Yohanes 15:2 - En Taar Weru a nunuwu' é Tontemboan

² Pakasa em pangana sé a Yaku sé ra'ica mengawua' pokolen-Na, wo pakasa em pangana sé a Yaku sé mengawua' weresin-Na wosama' em bua'na makaawes eng kakeli.

Yohanes 15:2 ပူးပေါင်းရင်းမြစ်များ

Matius 13:12

Si séi si masalé' makailek sapa sé aicua-Ku, émaan oka i Amang Kasuruan sia lébé makailek. Taan si séi si ra'ica kiim makailek sapa sé aicua-Ku, sapa sé kinailekannao émaan oka i Amang Kasuruan ra'io kata'néianna waya.

Matius 13:33

Awéan ka'i andéan walina en aisisil i Yesus ai séra, “Eng Kakolanoan in Sorga ayandé ka'i tanu i ragi si niindo i esa wéwéné wo icemuna an topong epat ngapulu' liter akar ruméis waya.”

Matius 15:13

Isowat i Yesus, “Pakasa en tinanem sé ra'ica ayusew i Amang-Ku an sorga kémbuten oka akar in a'mu-a'mutna.

Matius 21:19

Wo an tembir in lalan sérén-Na awéan tuur in ara. Wo rurun-Na mangé e mengat im bua'na in ara itu, taan ra'ica kinéréan-Na, aluar in lalainake'. Wo icua-Na a si tuur itu, “Ico ra'io kawisa mua' akar ing kauré-uré!” Wo asi témpo ituke' en tuur in ara itu makala'us mapera.

Matius 25:29

Anaé, sé tou ro'na patokéan in sapake' mangé, séra wéan oka lébé keli mai. Taan sé tou ra'ica toro patokéan in sapake' mangé, sapake' sé ai séra pakaindo-indon oka.

Matius 3:10

Em pati tinu'tulo an a'mut in tuura en tumongkéi in tuura sé ra'ica mengawéé wua'na loor wo tiya' an api.

Matius 3:12

E ni'u ipataap ang kama-Nao. Weresin-Na oka em papisian im béné' wo umungen-Na em béné' loor am paumungan, taan sé wéné' pesel tunun-Na oka an api si ra'ica mape'de-pe'del.”

Matius 7:19

En tuura sé ra'ica mawua' loor, tantu tongkéien wo tiya' an api.

Markus 4:20

Wo en lulumbo sé irumongkor an tana' kemel ayandé sé tou iluminga wo tumerima in Taar itu wo mua'. Awéan sé imua' telu ngapulu' lumepet, awéan sé enem ngapulu' lumepet, wo awéan ka'i sé sangaatus lumepet.”

Lukas 8:13

En lulumbo irumongkor an tana' wawatuan ayandé sé tou ilumingao in Taar i Amang Kasuruan ang karapi in arui en até. Taan en Taar itu ra'ica imaa'mut sama' an untep in até éra. Sé tou tanu siitu tumarépé'anke' maéman wo an tutuw imeta'- up im pangepé'an, séra ra'io ka'i maéman a si Amang Kasuruan.

Yohanes 15:1

Icua i Yesus a sé murit-Na, “Yakuo en tuura in anggor wutul wo si Amang-Kuo e matawoi an uma in anggor.

Yohanes 15:16

Ra'ica icamu en isumisir Yaku, taan Yakuo en isumisir icamu mamuali murit-Ku. Kamu winéan-Kuo tawoien, wosama' kamu mangé wo méé wua'na kumeli-keli sé ra'ica maka'pu. Anaé, sapake' em pangileken iow a si Amang-Ku a ngaran-Ku, en itu iwéé-Na oka ai camu.

Yohanes 15:3

Kamu tanuoka im pangana in tuura si wineresio, kamu imaweresio ampa'paan mercaya in taar sé aiwéé-Ku ai camu.

Yohanes 15:6

Si séike' mangé si ra'ica menonou meesa wo Yaku, sia tanuoka im pangana si ra'ica mawua', itiya' oka wo mapera, wo li'usen oka é tou wo iténdél an untep in api wo tunun.

Yohanes 15:8

Sa kamu mua' keli, si Amang-Ku oka em parayo-rayo wo pasiri-siriin. Wo in taniitu kamu mééo tuus sapaoka icamuo sé murit-Ku.”

Yohanes 17:12

Ang kauré-Ku imewali-wali wo iséra, tinéiran-Ku mai séra ang karapi ing kawasa-Mu si aiwéé-Mu a Yaku, wosama' ra'ica wana esaan tou ai séra e maté, aluar si esa si aitantuo imaté. Wo in taniitu sapa si aipatico ang Kitap Le'nas imalekepo.

Roma 11:17

Anaé, em piraan pangana asi tuura in zaitun sé pinokolo, am bitu tampéngan im pangana asi tuura in zaitun walina, si ayandé icamu sé tou ra'ica Israel. Wo em panga-pangana walina itu aitampéng wosama' kumiit makéré kakanen asi a'mut in tuura in zaitun aseli si kumeli-keli seringa.

Roma 11:22

Anaé, intarépé' kaséréano sapaoka si Amang Kasuruan itu uli-ulit sama' wo sa Sia mengaukum uter keli. En ukuman-Na uter a sé tou mengaéma' ing kamesé-meséaan, taan Sia loor ai camu sa kamu uli-ulit menonou mamangén ang kasamaan in até-Na. Sa kamu ra'ica menonou tanu siitu, kamu itiya'-Na oka tanu im panga-pangana sé pinokol itu.

Roma 8:28

Kailekanta intarépé' sapaoka si Amang Kasuruan mengatu'tul im baya-waya, wosama' méé ing kalooran a sé tou sé menga- upus Sia, sé tinowa-Na iciit im pawasa-wasa-Na.

1 Korintus 13:1

Mandé ka'i aku ro'na maroma' ang karapi i membam-balinaan nunuwu' é tou wo ka'i nunuwu' é malaékat, taan sa aku ra'ica mengaupus sé tou walina, sé ipakuaku itu ra'ica wana torona, tanuoka téngéna in tambor wo in simbal taténgé keli.

Titus 2:14

Aiwéé-Nao en owak-Na mamuali raragés en tumu'bus waya ing kaléwo-léwo'anta wo émaan-Na kita mamuali tou-Na le'nas wo re'dem mengaéma' in loor.

Ibrani 12:15

Mareti-retio mangé oréoka awéan esaan ai camu kumélong in upus aitambér i Amang Kasuruan. Ampa'paan sa awéan tou tanu siitu, sia mamuali tanu in tinanem racung an uner iow akar méma' ing kasusaan wo en racungna luméwo' sé tou keli.

1 Yohanes 2:19

Mémang séra itu tou an unerta owo, taan séra itu ra'ica touta. Ampa'paan sa séra itu touta, tantu séra kasake' mewali-wali wo icita. Taan ampa'paan séra itumanéo wo icita, en itu mamuali tuus sa séra itu ra'ica touta.

Wahyu 3:19

Sé tou sé icaupus-Ku, sérao sé romaan-Ku wo samboken-Ku. Ampa'paan in itu maincaya'o mangé sumawel wo mape'diso.