

Intarépé' kailekan ami sapaoka si Guru makailek im baya-waya, wo ra'io sangali sé tou mamuéi sapa-sapa a si Guru. Ampa'paan in ituo percayan ami si Guru imai asi Amang Kasuruan owo.”

Yohanes 17:11

Yaku maangé oka a si Amang, anaé Yaku ra'io ka'i ang kayo'baan anio', taan séra ang kayo'baané'. O Amang si lume'na-le'nas, téirano mai séra ang karapi i ngaran-Mu si aiwééo i Amang a Yaku, wosama' séra maesa, kaputé i Amang esa wo Yaku.

Yohanes 17:18

Tanu Si Amang imutuso mai Yaku ang kayo'baan, taniitu ka'i Aku mutus iséra ang kayo'baan.

Yohanes 17:21

Pekiupusen-Ku a si Amang wosama' séra im baya meesa, kaputé i Amang esa wo Yaku wo Yaku esa wo si Amang wosama' séra ka'i meesa wo Cita. Wo in taniitu, sé tou ang kayo'baan ro'na mercaya sapaoka si Amango e mutusai Yaku.

Yohanes 17:23

Yaku meesa wo iséra wo si Amang meesa wo Yaku, wosama' séra wutu-wutul meesa. Sa séra wutu-wutul meesa, kakailekan oka é tou ra'ica maéman ang kayo'baan sapaoka si Amango e mutusai Yaku wo ka'i si Amango si mengaupus iséra, kaputé si Amang mengaupus Yaku.

Yohanes 17:3

Si anioo eng katouan akar ing kauré-uré: Katuusan éra si Amang, si Amang Kasuruan si wayake' in esa wo wutul, wo makatuus Yaku si Yesus Kristus si ayutuso i Amang.

Yohanes 17:8

ampa'paan en taar sé aicua i Amang a Yaku aicua-Kuo waya ai séra wo tinerimao éra. Wo wutu-wutul kakailekan éra, Yaku mai asi Amang owo wo pinercaya éra, si Amango e mutuso mai Yaku.

Yohanes 3:17

Ampa'paan si Amang Kasuruan mutus si Toyaang-Na ang kayo'baan ra'ica mai makim sé tou iméma' ing kamesé-meséaan, taan Sia mai en lumowir sé tou an ukuman ing kamesé-meséaan éra.

Yohanes 6:19

An tutuw éra madayung in londéi wona' limao kuma'pa enemo kilometer eng katayangna, sérén éra si Yesus mawaya' am bawo in dano maruru mai in londéi éra. Séra maindé'.

Yohanes 7:29

Taan katuusan-Ku Sia, ampa'paan Aku mai ai Sia owo wo Siao e mutusai Yaku.”

Yohanes 8:19

Wo icua éra ai Sia, “Am bisa réén si Amang-Mu?” Isowat i Yesus ai séra, “Kamu ra'ica makatuus Yaku, wo ka'i ra'ica makatuus si Amang-Ku. Sa kamu makatuus Yaku, tantu katuusan ka'i miow si Amang-Ku.”

Yohanes 8:55

Taan Sia ra'ica katuusan iow, Yaku makatuus Sia. Sa woo Aku kumua Sia ra'ica katuusan-Ku, Yaku tou kotowo kaputé miow. Taan Aku makatuus Sia, wo le'tek an Taar-Na.

Kisah Para Rasul 17:23

Ampa'paan an tutuwku in lumi'cir ing kota miow, sinéréku em barang-barang pengaapo'an iow. Asi esa tampa pengaapo'an awéan paragésan si pinatican in tana'i. ‘A si Casuruan si ra'ica katuusan.’ Si Kasuruan si paapo'an iow taan ra'ica katuusan iow itu, Siao si cuaku ai camu.

Kisah Para Rasul 26:18

e mangé muka' im bewerot éra wosama' séra ra'io ka'i menonou ang kariréimbengan taan menonou ang kasendotan, wo ka'i séra ra'io pakakawasan i kikiiten é sétang taan pakakawasan i Amang Kasuruan. Wo in taniitu ampa'paan séra maéman a Yaku, eng kamesé-meséaan éra makéré oka kaampungan wo makéré oka ka'i bagéan si aitantuo i Amang Kasuruan a sé tou sé line'nas-Na.’

Roma 1:28

Wo paweroten éra ka'i, ra'io sangali makatuus si Amang Kasuruan, ampa'paan in ituo iwaya i Amang Kasuruan em pakawerot éra icasélé'kow, akar séra mengaéma' sé ra'ica patus émaan éra.

Roma 3:11

Ra'ica wana tou e makailek si wutul, wo ra'ica wana tou e masalé' makatuus si Amang Kasuruan, mandé esake'.

Roma 3:26

Si Yesus maté en sumawel icita ampa'paan ing kamesé-meséaan, siitu en tuusna sapaoka si Amang Kasuruan ra'ica marapit. Wo in taniitu aituru'-Nao sapaoka Sia wutul; wo pakasa é tou maéman a si Yesus, nianggap i Amang Kasuruan wutul an dior-Na.

1 Korintus 1:21

Ampa'paan mandé tambisa eng kapinteran é tou ang kayo'baan, ra'ica makawoo makatuus si Amang Kasuruan sa asalo maké ing kapinteran in esa. Taan ampa'paan ing kapinteran i Amang Kasuruan, pinusé'-Nao en lumowir sé tou maéman ai Sia kumiit in abar ipakua-kua ami. En abar itu, paanggapen é tou ra'ica maéman a si Yesus, abar ra'ica wana torona.

1 Korintus 15:34

Anaé, mawutu-wutulo mangé mape'dis wo ra'io toro ka'i mengéma-ngéma' ing kamesé-meséaan. Ampa'paan an uner iow awéan sé ra'ipé' makatuus si Amang Kasuruan. Icuaku en anio' wosama' kamu malawi' wo mape'dis.

2 Korintus 4:4

Sé tou ra'ica mapercaya, em pakawerot éra winolao i opo' léwo' si makakawasa ing kayo'baan anio', akar séra ra'io mailek in sendot in Abar Kaaruien itu. Anaé, séra ra'ica makailek tambisa eng kawangko' i rarayo wo in sisiri' i Kristus, si meputé ulit wo si Amang Kasuruan.

2 Tesalonika 1:8

Wo ukumen-Na oka sé tou sé ra'ica kiim mengkatuusan wo si Amang Kasuruan wo ra'ica kiim kumiit in Abar Kaaruien andumoro' i Yesus Kristus Apo'ta.

Ibrani 8:11

Wo séra ra'io sangali mensusuian wo sé kara-karapi kuma'pa sé poo-poow éra, wosama' makatuus si Casuruan. Ampa'paan séra im baya tumo'tol asé tou ra'ica penting akar a sé tou penting makatuus oka Yaku.

1 Yohanes 1:9

Taan sa pangakunta eng kamesé-meséaanta ai Sia, tantu kita ampungan-Na. Sia wutu-wutul le'tek an janji-Na wo ra'ica marapit, ampa'paan in ituo ampungan-Na oka eng kamesé-meséaanta wo le'nasen-Na oka kita asé kaléwo-léwo'an sé niéma'ta.

Wahyu 13:8

Pakasa é tou sé menonou ang kayo'baan kumuru en sumiri' oka a si binatang itu. Sérao sé tou tumo'tolke' mai eng kayo'baan anio' niéma' e ngaran éra ra'ica aipatic ang kitap ing katouan i Toyaang i Domba si pinatéo.

Wahyu 16:5

Wo kalingaanku si malaékat makakawasa an dano itu kumua, “Icoo si le'nas, si awéano indior, wo ka'i awéan akar intarépé'. Ico si ra'ica marapit, ampa'paan Ico imééo in ukuman anio'.