Yohanes 16:19 - En Taar Weru a nunuwu' é Tontemboan

¹⁹ Kailekan i Yesus eng kasalé'an éra i mamuéi woo ai Sia, wo icua-Na ai séra, “Kamu si esa wo sé walina membum-buéian andumoro' si aicua-Ku tarépé', ‘Ra'io uré ka'i en témpona Aku ra'io kaséréan iow, wo ra'io uré ka'i Aku kaséréan oka miow.’

Yohanes 16:19 ပူးပေါင်းရင်းမြစ်များ

Matius 6:8

Anaé, tioo kamu kaputé éra, ampa'paan ra'ipé' pinangilek iow a si Amang Kasuruan, kinailekan-Nao sapa em paperlun iow.

Matius 9:4

Taan kailekan i Yesus em pawero-weroten éra, wo icua-Na ai séra, “Kéitu réén kamu mawerot andumoro' sé léwo' an untep in até miow?

Markus 9:32

Ra'ica kaangéan éra sé airoma'-Na itu, taan séra kenengke' i mamuéi ai Sia.

Yohanes 13:33

Icua ka'i i Yesus, “Éi toya-toyaang-Ku, Yaku ra'io mauré-uré mewali-wali wo icamu, wo pangérén oka miow Aku. Taan tanu sé aicua-Kuo a sé kikiiten é tou Yahudi, icua-Ku ka'i, em paangéan-Ku, kamu ra'ica icaangé am bitu.

Yohanes 14:19

Ra'io uré ka'i, Yaku ra'io sérén é tou ang kayo'baan anio', taan sérén oka ka'i miow Aku ampa'paan Yaku tumou oka sumawel. Yaku tumou sumawel, anaé kamu ka'i tumou oka sumawel.

Yohanes 16:16

Icua ka'i i Yesus, “Ra'io uré en témpona Aku ra'io kaséréan iow, wo ra'io ka'i uré kaséréan oka miow Aku.”

Yohanes 16:18

Séra wo iséra membum-buéian, “Ra'io uré? Sapa eng kaangéan si aicua-Na? Ra'ica kaangéanta.”

Yohanes 16:23

Wo asi endo itu, kamu ra'io ka'i sangali mamuéi sapa-sapa a Yaku. En ulitna icua-Ku mangé ai camu, sapake' em pangileken iow a si Amang-Ku a ngaran-Ku, iwéé-Na oka mai.

Yohanes 16:26

Asi témpo itu icamu oka in esa e mangilek a si Amang ang karapi i ngaran-Ku, anaé ra'io sangali ka'i Aku mangilek a si Amang torona miow,

Yohanes 16:30

Intarépé' kailekan ami sapaoka si Guru makailek im baya-waya, wo ra'io sangali sé tou mamuéi sapa-sapa a si Guru. Ampa'paan in ituo percayan ami si Guru imai asi Amang Kasuruan owo.”

Yohanes 21:17

Wuéien ka'i i Yesus ing katelu a si Petrus, “Simon, toyaang i Yohanes, icaupusmu réén Aku?” Wo en até i Petrus mawendu, ampa'paan akar i makatelu si Yesus mamuéi ai sia, “Icaupusmu réén Aku?” Wo isowatna a si Yesus, “Tuang, em baya-waya kailekan-Mu, kailekan-Mu sapaoka aku mengaupus Ico.” Icua ka'i i Yesus a si Petrus, “Paliarano mio' sé domba-Ku.

Yohanes 6:61

Kailekan i Yesus sé tou makii-kiit Sia itu membere-mbereng ampa'paan in ituo icua-Na ai séra, “Kéitu, ra'ica réén icasalé' miow sé aicua-Ku itu?

Yohanes 7:33

Wo si Yesus makuapé' a sé tou keli, “Ra'io uré ka'i en témpo-Ku mewali-wali wo icamu, kumawus in itu Aku maréngo mangé ai Sia si mutusai Yaku.

Ibrani 4:13

Ra'ica wana mandé esake' mahluk en icaenep am beren i Amang Kasuruan. Sapa-sapake' makawuka-wuka' wo kaséré-séréan an dior-Na, wo ai Siake' kita méé im panowaten asé im pakasa sé niéma'ta.

Wahyu 2:23

Wo patén-Ku oka sé toyaangna. Wo in taniitu kailekan oka waya é jamaat sapaoka Yakuo si makailek im bewerot wo in até é tou, wo suliin-Ku oka kamu si esa wo si esa iciit im paémaan iow.