Yohanes 14:23 - En Taar Weru a nunuwu' é Tontemboan

²³ Isowat i Yesus ai sia, “Si tou mengaupus Yaku, tantu émaanna oka en taar-Ku, wo sia icaupus oka i Amang-Ku. Yaku wo si Amang-Ku maai oka ai sia wo mento' ang karapina.

Yohanes 14:23 ပူးပေါင်းရင်းမြစ်များ

Yohanes 10:30

Yaku wo si Amang-Ku esa.”

Yohanes 14:15

Icua ka'i i Yesus, “Sa kamu mengaupus Yaku, tantu em peré-perénta-Ku émaan oka miow.

Yohanes 14:17

Si Matawang ituo si Roh Le'nas si mengawali icamu a si sususuien wutul andumoro' si Amang Kasuruan. Sé tou ang kayo'baan ra'ica tumerima Sia, ampa'paan séra ra'ica isuméré Sia wo ra'ica makatuus Sia. Taan kamu makatuus Sia ampa'paan Sia mewali-wali wo icamu intarépé', wo Sia mento' oka an untep in até miow i esa wo si esa.

Yohanes 14:21

Si séike' en tumerima im peré-perénta-Ku wo pengaémaanna, sia itu mengaupus Yaku. Si séike' si mengaupus Yaku, sia itu icaupus oka i Amang-Ku, wo sia ka'i icaupus-Ku oka. Wo ituru'-Ku oka ai sia si séi Aku.”

Yohanes 14:24

Taan si séike' sé ra'ica mengaupus Yaku, ra'ica kiitanna en taar-Ku. En taar sé lininga miow ra'ica an owak-Ku owo, taan asi Amang-Ku owo si mutusai Yaku.

Yohanes 15:10

Sa kamu le'tek mengéma-ngéma' im perénta-Ku, kamu ro'na mendam in upus-Ku, meputé Yaku le'tek mengéma-ngéma' im perénta i Amang-Ku, akar Aku mendam in upus-Na.

Yohanes 16:27

ampa'paan si Amang in esa mengaupus icamu. Sia mengaupus icamu, ampa'paan Aku icaupus iow wo paémanen iow sapaoka Aku mai asi Amang Kasuruan owo.

Yohanes 6:56

Si séike' eng kuman in owak-Ku wo melep in enda'-Ku, si tou itu menonou ang karapi-Ku, wo Aku mewali-wali wo isia.

Yohanes 8:51

En ulitna icua-Ku mangé ai camu, si séike' e makiit in aicua-Ku sia ra'ica maté akar ing kauré-uré.”

Yohanes 8:52

Wo icua é kikiiten é agama Yahudi ai Sia, “Intarépé' kailekan ami sa Ico anio' rinasuk i sétang! Si Abraham imatéo wo sé nabi ka'i imatéo, taan pakua-Mu si séike' e makiit i nunuwu'-Mu, sia ra'ica maté akar ing kauré-uré.

2 Korintus 6:16

Awéan réén em puténa walé i Amang Kasuruan wo im paapo'an é opo-opo'? Kita anio' walé paento'an i Amang Kasuruan si menonou. Si Amang Kasuruan in esa icumua: “Mento' oka Aku an uner éra wo menonou mewali-wali wo iséra. Yaku mamuali oka Amang Kasuruan éra, wo séra mamuali oka tou-Ku.”

Efesus 3:17

akar si Kristus mento' an até miow ampa'paan kamu maéman ai Sia wo eng katouan iow maa'mut wo tumuur a si upus-Na.

1 Yohanes 2:24

Anaé, sapa sé pinalingao miow tumo'tolke' mai asi kataré an tutuw kamu maémano, en itu musti yéma' miow sumama-sama' an até miow. Wo in taniitu kamu kasake' menonou meesa ang karapi i Toyaang wo ka'i si Amang.

1 Yohanes 2:5

Taan si tou makiit in taar-Na, sia itu uli-ulit mengaupus si Casuruan. Wo ang karapi in tuus itu kailekanta sapaoka kita menonouo esa wo si Casuruan.

1 Yohanes 4:4

Toya-toyaangku, kamu itu asi Amang Kasuruan owo. Kamu icumalao sé nabi ra'ica wutul itu, ampa'paan e Roh ai camu itu eng kawasana en lébé wangko' mai wo si roh asi cayo'baan anio'.

1 Yohanes 5:3

Anaé, sa kita mengaupus si Amang Kasuruan, tantu émaanta em perénta-perénta-Na. Em perénta-perénta-Na itu sa émaanta ra'ica uter.

2 Yohanes 1:6

Wo asi kataré-taré liningao miow em perénta i Amang Kasuruan sapaoka kita musti menonou meupu-upusan. Sa kita menonou meupu-upusan, niéma'tao em perénta-perénta-Na itu.

Wahyu 21:22

Ra'io kaséréanku mai em Balé Le'nas an untep ing kota itu, ampa'paan em Balé Le'nas ituo si Amang Kasuruan in esa, si Casuruan Si Makakawasa wo ka'i si Toyaang i Domba itu.

Wahyu 21:3

Wo kalingaanku en suara taangko' keli am palukutan pasiri-siriin itu makua, “Séréno! Intarépé' em paento'an i Amang Kasuruan an unero é tou. Sia mai oka mento' mewali-wali wo iséra, wo séra mamuali oka tou-Na. Sia in esa mewali-wali oka wo iséra, wo mamuali Amang Kasuruan éra.

Wahyu 22:3

Wo pakasa sé an untep ing kota itu ra'io wana eng kutuken. Em palukutan pasiri-siriin i Amang Kasuruan wo palukutan pasiri-siriin i Toyaang i Domba awéan oka an untepna, wo sé ata-Na maapo' oka ai Sia.