Yohanes 17:10 - En Taar Weru a nunuwu' é Tontemboan

¹⁰ Pakasa sé anu-Ku anu ka'i i Amang, wo pakasa sé anu i Amang, anu-Ku ka'i. Ampa'paano iséra Yaku iparayo-rayo wo pasiri-siriin.

Yohanes 17:10 ပူးပေါင်းရင်းမြစ်များ

Yohanes 10:30

Yaku wo si Amang-Ku esa.”

Yohanes 11:4

An tutuw i Yesus iluminga in abar itu, icua-Na, “En sakitna itu ra'ica makawali oka sia am papaté. Taan en anio' mamuali wosama' ituru' i Amang Kasuruan eng kawangko'-Na, wo in taniitu si Toyaang-Na iparayo-rayo wo pasiri-siriin oka.”

Yohanes 12:23

Wo icua i Yesus ai séra, “Maayo en témpona si Toyaang i Tou iparayo-rayo wo pasiri-siriin.

Yohanes 5:23

Niéma' i Amang taniitu wosama' pakasa en tou sumiri' si Toyaang-Na kaputé éra sumiri' si Amang. Si séike' si ra'ica sumiri' si Toyaang-Na, sia ka'i ra'ica sumiri' si Amang si mutusai si Toyaang.

Kisah Para Rasul 19:17

Pakasa sé tou Yahudi wo sé tou ra'ica Yahudi an Efesus makalinga ing kamamualian itu. Kelinga in itu wo séra maindé' wo marayo-rayo i ngaran i Apo' Yesus.

Galatia 1:24

Ampa'paan sapa e niéma' i Amang Kasuruan a yaku, séra rumayo wo sumiri' Sia.

Filipi 1:20

En icasalé'ku wo em paarapenku wosama' aku ra'- ica papalawi' mengaéma' in tawoien si aiwéé i Amang Kasuruan. Wo em butulna en casalé'ku sapaoka intarépé' aku kasake' ra'ica maindé' mengakua andumoro' i Kristus kaputé indior. Anaé aku menonou kuma'pa maté ra'ica sapa-sapa, em penting keli si Kristus em parayo wo pasiriin am pakasa sé pengaémaanku.

Kolose 2:9

Anaé, kamu tioo katawéran in sususuien itu, ampa'paan pakasa em peri i Amang Kasuruan awéano an owak i Kristus ang karapi in lekep.

2 Tesalonika 1:10

Pakasa en itu mamuali oka an tutuw i Apo' Yesus imayo sumawel. Sia maai oka wo irayo é tou le'nas-Na wo siriin waya é tou maéman. Kamu ka'i icauntep ai séra ampa'paan kamu maémano in abar si aicuao ami.

2 Tesalonika 1:12

Wo in taniitu, e ngaran i Yesus si Apo'ta iparayo miow. Wo ka'i kamu irayo i Apo' Yesus ampa'paan si Amang Kasuruanta wo si Apo' Yesus Kristus tumambérai ing kamang ai cita.

1 Petrus 2:9

Taan kamu anio' bangsa sé sinisiro i Amang Kasuruan, imam sé maselewir a si Amang Kasuruan si Colanota, bangsa sé line'nas-Nao wo ka'i mamuali anu-Na. Kamu im baya imamuali tanu siitu wosama' ro'na ipakua-kua miow a sé tou andumoro' sé kakaya'kaan sé niéma'o i Amang Kasuruan. Siao en tumowa icamu kumesot ang kariréimbengan wo muntep asi sendot-Na wangko'.