Yohanes 17:13 - En Taar Weru a nunuwu' é Tontemboan

¹³ Taan intarépé' Yaku mai a si Amang. Wo ang karoro'an Aku ang kayo'baané', icua-Ku waya en anio' ai séra, wosama' séra mendam in arui keli kaputé in até-Ku mendam ka'i in arui.

Yohanes 17:13 ပူးပေါင်းရင်းမြစ်များ

Yohanes 13:3

Kailekan i Yesus pakasa eng kawasa aiwééo mai i Amang-Na ai Sia. Kailekan-Na ka'i Sia mai asi Amang Kasuruan owo wo maréng oka ai Sia.

Yohanes 15:11

Pakasa en itu icua-Ku ai camu, wosama' kamu ro'na maarui meputé wo Yaku, wo eng kaaruian iow itu makakii-kiit.

Yohanes 16:33

Icua-Ku waya en itu ai camu, wosama' kéréan iow eng kaeluran ampa'paan meesao ang karapi-Ku. Ang kayo'baan anio' ipeta'up oka miow eng kawenduan, taan kete-ketereno mangé en até miow, ampa'paan kinala-Kuo waya eng kawasa ing kayo'baan anio'.”

Yohanes 17:11

Yaku maangé oka a si Amang, anaé Yaku ra'io ka'i ang kayo'baan anio', taan séra ang kayo'baané'. O Amang si lume'na-le'nas, téirano mai séra ang karapi i ngaran-Mu si aiwééo i Amang a Yaku, wosama' séra maesa, kaputé i Amang esa wo Yaku.

Yohanes 3:29

Ang kinawéngan, si pengantén tuama makaanu si pengantén wéwéné. Wo si karapi i pengantén tuama si makatulung an duruna arui tutuw sia luminga in suarana. Taniitu ka'i mai wo yaku si Yohanes, intarépé' aku mendam in arui keli ampa'paan keli tou mai a si Yesus.

Yohanes 7:33

Wo si Yesus makuapé' a sé tou keli, “Ra'io uré ka'i en témpo-Ku mewali-wali wo icamu, kumawus in itu Aku maréngo mangé ai Sia si mutusai Yaku.

Kisah Para Rasul 13:52

Taan sé murit an Antiokhia arui keli wo séra ka'i kinawasa i Roh Le'nas.

Roma 14:17

Ampa'paan sa si Amang Kasuruan mamuali kolano ang katouanta, eng kumataré-taré ra'ica andumoro' ing kakanen kuma'pa in elepen, taan andumoro' tumambisa mamuali tou nianggap wutul i Amang Kasuruan, menonou meelu-eluran wo sé kakélé tou, wo maaru-arui ampa'paan i Roh Le'nas.

Galatia 5:22

Taan sé tou pakaakinen i Roh Le'nas, wuéna ing katouanna tanu sé anio': awéan upus, kaaruian, kaeluran, katalesenan, kasamaan in até, kalooran, kale'tekkan,

Ibrani 12:2

Am papekowaan anio', mayoo kiitenta ang karapi im beren si asalo makatéinteng angé a si Yesus, ampa'paan Siao si maakin im paémanenta a si Amang Kasuruan wo si makawali im paémanenta makaleke-lekep. Sia talesen pengaokoien akar maté ang kayu salip, ra'ica pandungen-Na em pengaroros ampa'paan kailekan-Na sapaoka makasangkum ako im pakasa in itu awéan kaaruian si aitu'tulo ai Sia. Intarépé' Sia makalukut ang kakan im palukutan pasiri-siriin i Amang Kasuruan.

1 Yohanes 1:4

Pakasa en anio' aipatic ami wosama' en atéta wutu-wutul arui.

2 Yohanes 1:12

Keliané' woo em paticku ai camu, taan aweso taré ra'ica an surat. Em paarapenku maai oka meta'up wo icamu wo mepaar ang karapi miow. Wo in taniitu en atéta wutu-wutul arui.