Yohanes 16:7 - En Taar Weru a nunuwu' é Tontemboan

⁷ Taan en aicua-Ku anio' wutul, lébé awéan eng katoronaan ai camu sa Aku maangém a si Amang, ampa'paan sa Aku ra'ica maangé, si Roh Matawang itu ra'ica kawisa maai ai camu. Taan sa Aku maangém, yutus-Ku oka mai Sia ai camu.

Yohanes 16:7 ပူးပေါင်းရင်းမြစ်များ

Lukas 24:49

Wo iwéé-Ku oka ai camu e Roh Le'nas si aijanjio i Amang-Ku indior. Taan kamu musti mento' owo ang kota anio' akar kamu wutan ing kawasa i Roh Le'nas asi Amang Kasuruan owo.”

Lukas 4:25

Taan icua-Ku ai camu sé uli-ulit mamuali, tana'i: Indior an jaman i nabi Elia, linémpen i Amang Kasuruan en langit wo telu ngata'un enem ngaserap eng kauré ra'ica imaura-uran am pakasa in tana' Israel wo ka'i tinena ing kaareman wangko'. Asi témpo itu ka'i a mangé mbitu kelian wéwéné balu.

Lukas 9:27

Wéan rékén sumama-sama'! Sé icua-Ku anio' ulit. An uner iow am bia'i, awéan sé ra'ipé' maté sa ra'ipé' suméré si Amang Kasuruan Kumawasa tanu Kolano.”

Yohanes 14:26

Taan si Matawang si yutus oka mai i Amang-Ku ai camu en sumawel Yaku, Siao si Roh Le'nas. Sa Sia maai, isusui-Na oka em baya-waya ai camu wo ita'néi-Na ai camu im baya sé aicua-Kuo ai camu.

Yohanes 14:28

Liningao miow sé aicua-Ku, Yaku maangé taan Aku maai oka sumawel ai camu. Sa kamu uli-ulit mengaupus Yaku, kamu arui oka sa Aku mangé a si Amang-Ku, ampa'paan si Amang-Ku en lébé wangko' mai wo Yaku.

Yohanes 14:3

Sa Aku mangém am bitu wo en tampa miow tinu'tul-Kuo, Yaku maai oka sumawel wo makawali icamu maangé an tampa-Ku, wosama' am bisa Aku am bitu ka'i kamu.

Yohanes 15:26

Taan yutus-Ku oka ai camu si Matawang asi Amang owo. Siao si Roh Le'nas si maali icamu asi sususuien wutul andumoro' i Amang Kasuruan. An tutuw-Na i maai, Sia méé oka ing kasairian andumoro' Yaku.

Yohanes 16:8

Sa Sia mayo, ituru'-Na oka a sé tou ang kayo'baan andumoro' ing kamesé-meséaan wo andumoro' si wutul, wo andumoro' in ukuman i Amang Kasuruan si maai oka.

Yohanes 7:39

An tutuw i Yesus kumua andumoro' in dano itu, eng kaangéanna e Roh i Amang Kasuruan teriman oka é tou maéman. Taan e Roh itu ra'ipé' aiwéé a sé tou maéman, ampa'paan em papaté ra'ipé' pinendam i Yesus wo ra'ipé' niangkai angé an tampa-Na si parayo-rayo wo pasiri-siriin an sorga.

Kisah Para Rasul 10:34

Wo tumo'tolo si Petrus rumoma', “En ulitna intarépé'o kailekanku sa si Amang Kasuruan itu ra'ica mengasisir tou.

Kisah Para Rasul 2:33

Intarépé', si Yesus niangkaio mangé i Amang Kasuruan ang kakan-Na an tampa pasiri-siriin wo tumerimao i Roh Le'nas si aijanji-Nao indior. E Roh Le'nas itu, iwéé-Nao ka'i ai cami, si sinéré wo liningao miow am bia'i.

Roma 8:28

Kailekanta intarépé' sapaoka si Amang Kasuruan mengatu'tul im baya-waya, wosama' méé ing kalooran a sé tou sé menga- upus Sia, sé tinowa-Na iciit im pawasa-wasa-Na.

2 Korintus 4:17

Wo eng kawenduan sé papendamen ami intarépé' ra'ica uter wo ang karoro'anke'. Taan teriman ami oka eng kaaruian si ra'io icakua wo eng kaaruian itu akar ing kauré-uré. Eng kaaruian itu ilumébé mai wo ing kawangko' sa ipeputé wo ing kawenduan si pinendam ami mai.