Yohanes 14:27 - En Taar Weru a nunuwu' é Tontemboan

²⁷ Eng kaeluran itela'u-Ku ai camu. Wo eng kaeluran-Ku iwéé-Ku ai camu, wo sapa si aiwéé-Ku ra'ica meputé wo si aiwéé é tou ang kayo'baan. Ampa'paan in ituo tioo kamu ra'io makaaté in sama' wo kamu tioo maindé-indé'.

Yohanes 14:27 ပူးပေါင်းရင်းမြစ်များ

Matius 10:26

Ampa'paan in itu, tioo kamu maindé' iséra. Ampa'paan ra'ica wana si makakelew wo ra'ica mawuka' oka wo ra'ica wana sé ipakaenep wo ra'ica kakailekan oka.

Lukas 1:79

en sumendot in até é tou sé menonoué' ang kariréimbengan wo sé tou menonoué' ang kaindé'an. Wo mai-Na oka akinen kita kumiit in lalan maangé asi katouan wuta ing kaeluran.”

Lukas 10:5

Wo sa kamu muntep an esa walé kumuao mangé in tana'i, ‘Siri' ing kaeluran a sé pamalé anio'.’

Lukas 12:4

“É karapi-Ku, lingan sumama-sama' en icua-Ku anio'! Tioo kamu maindé' a sé tou sé ro'na maté in owak iow. Ampa'paan mandé en owak iow ro'na patén éra, taan séra ra'ica toro méma' sapa-sapa a mu'kur iow.

Lukas 2:14

“Irayoo wo siriino mangé si Amang Kasuruan an tampa rumangka-rangka'! Wo am bawo ing kayo'baan wéan-Na mai ing kaeluran a sé tou sé mengaarui in até-Na.”

Yohanes 14:1

Icua i Yesus a sé murit-Na, “Tioo kamu masusa en até, percayano mangé si Amang Kasuruan wo percayano mai Aku.

Yohanes 16:33

Icua-Ku waya en itu ai camu, wosama' kéréan iow eng kaeluran ampa'paan meesao ang karapi-Ku. Ang kayo'baan anio' ipeta'up oka miow eng kawenduan, taan kete-ketereno mangé en até miow, ampa'paan kinala-Kuo waya eng kawasa ing kayo'baan anio'.”

Yohanes 20:19

Asi ari duminggu itu ka'i an tutuw imawengio, sé murit i Yesus mali'us an esa walé. Wo kusiin éra waya em papalen ampa'paan icaindé' éra sé kikiiten é tou Yahudi. Tumarépé'anke' mai si Yesus tumulung an uner éra wo icua-Na, “Eng kaeluran mewali-wali wo icamu.”

Yohanes 20:21

Wo icua-Na sumawel ai séra, “Eng kaeluran mewali-wali wo icamu! Yaku ayutuso mai i Amang-Ku ang kayo'baan, taniituo ka'i camu, yutus-Ku mangé am bisa-wisa ang kayo'baan anio'.”

Yohanes 20:26

Kekawus i walu ngando, mali'us ka'i sumawel sé murit Yesus am balé itu, wo si Tomas mewali-walio wo iséra. Mandé ka'i pakasa em papalen kinusi', tumarépé'anke' si Yesus mai wo tumulung an uner éra. Icua-Na, “Eng kaeluran mewali-wali wo icamu!”

Kisah Para Rasul 10:36

Siituo en Taar aicua i Amang Kasuruan a sé tou Israel. Icua-Na en Abar Kaaruien andumoro' si Yesus Kristus si maali mai ing kaeluran ai séra e méma' in ubungan éra wo si Amang Kasuruan maloor. Si Yesus Kristuso si Casuruan é pakasa sé tou.

Kisah Para Rasul 18:9

Asi sanga wengi, si Paulus pinapaturu'an. Am pinapaturu'an itu, si Casuruan kumua ai sia, “Tioo ko maindé'! Lala'uso eng kumua in taar i Amang Kasuruan ai séra tioo makapeneske'.

Roma 1:7

Ampa'paan in ituo, ipaticku en surat anio' ai camu im baya sé maento' a Roma sé icaupus i Amang Kasuruan, sé tinowa-Nao e mamuali tou le'nas. Pekiupusenku woo a si Amang Kasuruan, Amangta wo a si Apo' Yesus Kristus en tumambérai ing kamang wo ing kaeluran ai camu.

Roma 15:13

Pekiupusenku a si Amang Kasuruan si palemboian im paarapen, e méé mai ing kaaruian wo ing kaeluran si mawuta-wuta ampa'paan kamu maéman ai Sia, wosama' eng kaketeran i Roh Le'nas lumepe-lepet ai camu, am paarapen a si Amang Kasuruan.

Roma 5:1

Intarépé' kita nianggapo wutul i Amang Kasuruan ampa'paan im paémanenta. Wo kita meelurano sumawel wo si Amang Kasuruan ampa'paano i Apo'ta Yesus Kristus.

Roma 5:10

An tutuw kita masunduré' a si Amang Kasuruan, kita niéma'-Nao meeluran wo Sia ampa'paan im papaté i Toyaang-Na. Lébé-lébépé' ka'i intarépé' an tutuw kita meelurano sumawel wo Sia, tantu kita lowiren oka asi endo kaka'puan ing kayo'baan ampa'paan si Kristus itumou sumawel.

Roma 8:6

Sa em pakawerot é tou pakakawasané' ing kasalé'an in owak in esa, eng kasiwakana makéré im papaté. Taan sa em pakawerot é tou pakakawasan i Roh i Amang Kasuruan, eng kasiwakana makéré oka ing katouan wo ing kaeluran.

1 Korintus 1:3

Pekiupusenku a si Amang Kasuruan Amangta wo a si Apo' Yesus Kristus en tumambérai in upus-Na wo méma' ing katowan iow elur.

Galatia 1:3

Pekiupusenku a si Amang Kasuruan Amangta wo a si Apo' Yesus Kristus wosama' Sia méé mai in upus aitambér wo eng kaeluran ang katouan iow.

Galatia 5:22

Taan sé tou pakaakinen i Roh Le'nas, wuéna ing katouanna tanu sé anio': awéan upus, kaaruian, kaeluran, katalesenan, kasamaan in até, kalooran, kale'tekkan,

Galatia 6:16

Wo si séike' sé menonou mengakiit sapa sé ipakuaku itu, isombayangku sa woo ro'na si Amang Kasuruan méé mai ing kaeluran wo tumuru' ing kaupusan-Na ai séra. Sé tou menonou tanu siitu sérao sé wutu-wutul tou i Amang Kasuruan mandé ka'i séra tou Yahudi kuma'pa tou ra'ica Yahudi.

Filipi 4:7

Pekiupusenku eng kaeluran i Amang Kasuruan si lumébé mai asé pakasa ing kaangéan é tou, tuméir oka in até wo im bewerot iow sé meesao wo si Kristus Yesus.

Kolose 1:2

En surat anio' aicirim ami a sé poo-poow le'nas ang Kolose, sé maémano a si Kristus. Pekiupusenku a si Amang Kasuruan, Amangta, sa woo ro'na Sia tumambérai in upus wo ing kaeluran-Na ai camu.

Kolose 1:20

Wo ampa'paan si Kristus ituo, akar émaan i Amang Kasuruan pakasa sé ang kayo'baan wo sé an sorga meeluran sumawel wo Sia. Niéma'-Na pakasa ro'na meeluran sumawel wo Sia, ampa'paano in enda' i Kristus si maté ang kayu salip.

Kolose 3:15

Iwayao mio' en até wo em pemero-meroten iow kawasan ing kaeluran si aiwéé mai i Kristus. Ampa'paan si Amang Kasuruan tumowao icamu mamuali tanuoka esa owak wosama' kamu si esa wo si esa menonou ang kaeluran. Wo ka'i mengawéé mangé i makapulu'sama' a si Amang Kasuruan.

2 Tesalonika 1:2

Pangileken ami a si Amang Kasuruan, Amangta wo a si Apo' Yesus Kristus wosama' tumambérai ing kamang ai camu wo méma' ing katouan iow elur.

2 Tesalonika 3:16

Wayake' si Casuruan e ro'na méma' in até é tou elur. Pangileken ami ai Sia wosama' endo wo em bengi émaan-Na en até miow elur am baya-waya. Pangileken ami ai Sia ka'i wosama' mewali-wali wo icamu im baya.

2 Timotius 1:7

Ampa'paan si Amang Kasuruan ra'ica méé i Roh-Na ai cita wosama' kita maindé', taan iwéé-Na e Roh-Na wosama' en atéta maketer, wo ro'na mengaupus sé tou walina wo ka'i iméma' icita ro'na kumawasa in owakta in esa.

Ibrani 13:20

Si Yesus Apo'ta tinou sumawel i Amang Kasuruan am papaté. An tutuw Sia imaté en enda'-Na makatiti-titis wo en enda'-Na itu iméma' im perjanjian weru mapaké akar ing kauré-uré. Anaé, Sia mamuali Gembala Wangko' torona icita. Ampa'paano in itu pekiupusenku a si Amang Kasuruan si palemboian ing kaeluran torona miow,

Ibrani 7:2

Wo iwéé i Abraham a si Melkisedek sangapepulu' asé im pakasa sé kinaandétan am paperangan. Eng kaangéan i ngaran i Melkisedek “kolano ra'ica marapit.” Wo sia “kolano ing kaeluran”, ampa'paan sia kolano ang kota Salem eng kaangéanna kaeluran.

Wahyu 1:4

Siri' i Yohanes a sé pitu jamaat an Asia Teké'. Pekiupusenku a si Amang Kasuruan wo a sé pitu roh an dior im palukutan pasiri-siriin-Na en tumambérai in upus wo ing kaeluran ai camu. Si Amang Kasuruan itu awéano indior, intarépé', wo si maai oka sa.

Wahyu 2:10

Tioo kamu maindé-indé' ing kawenduan si musti pendamen iow. Awéan ai camu si téndél oka i kikiiten é sétang an untep im bui em pangepé'an. Wo pendamen iow oka eng kasusaan sangapulu' ngando eng kauréna. Taan kamu musti le'tek maéman a Yaku akar i maté, wo kamu wéan-Ku oka mahkota ing katouan.

Wahyu 21:8

Taan sé tou toloindé' mengasairi andumoro' i Yesus, sé tou ra'ica maéman, sé tou mengaéma' ing kaléwo-léwo'an sé karican oka mai, sé tou mengapaté tou, sé tou mengasundal, sé tou mengasihir, sé tou mengaapo' a sé opo-opo' wo pakasa sé tou kotowo, séra im baya yuntep oka an untep in ta'sic api walélang si mengembu-ngembung. Si anioo em papaté karua.”