Yohanes 15:14 - En Taar Weru a nunuwu' é Tontemboan

¹⁴ Kamu itu kara-karapi-Ku, sa émaan iow sapa sé aiperénta-Ku ai camu.

Yohanes 15:14 ပူးပေါင်းရင်းမြစ်များ

Matius 12:50

Ampa'paan si séike' si mengaéma' ing kasalé'an i Amang-Ku an sorga, siao si poow-Ku tuama, poow-Ku wéwéné wo inang-Ku.”

Lukas 12:4

“É karapi-Ku, lingan sumama-sama' en icua-Ku anio'! Tioo kamu maindé' a sé tou sé ro'na maté in owak iow. Ampa'paan mandé en owak iow ro'na patén éra, taan séra ra'ica toro méma' sapa-sapa a mu'kur iow.

Yohanes 13:17

Kailekano miow waya sé aisusui-Ku anio', anaé sa kiiten iow sé ipasusui-Ku, kamu kamangen oka.

Yohanes 14:15

Icua ka'i i Yesus, “Sa kamu mengaupus Yaku, tantu em peré-perénta-Ku émaan oka miow.

Yohanes 14:21

Si séike' en tumerima im peré-perénta-Ku wo pengaémaanna, sia itu mengaupus Yaku. Si séike' si mengaupus Yaku, sia itu icaupus oka i Amang-Ku, wo sia ka'i icaupus-Ku oka. Wo ituru'-Ku oka ai sia si séi Aku.”

Yohanes 14:28

Liningao miow sé aicua-Ku, Yaku maangé taan Aku maai oka sumawel ai camu. Sa kamu uli-ulit mengaupus Yaku, kamu arui oka sa Aku mangé a si Amang-Ku, ampa'paan si Amang-Ku en lébé wangko' mai wo Yaku.

Yohanes 2:5

Taan icua i inang-Na a sé tou sé mengaselewir am pésta itu, “Émaano mangé sapa si aicua i Yesus ai camu.”

Yakobus 2:23

Anaé, e niéma' i Abraham itu ilumekepo si aipatic ang Kitap Le'nas, “Abraham maéman a si Amang Kasuruan, ampa'paano in itu sia nianggap-Na wutul.” Wo sia patuulen, karapi i “Amang Kasuruan.”

1 Yohanes 5:3

Anaé, sa kita mengaupus si Amang Kasuruan, tantu émaanta em perénta-perénta-Na. Em perénta-perénta-Na itu sa émaanta ra'ica uter.