Yohanes 15:27 - En Taar Weru a nunuwu' é Tontemboan

²⁷ Wo icamu ka'i musti méé ing kasairian a sé tou walina andumoro' Yaku, ampa'paan kamu mewali-walio wo Yaku tumo'tolke' mai asi kataré.”

Yohanes 15:27 ပူးပေါင်းရင်းမြစ်များ

Markus 1:1

Si anioo en to'tolan in Abar Kaaruien andumoro' i Yesus Kristus, Toyaang i Amang Kasuruan.

Lukas 24:48

Wo icamuo en suméré an tutuw-Ku i mawendu, maté wo tumou sumawel. Anaé, sapa en sinéréo miow, icuao mangé a sé pakasa in tou.

Yohanes 19:35

Si tou en suméré ing kamamualian itu in esa, en icumua sapa en sinerénao, wo sé ipakuana itu wutul. Wo kailekanna sapaoka sia makua im butul wosama' percayaan iow.

Yohanes 21:24

Si murit ituo si méé ing kasairian wo imatic andumoro' im pakasa in anio'. Wo kailekanta sapaoka eng kasairianna itu wutul.

Kisah Para Rasul 1:8

Taan an tutuw i Roh Le'nas tumumpa mai ai camu, kamu makéré oka kawasa. Wo kamu mamuali oka sairi andumoro' Yaku an Yerusalem, am pakasa in Yudea wo an Samaria wo akar an tempok ing kayo'baan.”

Kisah Para Rasul 13:31

Piraan ngando eng kauréna si Yesus mapaturu' in owak-Na a sé murit-Na, sé sumangkumo kumiit Sia ang Galilea owo wo mangé an Yerusalem. Sérao intarépé' sé mamuali sairi-sairi-Na a sé tou Israel.

Kisah Para Rasul 18:5

An tutuw i Silas wo si Timotius mai a Makedonia owo, endo wo em bengi si Paulus makua in taar i Amang Kasuruan a sé tou Yahudi. Ipakuana sapaoka si Yesus itu Mesias si aijanjio i Amang Kasuruan indior.

Kisah Para Rasul 23:11

Asi woondona mai tutuw i mawengio, si Apo' Yesus mai tumulung an duru i Paulus wo kumua, “Ico ra'ica toro maindé'! Kete-ketereno en atému. Ico imééo kasairian andumoro' Yaku a sé tou Yerusalem anio' wo ka'i ko musti mangé méé kasairian tanu sia'i andumoro' Yaku a Roma.”

Kisah Para Rasul 3:15

Sia si Le'nas itu palemboian ing katouanta pinatéo miow taan Sia tinou sumawel i Amang Kasuruan an uner é tou imaté. Kamio e mamuali sairi sapaoka Sia tumou sumawel.

Kisah Para Rasul 4:20

Ampa'paan kami ra'ica toro mento' mengua-ngua andumoro' in sapa sé sinéréo wo liningao ami.”

Kisah Para Rasul 4:33

Wo ang karapi ing kawasa wangko', sé ruru'du'an méé kasairian andumoro' i Apo' Yesus si tinou sumawel am papaté. Wo séra im baya menonou an upus si aitambér i Amang Kasuruan si ra'io icakua.

1 Petrus 5:1

Yaku ka'i penatua an jamaat kaputé miow. Yaku anio' sairi an tutuw i Kristus pengaokoien. Wo an tutuw i Kristus maai sumawel ang karapi i rarayo wo in sisiri'-Na, yaku icauntep asé tou sé makéré oka bagéan asi rarayo wo in sisiri' si ituru' oka itu. Anaé, sina'uenku kamu sé penatua katawoiku:

1 Petrus 5:12

En surat kolek anio' aipaticku ai camu wo sinémbongan i Silas, si nianggapkuo poowku an esa paémanen. Sia itu le'tek am paémanen wo ro'na papercayan. Aipaticku en surat anio' en sumina'u wo méé kaincayaan ai camu wosama' ro'na percayan iow sapaoka sé aipaticku anio' uli-ulit abar wutul andumoro' ing kamang aitambér i Amang Kasuruan ai camu. Wo eng kamang itu musti timboian iow i mauli-ulit.

1 Yohanes 4:14

Wo sinéréo ami in esa wo sinairi ami sa si Amang imutuso si Toyaang-Na mai lumowir ing kayo'baan anio'.

Wahyu 1:2

Wo si Yohanes méé ka'i ing kasairian andumoro' im pakasa sé sinéréna, siituo sé andumoro' in Taar i Amang Kasuruan wo ka'i sé andumoro' ing kasairian i Yesus Kristus.

Wahyu 1:9

Yaku si Yohanes poow an esa paémanen si mewali-wali wo icamu mendamai in okoi ampa'paan makiit si Yesus. Terimanta oka mewali-wali em bagéanta ang Kakolanoan-Na, wo talesen mangento-ngento' si Yesus maai sumawel. Wo yaku aisingkir angé am pulou Patmos ampa'paan mengakua in Taar i Amang Kasuruan wo me- ngasairi andumoro' sapa si aicua i Yesus.