Yohanes 15:26 - En Taar Weru a nunuwu' é Tontemboan

²⁶ Taan yutus-Ku oka ai camu si Matawang asi Amang owo. Siao si Roh Le'nas si maali icamu asi sususuien wutul andumoro' i Amang Kasuruan. An tutuw-Na i maai, Sia méé oka ing kasairian andumoro' Yaku.

Yohanes 15:26 ပူးပေါင်းရင်းမြစ်များ

Lukas 24:49

Wo iwéé-Ku oka ai camu e Roh Le'nas si aijanjio i Amang-Ku indior. Taan kamu musti mento' owo ang kota anio' akar kamu wutan ing kawasa i Roh Le'nas asi Amang Kasuruan owo.”

Yohanes 14:26

Taan si Matawang si yutus oka mai i Amang-Ku ai camu en sumawel Yaku, Siao si Roh Le'nas. Sa Sia maai, isusui-Na oka em baya-waya ai camu wo ita'néi-Na ai camu im baya sé aicua-Kuo ai camu.

Yohanes 16:7

Taan en aicua-Ku anio' wutul, lébé awéan eng katoronaan ai camu sa Aku maangém a si Amang, ampa'paan sa Aku ra'ica maangé, si Roh Matawang itu ra'ica kawisa maai ai camu. Taan sa Aku maangém, yutus-Ku oka mai Sia ai camu.

Yohanes 8:42

Icua i Yesus ai séra, “Sa si Amang Kasuruan itu Amang iow, tantu kamu maupus oka Yaku, ampa'paan Yaku mai asi Amang Kasuruan owo wo intarépé' Aku am bia'i. Ra'ica kasalé'an-Ku in esa e mai, taan Sia e mutusai Yaku.

Kisah Para Rasul 1:4

An tutuw i Yesus mewali-wali wo iséra, aitaar-Na, “Kamu ra'- ica toro tumela'u in Yerusalem. Mentoo am bitu akar Sia si aijanjio i Amang-Ku maai. Siao si sumangkumo pinalinga miow a Yaku.

Kisah Para Rasul 15:8

Si Amang Kasuruan e makatuus in até é tou, aituru'-Na sapaoka Sia tumerimao sé tou ra'ica Yahudi itu. En itu aituru'-Nao ai cita an tutuw-Na méé i Roh Le'nas ai séra, tanu si aiwéé-Na ai cita.

Kisah Para Rasul 5:32

Wo icamio e mamuali sairi andumoro' waya in itu, wo ka'i e Roh Le'nas si aiwéé i Amang Kasuruan a sé pakasa en tou sé le'tek ai Sia.”

1 Korintus 1:6

En itu mamuali tuus sapaoka kamu masiya'o am paémanen ampa'paan niéma'o mai i Amang Kasuruan en abar andumoro' i Kristus uli-ulit an atéo miow.

Ibrani 2:4

Wo eng kasairian é tou itu kineter i Amang Kasuruan, ampa'paan séra winéan-Na kawooan iméma' in tuu-tuus wo membam-balinaan kakaya'kaan wo kawasa-kawasa wangko' wo mengawéténg in tatambér si aiwéé i Roh Le'nas kumiit ing kasalé'an i Amang Kasuruan in esa.

Wahyu 22:1

Wo ituru' ka'i i malaékat a yaku en doyongan in dano ing katouan, en danona léno kaputé ing kristal. Wo en doyongan itu makesotai asi palukutan pasiri-siriin i Amang Kasuruan wo asi palukutan pasiri-siriin i Toyaang i Domba,