Yohanes 16:10 - En Taar Weru a nunuwu' é Tontemboan

¹⁰ Karua, ituru'-Na oka ai séra sapaoka Yakuo si wutul, ampa'paan Aku maangé oka a si Amang, wo Yaku ka'i ra'io kaséréan iow.

Yohanes 16:10 ပူးပေါင်းရင်းမြစ်များ

Yohanes 16:28

Yaku asi Amang owo, wo mai ang kayo'baan anio'. Wo intarépé' itela'u-Ku ka'i eng kayo'baan anio' wo maréng angé sumawel a si Amang-Ku.”

Yohanes 16:5

Taan intarépé' Aku maangém a si Amang si mutuso mai Yaku, wo ra'ica ka'i wana esaan tou ai camu e mamuéi a Yaku, am bisa em paangéan-Ku.

Yohanes 3:14

Wo an tutuw é apo-apo'ta an tana' kapayasan, wo émaan i Musa esa koloi' an tambaga owo wo iwérénna si coloi' itu asi sangapokol kayu. Taniitu ka'i si Toyaang i Tou, musti iwérén an tiang ing kayu,

Yohanes 5:32

Taan si Amang Kasuruan e méé kasairian andumoro' Yaku, kailekan-Ku sapaoka eng kasairian-Na andumoro' Yaku itu wutul.

Yohanes 7:33

Wo si Yesus makuapé' a sé tou keli, “Ra'io uré ka'i en témpo-Ku mewali-wali wo icamu, kumawus in itu Aku maréngo mangé ai Sia si mutusai Yaku.

Kisah Para Rasul 17:31

Ampa'paan aitantu-Nao asi esa témpo e makim sé tou karapi i ra'ica marapit, wo aituru'-Nao esa Tou mamuali akim. Wo aituru'-Nao en itu a sé pakasa in tou ang karapi in tumou sumawel si Tou itu am papaté.”

Kisah Para Rasul 2:32

Si Yesus anioo si tinou sumawel i Amang Kasuruan. Wo icamio im baya e mamuali sairi andumoro' in itu.

Kisah Para Rasul 3:14

Taan aicélongo miow Sia si Le'nas wo si mengaéma' im butul. Wo pinangilek iowke' si mengapaté tou si wekar.

Kisah Para Rasul 7:52

Icuao mai, si séi sé nabi ra'ica niokoi é apo-apo' miow? Taan taré pinaté érake' sé nabi sé riorai mengakua andumoro' si Tou Wutul mai, wo intarépé' Sia kinianato wo pinatéo miow.

Roma 1:17

Ampa'paan asi Abar Kaaruien itu, si Amang Kasuruan tumuru'o tumambisa sé tou nianggap-Na wutul. En lalanna musti maéman a si Kristus, ra'ica wana walina. En itu tanu in aipatic ang Kitap Le'nas in tana'i, “Si tou nianggap wutul i Amang Kasuruan ampa'paano im paémanenna, sia menonou oka!”

1 Korintus 1:30

Si Amang Kasuruan in esa e méma' camu meesa ang karapi i Kristus Yesus. Wo si Kristus Yesuso e méma' cita mapinter, wo ampa'paano Sia ka'i kita nianggap wutul i Amang Kasuruan. Niéma ka'i Yesus kita mamuali tou le'nas wo ka'i tinu'bus-Na kita ang kamesé-meséaanta.

2 Korintus 5:21

Si Kristus ra'ica wana kamesé-meséaan, taan niéma' i Amang Kasuruan si Kristus e muléng ing kamesé-meséaanta, wosama' icita mamuali tou wutul an dior i Amang Kasuruan ampa'paan i Kristus.

Galatia 5:5

Taan kita maarap nianggap-Na wutul ampa'paan ing kawasa i Roh Le'nas wo ampa'paan im paémanenta a si Kristus.

1 Timotius 3:16

Indior en sususuien wutul itu ra'ica kailekan é tou, taan intarépé' sé icaenep andumoro' in sususuien wutul sé ra'io cakua itu, winuka'o i Amang Kasuruan. Sé icaenep itu tana'i: “Si Yesus imayo wo mamualio tou, wo aituru' i Roh Le'nas sapaoka Sia itu wutul. Sia mapaturu'o in owak-Na a sé malaékat, wo en sisisilen andumoro' Sia itu icaseraro a sé bangsa. Wo Sia émanen é pakasa ing kayo'baan, wo Sia niangkaio mangé an sorga ang karapi i rarayo wo in sisiri'.”

1 Petrus 3:18

Ampa'paan si Kristus imatéo wayake' imakasa en tumu'bus ing kamesé-meséaanta. Sia ra'ica wana kaséaan, taan Sia imaté torona icita sé mengéma-ngéma' ing kamesé-meséaan, wosama' kita ro'na ipakawali-Na mangé a si Amang Kasuruan. Sia pinaté an tutuw-Na imamuali Tou, taan Sia tinou sumawel i Roh Le'nas.