Yohanes 15:16 - En Taar Weru a nunuwu' é Tontemboan

¹⁶ Ra'ica icamu en isumisir Yaku, taan Yakuo en isumisir icamu mamuali murit-Ku. Kamu winéan-Kuo tawoien, wosama' kamu mangé wo méé wua'na kumeli-keli sé ra'ica maka'pu. Anaé, sapake' em pangileken iow a si Amang-Ku a ngaran-Ku, en itu iwéé-Na oka ai camu.

Yohanes 15:16 ပူးပေါင်းရင်းမြစ်များ

Matius 21:22

Anaé, sapake' em pangileken iow an sombayang wo uli-ulit percayan iow, tantu sapa em pinangilek iow teriman iow oka.”

Matius 7:7

“Mangileko mangé, wo kamu wéan oka. Éréno, wo kamu makéré oka. Tuméngkoro, wo em papalen wukaan oka torona miow.

Lukas 6:13

An tutuw i mandoo, towan-Na sé tou makii-kiit Sia wo sisiren-Na sangapulu' rua tou ai séra. Séra sé patuulen-Na ruru'du'an. E ngaran éra:

Yohanes 13:18

Sapa sé aicua-Ku anio' ra'ica andumoro' icamu im baya. Kailekan-Ku si séi si sinisir-Kuo. Taan sapa sé aipatic ang Kitap Le'nas musti mamuali, aicua in tana'i: “Si tou icuman i roti mewali-wali wo Yaku, sia mamuali oka kaséké'-Ku.”

Yohanes 15:19

Sa kamu kaputé éra ra'ica maéman a Yaku, tantu kamu icaupus éra tanu tou makiit iséra. Taan ampa'paan kamu sinisir-Kuo an uner éra, kamu ra'io meputé wo iséra sé ang kayo'baan, ampa'paan in ituo séra masuut icamu.

Yohanes 15:5

Yakuo en tuura in anggor, wo icamuo em panga-panganana. Si séike' si menonou meesa wo Yaku, Yaku ka'i meesa wo isia, sia méé oka keli wua'na. Ampa'paan sa sia ra'ica meesa wo Yaku, sapa-sapake' ra'ica kaémaanna.

Yohanes 6:70

Icua i Yesus, “Ra'ica réén Yakuo in esa en sumisir camu sangapulu' rua tou mamuali murit-Ku? Taan si esaan ai camu, sia itu makiit ing kasalé'an i kikiiten é sétang.”

Kisah Para Rasul 1:24

Wo séra im baya sumombayang, “O Kasuruan, si Casuruanke' e makailek wutul pakasa in até é tou, ituru'o mai ai cami si séi asé rua tou anio' en sisiren-Mu.

Kisah Para Rasul 1:8

Taan an tutuw i Roh Le'nas tumumpa mai ai camu, kamu makéré oka kawasa. Wo kamu mamuali oka sairi andumoro' Yaku an Yerusalem, am pakasa in Yudea wo an Samaria wo akar an tempok ing kayo'baan.”

Kisah Para Rasul 10:41

Ra'ica pakasa sé tou Yahudi e ro'na suméré Sia. Taan wayake' sé sairi sé sinisiro i Amang Kasuruan e ro'na suméré. Icamio sé sairi itu, sé icuman wo melep mewali-wali wo Sia, kekawus-Na tinou sumawel.

Kisah Para Rasul 22:14

Wo icua i Ananias a yaku tana'i, ‘Ico, aitantuo i Amang Kasuruan si paapo'an é apo-apo'ta, wosama' ro'na kailekanmu eng kasalé'an-Na wo ka'i suméré si Yesus Si Wutul itu wo ka'i luminga in suara si lumembo am ba'ba'-Na.

Kisah Para Rasul 9:15

Taan icua i Casuruan a si Ananias, “Mangéo ko! Sinisir-Kuo si tou itu e mamuali ata-Ku eng kumua in Abar Kaaruien andumoro' Yaku a sé bangsa walina, a sé kolano wo ka'i a sé tou Israel.

Roma 1:13

Poo-poow esa paémanen, icasalé'ku wosama' kailekan iow sapaoka aku mawasa-wasao woo masalé' maangé meta'up wo icamu, taan akar intarépé' awéané' en sumépe'd. Icasalé'ku, wosama' en tawoienku an uner iow ka'i awéan wuéna, tanu en tawoienku an uner é tou ra'ica Yahudi an tampa walina awéano wuéna.

Roma 1:5

Wo ampa'paano i Yesus Kristus ituo, si Amang Kasuruan imééo mai ing kamang a yaku mamuali ruru'du'an e makin waya sé tou ang kayo'baan wosama' séra maéman wo le'tek a si Yesus Kristus. Émaanku waya en itu, wosama' e ngaran i Yesus Kristus iparayo-rayo wo pasiri-siriin.

Roma 15:4

Pakasa en aipatic ang Kitap Le'nas indior en sumusui ai cita. Wo pakasa en sususuien an untepna aiwéé e méma' icita talesen wo méé ing kaketeran im paémanen, wosama' kita tatapke' i maarap a si Amang Kasuruan.

Roma 9:21

Si tou maéma' ing kuré' awéan hak e méma' ing kuré' kumiit ing kasalé'anna. Asi tana' pulut itu ro'na émaanna rua kuré', si esa papakén an acara penting wo si esa papakén susur in endo.

1 Korintus 10:11

Pakasa sé mamuali ai séra itu, mééo tuus ai cita. Wo pakasa en itu aipatic e méé tata'néi ai cita. Ampa'paan kita intarépé' menonou an oras imatawio ing kaka'puan ing kayo'baan.

Galatia 1:15

Taan si Amang Kasuruan sumisiro yaku tumo'tolai aku an untepé' im poot i inangku wo tumowa yaku e mamuali ruru'du'an-Na ampa'paano in upus aitambér-Na.

Efesus 2:10

Ampa'paan si Amang Kasuruan in esa si iméma' icita mamuali tou weru an tutuwta maéman a si Kristus Yesus wo meesa wo Sia. Kita niéma'-Na tou weru wosama' émaanta sapa-sapake' sé loor sé aitantu-Nao tumo'tolke' mai indior wosama' émaanta waya sé loor.

Kolose 1:23

Ampa'paano in itu kamu musti le'tek maéman wo kasake' keter makatimboi asi Abar Kaaruien andumoro' si Yesus Kristus. Wo tioo itela'u miow em paarapen si an untep in Abar Kaaruien itu, si aiwééo ai camu wo liningao miow. Wo en Abar Kaaruien itu aicuao a sé pakasa é tou ang kayo'baan. Wo yaku Paulus mamuali tou mengaselewir eng kumua in Abar Kaaruien andumoro' i Yesus Kristus itu.

Kolose 1:6

Wo en Abar Kaaruien itu aicaseraro am bisa-wisa ang kayo'baan wo em buéna kinaséréano ang katouan é tou. Taniituo ka'i wo icamu, tumo'tolai kamu luminga in Abar itu wo wutu-wutul makailek in upus aitambér-Na, kamu kinamango i Amang Kasuruan.

1 Timotius 2:7

Siituo imangémai aku sinisir i Amang Kasuruan mamuali ruru'du'an-Na e mangé a sé tou ra'ica Yahudi eng kumua in abar andumoro' im paémanen wutul. Pakasa sé aicuaku anio' ulit! Yaku ra'ica matowo.

2 Timotius 1:11

Sinisir i Amang Kasuruan aku mamuali ruru'du'an-Na wo guru eng kumua in Abar Kaaruien andumoro' i Yesus Kristus a sé tou.

2 Timotius 2:2

Liningamuo en sususuien si aisusuikuo an dior é tou keli. Musti isusuimu en itu a sé tou walina sé ro'na percayanmu wo sé pandéi masusui. Wo in taniitu séra ro'na sumusui sé tou walina.

Titus 1:5

Ico aitela'uku am pulou Kreta wosama' ro'na tu'tulenmu sapa sé ra'ipé' tu'tul an jamaat am bitu wo ka'i lumantik sé penatua ang kota-kota am pulou itu. Kiiteno mangé tanu sé aitaarkuo ai co.

Ibrani 11:4

Ampa'paan si Habel awéan paémanen, sia méé raragés binatang pinokol asi Amang Kasuruan sé lumoorai wo i raragés aiwéé i Kain. Ampa'paan si Habel awéan paémanen, akar sia tinerima i Amang Kasuruan tanu tou si nianggap wutul wo e raragés aiwééna tinerima i Amang Kasuruan. Mandé si Habel uréo imaté, taan ampa'paan im paémanenna, sia tanu maroma'pé' ai cita akar intarépé'.

Yakobus 3:18

Mémang wutul eng kalooran ituo wuéna in lulumbo ing kaeluran si aiwuras é tou sé masalé' ing kaeluran.

1 Petrus 3:15

Taan irayoo wo siriino mangé si Kristus an até miow wo émaano Sia merénta ai camu. Wo kamu musti tu'tul en sumowat kawisake' mangé sa awéan tou mamuéi andumoro' sapa si paara-arapen iow asi Apo' Yesus. Wo sowateno mangé séra ang karapi ing ko'kos en até wo ang karapi in siri'.

1 Petrus 3:2

Séra ro'na maéman a si Amang Kasuruan ampa'paan makaséré ing katouan iow si makaaté weresi ai Sia wo em pakasiri' miow ai Sia wo a sé kakélé tou.

1 Yohanes 4:10

Si anioo en upus itu: Ra'ica icita si ririor imaupus si Amang Kasuruan, taan Siao si ririor mengaupus icita. Ampa'paan ituo ayutus-Na mai si Toyaang-Na wosama' eng kamesé-meséaanta kaampungan ampa'paan i Toyaang-Na itu.

1 Yohanes 4:19

Kita mengaupus ampa'paan si Amang Kasuruan irumioro mengaupus cita.