Yohanes 15:21 - En Taar Weru a nunuwu' é Tontemboan

²¹ Taan séra mokoi oka icamu, ampa'paan kamu makiit Yaku. Niéma' éra in taniitu ampa'paan Si Amang si mutusai Yaku ra'ica katuusan éra.

Yohanes 15:21 ပူးပေါင်းရင်းမြစ်များ

Matius 10:18

Iwali oka éra ka'i kamu an dior é makakawasa wo sé kolano ampa'paan kamu mengakua in andumoro' Yaku. Wo en témpo itu musti pakén iow en sumairi andumoro' Yaku ai séra wo a sé bangsa sé ra'ica makatuus si Amang Kasuruan.

Matius 10:22

Wo pakasa in tou masuut oka icamu ampa'paan kamu makiit Yaku. Taan sé tou le'tek makiit Yaku akar imaté makéré oka ing kalowiran.

Matius 10:39

Si séike' e menonou asaloke' in owakna in esa, sia itu ra'ica makéré ing katouan akar ing kauré-uré. Taan si séike' e méé ing katouanna eng kumiit Yaku, sia makéré oka ing katouan akar ing kauré-uré.

Matius 24:9

An tutuw itu kamu ka'i isarakan oka éra en okoien wo patén, pakasa im bangsa masuut oka icamu ampa'paan kamu makiit Yaku.

Matius 5:11

Pakakamangen kamu, sa ampa'paan Yaku kamu ipaséro', paokoien wo patudun am pakasa in léwo'.

Markus 13:13

Pakasa in tou masuut oka icamu ampa'paan makiit Yaku. Taan sé tou le'tek makiit Yaku akar imaté, séra makéré oka ing kalowiran.”

Lukas 21:12

Taan ra'ipé' mamuali waya en itu, kamu tangkaan owo wo okoien oka é tou. Wo isarakan éra oka kamu am balé-walé paapo'an é agama Yahudi en akimen wo yuntep am bui wo iwali éra oka ka'i a sé kolano wo a sé makakawasa ampa'paan kamu makiit Yaku.

Lukas 21:17

Wo ka'i pakasa sé tou masuut oka icamu ampa'paan makiit Yaku.

Lukas 6:22

Pakakamangen kamu sa kamu icasuut é tou, ra'ica wana tou eng kumarapi, kamu ipawawa' é tou wo pawuruken éra e ngaran iow, ampa'paano kamu makiit Yaku, si Toyaang i Tou.

Yohanes 15:24

Sa ra'ica niéma'-Ku en tuu-tuus kakaya'kaan sé ra'ica kawisa émaan é tou walina, tantu séra ra'ica iméma' ing kamesé-meséaan. Taan intarépé' mandé ka'i sinéré érao pakasa sé niéma'-Ku, taan Yaku wo Si Amang-Ku kasake' ipasuu-suut éra.

Yohanes 16:3

Émaan éra oka en itu ai camu, ampa'paan si Amang-Ku wo Yaku ka'i wutu-wutul ra'ica katuusan éra.

Yohanes 17:25

O Amang si ra'ica marapit! Si Amang wutul ra'ica katuusan é tou ang kayo'baan anio', taan Aku makatuus si Amang. Wo kailekan é makii-kiit Yaku si Amango e mutusai Yaku.

Yohanes 8:19

Wo icua éra ai Sia, “Am bisa réén si Amang-Mu?” Isowat i Yesus ai séra, “Kamu ra'ica makatuus Yaku, wo ka'i ra'ica makatuus si Amang-Ku. Sa kamu makatuus Yaku, tantu katuusan ka'i miow si Amang-Ku.”

Yohanes 8:54

Isowat i Yesus ai séra, “Sa Yaku asaloke' rumayo in owak-Ku in esa, en darayoan kaputé in itu ra'ica wana eng kaangéanna. Si marayo Yaku si Amang-Kuo in esa, si pengaakun iow Amang Kasuruan.

Yohanes 8:55

Taan Sia ra'ica katuusan iow, Yaku makatuus Sia. Sa woo Aku kumua Sia ra'ica katuusan-Ku, Yaku tou kotowo kaputé miow. Taan Aku makatuus Sia, wo le'tek an Taar-Na.

Kisah Para Rasul 17:23

Ampa'paan an tutuwku in lumi'cir ing kota miow, sinéréku em barang-barang pengaapo'an iow. Asi esa tampa pengaapo'an awéan paragésan si pinatican in tana'i. ‘A si Casuruan si ra'ica katuusan.’ Si Kasuruan si paapo'an iow taan ra'ica katuusan iow itu, Siao si cuaku ai camu.

Kisah Para Rasul 26:9

Indior sa kumiit im basaku in esa, émaanku sapake' mangé en sumundur sé tou makiit si Tou Nazaret makangaran Yesus.

Kisah Para Rasul 3:17

Poo-poow, kailekanku kamu wo pakasa sé kikiiten iow e maté si Yesus ampa'paan ra'ica kailekan iow sapa e niéma' miow.

Kisah Para Rasul 4:17

Tana'io, wosama' si papaaren anio' ra'ica lébé icaserar a sé tou keli, aweso taré pangindéénta wo péronenta séra wosama' ra'io maroma' a sé tou andumoro' i ngaran i Yesus.”

Kisah Para Rasul 5:41

Wo itela'u é ruru'du'an itu en sidang Mahkamah Agama ang karapi in arui ampa'paan weroten éra sapaoka séra nianggapo i Amang Kasuruan patus meta'up ing kawenduan ampa'paan i ngaran i Yesus.

Kisah Para Rasul 9:14

Wo intarépé' sia imayo am bia'i. Sia imakéréo surat kawasa asé kikiiten é imam an Yerusalem, en tumangka' sé tou maéman a si Apo' Yesus am bia'i.”

Kisah Para Rasul 9:16

Ituru'-Ku oka ai sia sapaoka sia meta'up oka ing keli kawenduan ampa'paan kumiit Yaku.”

Roma 1:28

Wo paweroten éra ka'i, ra'io sangali makatuus si Amang Kasuruan, ampa'paan in ituo iwaya i Amang Kasuruan em pakawerot éra icasélé'kow, akar séra mengaéma' sé ra'ica patus émaan éra.

1 Korintus 15:34

Anaé, mawutu-wutulo mangé mape'dis wo ra'io toro ka'i mengéma-ngéma' ing kamesé-meséaan. Ampa'paan an uner iow awéan sé ra'ipé' makatuus si Amang Kasuruan. Icuaku en anio' wosama' kamu malawi' wo mape'dis.

1 Korintus 2:8

Wo ra'ica wana esa tou asé makatimboi ing kakawasaan asi kayo'baan anio' e makailek andumoro' ing kapinteran itu. Sa eng kapinteran itu kailekan éra, ra'ica aisalip éra si Apo' Yesus si parayo-rayo wo pasiri-siriin itu.

2 Tesalonika 1:8

Wo ukumen-Na oka sé tou sé ra'ica kiim mengkatuusan wo si Amang Kasuruan wo ra'ica kiim kumiit in Abar Kaaruien andumoro' i Yesus Kristus Apo'ta.

1 Yohanes 3:1

Weroteno mio' sumama-sama', wangko' ulit en upus i Amang Kasuruan ai cita, akar cita patuulen toya-toyaang-Na. Wo ulit kita anio' toya-toyaang i Amang Kasuruan. Ampa'paano in itu sé tou makiit ing kayo'baan léwo', séra ra'ica makatuus cita' ampa'paan séra ra'ica makatuus si Amang Kasuruan.

3 Yohanes 1:7

Ampa'paan am bawayaan éra e mengakua in andumoro' i Yesus Kristus, séra ra'ica tumerima sapa-sapa asé tou owo sé ra'ica makatuus si Casuruan.

Wahyu 2:3

Kailekan-Ku ka'i kamu talesen wo wendu ampa'paan i ngaran-Ku, wo kamu ra'ica mendam in la'lé.