Yohanes 15:25 - En Taar Weru a nunuwu' é Tontemboan

²⁵ Taan en itu mamuali wosama' en taar si aipatic ang kitap Torat musti lekepen, en aipatic tana'i: ‘Séra ra'ica wana alasan e masuut Yaku.’

Yohanes 15:25 ပူးပေါင်းရင်းမြစ်များ

Matius 10:8

Samaano mangé sé tou sumakit, toueno sé tou imatéo, samaano mangé sé tou kusta wo yuséro sé sétang asé tou. Tinerimao miow waya en itu si asaloke' aitambér, ampa'paan in itu itambéro ka'i mangé en itu a sé tou walina.

Lukas 24:44

Makakanai Sia wo icua-Na ai séra, “An tutuw-Ku i mewali-walipé' wo icamu, sumangkumo icua-Ku ai camu, sapaoka pakasa en aipatic andumoro' Yaku ang Kitap Torat, ang kitap é nabi wo ang kitap Mazmur, musti mamuali.”

Yohanes 10:34

Isowat i Yesus ai séra, “Aipatic ang Kitap Le'nas, si Amang Kasuruan icumua a sé kikiiten é agama Yahudi, ‘Icua-Ku, icamu sé nianggap tanu kasuruan.’

Yohanes 13:18

Sapa sé aicua-Ku anio' ra'ica andumoro' icamu im baya. Kailekan-Ku si séi si sinisir-Kuo. Taan sapa sé aipatic ang Kitap Le'nas musti mamuali, aicua in tana'i: “Si tou icuman i roti mewali-wali wo Yaku, sia mamuali oka kaséké'-Ku.”

Yohanes 19:36

En itu mamuali wosama' malekepo sapa sé aipatic ang Kitap Le'nas, “Ra'ica wana en du'i-Na sé lentuun oka.”

Roma 3:19

Taan intarépé' kailekanta sapaoka pakasa sé aipatic an ukum Torat, torona é tou sé menonou pakakawasan in ukum Torat. Wo in taniitu ra'ica wana mandé esake' tou e ro'na méé alasan sapaoka en owakna wutul, anaé pakasa en tou ang kayo'baan meséa' an dior i Amang Kasuruan.

Roma 3:24

Taan ampa'paano in upus aitambér i Amang Kasuruan sé tou anggapen-Na wutul an dior-Na ampa'paan eng kamesé-meséaan éra tinu'buso i Kristus Yesus.

2 Korintus 11:7

An tutuwku makua in Abar Kaaruien i Amang Kasuruan ai camu, yaku ra'ica imangilek ongkos ai camu mandé waya'ke' im pira. Wo in taniitu iwawa'ku en owakku e rumangka' icamu. Meséa' réén sé niéma'ku itu? Tantu ra'ica!

Galatia 2:21

Ra'ica icélongku en upus aitambér i Amang Kasuruan. Ampa'paan sa awéan tou sé nianggap wutul an dior-Na ampa'paan makiit in ukum Torat, tantu em papaté i Kristus ra'ica wana en torona.

2 Tesalonika 3:8

Kami ka'i ra'ica kawisa kuman ing kakanen é tou walina wo ra'ica winéran. Taan kami ka'i re'dem ulit matawoi endo wo em bengi wosama' kami ra'ica mamuali pamuléngen iow.

Wahyu 21:6

Icua-Na ka'i a yaku, “Pakasa imamualio. Yakuo si Alfa wo si Omega, si Kumataré wo si Ka'karan. Si séike' si maré'om, sia wéan-Ku oka elepen si asalo aitambér, asi palemboian in dano si mawéé ing katouan.

Wahyu 22:17

Wo e Roh i Amang Kasuruan wo si pengantén wéwéné itu kumua, “Mayoo!” Wo si séike' sé luminga in anio', sia ka'i musti kumua, “Mayoo!” Si séi e maré'om, mayoo! Wo si séi e masalé', mayoo mindo in dano katouan si asaloke' aitambér.