Yohanes 15:1 - En Taar Weru a nunuwu' é Tontemboan

¹ Icua i Yesus a sé murit-Na, “Yakuo en tuura in anggor wutul wo si Amang-Kuo e matawoi an uma in anggor.

Yohanes 15:1 ပူးပေါင်းရင်းမြစ်များ

Matius 15:13

Isowat i Yesus, “Pakasa en tinanem sé ra'ica ayusew i Amang-Ku an sorga kémbuten oka akar in a'mu-a'mutna.

Matius 20:1

Icua i Yesus, “Taniitu ka'i andumoro' ing Kakolanoan in Sorga meputé wo in andéan anio'. Awéan esa tou maka- uma wo en umana niusewan in anggor. Matawi mando, sia kumesot e mangéré tou mangé tumawoi an uma in anggorna.

Matius 21:33

“Lingan iow ka'i si esa andéan walina: Awéan si esa makauma imuka' uma usewan in anggor wo pagerenna waya en lumi'cir in uma itu. Wo sia kuma'il esa lo'beng an tana' em patepesan in anggor. Wo toorna terung rangka' an uma itu, paento'an i matéir in uma. Wo iséwana en uma itu a sé tou matawoi in uma kumawus in itu sia mangé an doong walina.

Markus 12:1

Kekawus in itu, tumo'tolo si Yesus rumoma' maké in andéan a sé kikiiten é imam, sé makailek wutul in Torat wo a sé matu'a é tou Yahudi. Icua-Na, “Awéan esa tou imuka' uma en usewan in anggor wo pagerenna en lumi'cir in uma itu. Sia kuma'il lo'beng émaan patepesan in anggor. Wo itoorna ka'i terung rangka' paento'an i matéir. Kumawus in itu iséwana en uma itu a sé tou matawoi in uma wo sia mangé an doong walina.

Lukas 13:6

Kumawus in itu sisil i Yesus esa andéan, “Awéan esa tou, makaanu tuura in ara ayusew an uma in anggorna. Wo sia mangé méré im bua'na an tuura in ara itu, taan ra'ica wana wua'na mandé esake' eng kinéréanna.

Yohanes 1:17

Tinerimata en ukum-ukum i Amang Kasuruan ampa'paan i Musa, taan kinatuusanta en upus aitambér i Amang Kasuruan wo en sususuien wutul-Na ampa'paan si Yesus Kristus.

Yohanes 1:9

Wo en sendot si uli-ulit itu ang karoro'an i maai ang kayo'baan. Siituo en sendot si sumendot in até im pakasa é tou.

Yohanes 15:2

Pakasa em pangana sé a Yaku sé ra'ica mengawua' pokolen-Na, wo pakasa em pangana sé a Yaku sé mengawua' weresin-Na wosama' em bua'na makaawes eng kakeli.

Yohanes 6:32

Wo icua i Yesus ai séra, “En ulitna icua-Ku mangé ai camu, indior ra'ica si Musa e méé ing kakanen si an sorga owo itu a sé apo-apo' miow, taan si Amang-Ku. Wo intarépé' si Amang-Ku méé ai camu kakanen wutul an sorga owo.

Yohanes 6:55

Ampa'paan en owak-Ku itu kakanen wutul wo en enda'-Ku itu elepen wutul.

Roma 11:17

Anaé, em piraan pangana asi tuura in zaitun sé pinokolo, am bitu tampéngan im pangana asi tuura in zaitun walina, si ayandé icamu sé tou ra'ica Israel. Wo em panga-pangana walina itu aitampéng wosama' kumiit makéré kakanen asi a'mut in tuura in zaitun aseli si kumeli-keli seringa.

1 Korintus 3:9

Ampa'paan kami in dua sé matawoi mewali-wali wo si Amang Kasuruan wo kamu tanuoka in uma i Amang Kasuruan wo ka'i tanuoka im balé-Na.

1 Yohanes 2:8

Taan em perénta si aipaticku anio' ro'na mamuali perénta weru, ampa'paan em perénta anio' wutu-wutul pinengaéma' i Yesus, wo émaan iow ka'i en itu. Ampa'paan eng kariréimbengan ang karoro'ano icatala wo en sendot wutul mato'tolo masendot.