Yohanes 15:6 - En Taar Weru a nunuwu' é Tontemboan

⁶ Si séike' mangé si ra'ica menonou meesa wo Yaku, sia tanuoka im pangana si ra'ica mawua', itiya' oka wo mapera, wo li'usen oka é tou wo iténdél an untep in api wo tunun.

Yohanes 15:6 ပူးပေါင်းရင်းမြစ်များ

Matius 13:41

Iru'du' oka i Toyaang i Tou sé malaékat-Na wo li'usen éra oka ang Kakolanoan-Na pakasa sé imangémai sé tou mengaéma' ing kamesé-meséaan wo pakasa en tou sé mengaéma' ing kaléwo'an.

Matius 27:5

Wo iwangkil i Yudas en doit pérak itu am Balé Le'nas. Wo itela'una en tampa itu wo sia mangé rumantong in owak.

Matius 3:10

Em pati tinu'tulo an a'mut in tuura en tumongkéi in tuura sé ra'ica mengawéé wua'na loor wo tiya' an api.

Matius 7:19

En tuura sé ra'ica mawua' loor, tantu tongkéien wo tiya' an api.

Yohanes 15:2

Pakasa em pangana sé a Yaku sé ra'ica mengawua' pokolen-Na, wo pakasa em pangana sé a Yaku sé mengawua' weresin-Na wosama' em bua'na makaawes eng kakeli.

Ibrani 10:27

taan asalo oka maento-ento' in ukuman si kaindéén oka mai ang karapi in api mengembu-ngembung si ra'io icakua en tumunu oka pakasa in tou sé masundur si Amang Kasuruan.

2 Petrus 2:20

Sé tou itu isumangkumo makatuus si Yesus Kristus, Apo' wo Lumolowirta, séra icawekaro ang kasalé'an léwo' ing kayo'baan. Taan sa séra maréng sumawel iméma' sé kaléwo'-léwo'an itu, eng kasiwakanna em peri ing katouan éra itu ilumébé léwo' mai asi cataré.

1 Yohanes 2:19

Mémang séra itu tou an unerta owo, taan séra itu ra'ica touta. Ampa'paan sa séra itu touta, tantu séra kasake' mewali-wali wo icita. Taan ampa'paan séra itumanéo wo icita, en itu mamuali tuus sa séra itu ra'ica touta.

Wahyu 20:15

Wo pakasa sé tou e ngaran éra ra'ica aipatic an untep ing kitap katouan itu, iténdél an untep in ta'sic api itu.

Wahyu 21:8

Taan sé tou toloindé' mengasairi andumoro' i Yesus, sé tou ra'ica maéman, sé tou mengaéma' ing kaléwo-léwo'an sé karican oka mai, sé tou mengapaté tou, sé tou mengasundal, sé tou mengasihir, sé tou mengaapo' a sé opo-opo' wo pakasa sé tou kotowo, séra im baya yuntep oka an untep in ta'sic api walélang si mengembu-ngembung. Si anioo em papaté karua.”