Yohanes 16:32 - En Taar Weru a nunuwu' é Tontemboan

³² Ta'néien! Maai oka en témpona, wo an témponao kamu icasera-serar oka e maréng an tampana i esa wo i esa, wo itela'u oka miow Yaku in esa. Taan en ulitna ra'ica Yakuke' in esa, ampa'paan Si Amang mewali-wali wo Yaku.

Yohanes 16:32 ပူးပေါင်းရင်းမြစ်များ

Matius 26:31

Wo icua i Yesus a sé murit-Na, “Asi wengike' anio' icamu im baya tumela'u oka Yaku. Ampa'paan ang Kitap Le'nas aipatico in tana'i, ‘Patén-Ku oka si gembala, wo sé domba itu icasera-serar oka.’

Matius 26:56

Taan pakasa en anio' musti mamuali, wosama' en aipatic é nabi ang Kitap Le'nas musti lekepen.” Wo pakasa sé murit-Na tumela'u Sia wo tumincas.

Markus 14:27

Wo icua ka'i i Yesus, “Pakasa kamu tumela'u oka Yaku, ampa'paan aicuao i Amang Kasuruan ang Kitap Le'nas in tana'i, ‘Patén-Ku oka Si Gembala, wo sé domba-Na icasera-serar oka.’

Markus 14:50

Wo pakasa sé murit-Na tumela'u Sia wo tumincas.

Yohanes 12:23

Wo icua i Yesus ai séra, “Maayo en témpona si Toyaang i Tou iparayo-rayo wo pasiri-siriin.

Yohanes 16:2

Ampa'paan kamu ra'io ka'i iwéé é kikiiten é agama Yahudi maapo' am balé paapo'an éra. Lébé-lébé ka'i maai oka en témpona si séike' e maté icamu, pawerotenna ang karapi i méma' in taniitu niéma'nao eng kasalé'an i Amang Kasuruan.

Yohanes 16:25

Pakasa en anio' aicua-Kuo ai camu maké in andéan. Taan maai oka en témpona icua-Ku ai camu ra'ica ka'i maké in andéan. An tutuw itu icua-Ku oka ai camu ang karapi in da'ica ipaene-enep andumoro' i Amang-Ku.

Yohanes 16:31

Wo isowat i Yesus ai séra, “Intarépé' uli-ulito réén percayan iow?

Yohanes 19:27

Wo icua-Na a si murit icaupus-Na itu, “Si anioo si inangmu!” Tumo'tolke' asi tempo' itu, si inang i Yesus tinerima i murit itu mento' am baléna.

Yohanes 20:10

Kumawus in itu, sé rua murit itu maréng angé am balé.

Yohanes 4:21

Icua i Yesus ai sia, “Inang, percayano mangé en icua-Ku anio': Maai oka en témpona sé tou maapo' a si Amang Kasuruan am bisa-wisake', ra'ica sangali sumosor asi kuntung anio' wo mangé an Yerusalem.

Yohanes 4:23

Taan maai oka en témpona, wo intarépé' an témponao sé tou maapo' oka a si Amang Kasuruan Amangta ang karapi ing kawasa i Roh Le'nas wo iciit in sususuien wutul-Na. Ampa'paan sé tou maapo' ai Sia tanu siitu, pangérén-Na.

Yohanes 5:25

En ulitna icua-Ku mangé ai camu, awéan oka en témpona wo an témponao, sapaoka sé imatéo, luminga oka in suara i Toyaang i Amang Kasuruan, siituo en suara-Ku. Wo sé tou luminga in suara-Ku menonou oka.

Yohanes 5:28

Tioo kamu mangaya'ka' in aicua-Ku anio', ampa'paan maai oka en témpona pakasa en tou sé aicuburo luminga oka in suara-Ku,

Yohanes 8:16

Taan sa Aku makim, em pakaakim-Ku wutul. Ampa'paan ra'ica Yaku in esa e makim, taan Aku makim mewali-wali wo si Amang-Ku si mutusai Yaku.

Yohanes 8:29

Wo Sia si mutusai Yaku, mewali-wali wo Yaku. Ra'ica kawisa wo iwaya-Na Yaku in esa, ampa'paan sapa sé pengéma-ngémaan-Ku maarui in até-Na.”

Kisah Para Rasul 21:6

Kekawus in itu, kami mangileko permisi ai séra en lumala'us im bawayaan wo kami sumaké ang kapal. Wo pakasa séra maréng angé am balé.