Yohanes 14:9 - En Taar Weru a nunuwu' é Tontemboan

⁹ Icua i Yesus a si Filipus, “Uréo keli Aku mewali-wali wo icamu, taan ko é Filipus ra'ipé' réén katuusanmu Aku? Si séike' en isuméréo Yaku, sia isuméréo si Amang-Ku. Kéitu réén ko kumua, ‘Ituru'o mai si Amang-Mu ai cami!’

Yohanes 14:9 ပူးပေါင်းရင်းမြစ်များ

Markus 9:19

Wo icua i Yesus ai séra, “Éi camu sé tou ra'ica maéman, akar kawisa réén Aku musti mento' an uner iow? Wo akar kawisa réén Aku talesen ang karapi miow? Iwalio mai si toyaang itu am bia'i!”

Lukas 12:56

Éi camu tou punek! En tuus imamuali an tana' wo an langit ro'na kaangéan iow. Kéitu réén en tuu-tuus paémaan i Amang Kasuruan intarépé' ra'ica kaangéan iow? En itu méé tuus sapaoka Sia ang karoro'an i matawoi.”

Yohanes 1:14

Wo en Taar itu mamualio tou wo Sia mento' an unerta. Wo sinérétao eng kawangko'-Na itu, si tinerima-Nao asi Amang owo ampa'paan Sia Toyaang-Na in Esa-esa. Ampa'paan en Taar si mamualio tou itu, kinailekantao andumoro' in upus aitambér i Amang Kasuruan wo in sususuien wutul-Na.

Yohanes 10:30

Yaku wo si Amang-Ku esa.”

Yohanes 12:45

Wo si séike' en suméréo Yaku, sia ka'i suméréo si Amang Kasuruan si mutusai Yaku.

Yohanes 14:20

An tutuw-Ku tumou sumawel, kakailekan oka miow sapaoka Yaku meesa wo si Amang, wo icamu meesa wo Yaku wo Yaku meesa ang karapi miow.

Yohanes 14:7

Sa kamu wutu-wutul makatuus Yaku, tantu ka'i kamu makatuus si Amang-Ku. Intarépé' kamu makatuuso Sia wo isuméréo Sia.”

Yohanes 8:19

Wo icua éra ai Sia, “Am bisa réén si Amang-Mu?” Isowat i Yesus ai séra, “Kamu ra'ica makatuus Yaku, wo ka'i ra'ica makatuus si Amang-Ku. Sa kamu makatuus Yaku, tantu katuusan ka'i miow si Amang-Ku.”

1 Korintus 15:12

Ipakua ami a sé tou sapaoka si Kristus tinouo sumawel am papaté. Taan kéitu réén awéan piraan tou ai camu makua sapaoka sé tou imatéo ra'io ka'i touen sumawel?

Filipi 2:6

En ulitna si Yesus Kristus puté wo si Amang Kasuruan, taan eng kaputé-Na itu ra'ica nianggap-Na tanu in anu-Na si musti penanangen,

Kolose 1:15

Si Kristus itu tanu paséréan pakasa im peri i Amang Kasuruan si ra'ica kaséréan. Si Kristus itu Toyaang-Na luluna si lébé penting asé pakasa sé niéma'-Na.

Ibrani 1:3

Asi Toyaang-Na ituo ro'na kaséréanta e rarayo wo in sisiri' i Amang Kasuruan, Siao em paséréan im peri wo ing kawasa i Amang Kasuruan in esa, Siao ka'i e makatéir im pakasa sé ang kayo'baan ang karapi in Taar-Na si wuta ing kawasa. Wo Siao ka'i e meresi ing kamesé-meséaan é tou, kekawus in itu Sia mangé an sorga wo lumukut ang kakan i Amang Kasuruan si Makakawasa, asi tampa irumangka-rangka'.

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.