Yohanes 17:20 - En Taar Weru a nunuwu' é Tontemboan

²⁰ Em pasombayang-Ku ra'ica isérake', taan ka'i a sé tou sé luminga in sususuien éra wo maéman oka a Yaku.

Yohanes 17:20 ပူးပေါင်းရင်းမြစ်များ

Yohanes 10:16

Taan Yaku awéané' ka'i domba walina sé ra'ica asi kurungan anio', sé domba itu musti ka'i akinen-Ku wo lingan oka éra en suara-Ku. Wo séra mamuali oka sangareru' wo sé domba-Ku ang kurungan anio', wo makaanu esa gembala, siituo Aku.

Yohanes 17:19

Wo isarakan-Ku eng katouan le'nas-Ku en sumelewir si Amang. Niéma'-Ku en itu torona ing kalooran éra, wosama' séra ka'i ro'na sumarakan in owak en sumelewir si Amang kumiit in sususuien wutul-Mu.

Yohanes 17:21

Pekiupusen-Ku a si Amang wosama' séra im baya meesa, kaputé i Amang esa wo Yaku wo Yaku esa wo si Amang wosama' séra ka'i meesa wo Cita. Wo in taniitu, sé tou ang kayo'baan ro'na mercaya sapaoka si Amango e mutusai Yaku.

Kisah Para Rasul 2:41

Kumawus in itu, sé tou itumerima i nunuwuun i Petrus, séra méé in owak em baptisen. Asi témpo ituke', sé tou maéman a si Yesus makaawes eng kakeli mamuali telu ngariwu tou.

Kisah Para Rasul 4:4

Taan an uner é tou sé iluminga in sususuien itu kelian sé maéman, akar eng kakeli éra wona' awéan lima ngariwu tuama.

Roma 16:26

Taan intarépé', ampa'paano im perénta i Amang Kasuruan si menonou akar ing kauré-uré, si paene-enep-Na itu aituru'o wo aicuao a sé im pakasa in suku maké ing kitap-kitap sé aipatico é nabi, wosama' séra maéman wo le'tek a si Amang Kasuruan.

Efesus 4:11

Wo Siao en tumambérai ing kamang a sé tou. Awéan tou sé aitantu-Na mamuali ruru'du'an, mamuali nabi, mamuali tou mengakua in Abar Kaaruien andumoro' i Yesus Kristus, mamuali gembala é jamaat wo ka'i guru.

2 Timotius 1:2

Timotius, ko tanu toyaangku in esa wo icaupusku. Pangilekenku a si Amang Kasuruan wo a si Kristus Yesus Apo'ta en tumambérai ing kamang, tumuru' ing kaupusan wo ing kaeluran ang katouanmu.