Yohanes 14:15 - En Taar Weru a nunuwu' é Tontemboan

¹⁵ Icua ka'i i Yesus, “Sa kamu mengaupus Yaku, tantu em peré-perénta-Ku émaan oka miow.

Yohanes 14:15 ပူးပေါင်းရင်းမြစ်များ

Matius 10:37

Si séike' e mengaupus si amang kuma'pa si inangna lumébémai in upusna a Yaku, sia ra'ica patus mamuali tou-Ku. Wo si séike' e mengaupus si toyaangna tuama kuma'pa wéwéné lumébémai in upusna a Yaku, sia itu ka'i ra'ica patus mamuali tou-Ku.

Yohanes 8:42

Icua i Yesus ai séra, “Sa si Amang Kasuruan itu Amang iow, tantu kamu maupus oka Yaku, ampa'paan Yaku mai asi Amang Kasuruan owo wo intarépé' Aku am bia'i. Ra'ica kasalé'an-Ku in esa e mai, taan Sia e mutusai Yaku.

1 Korintus 16:22

Si tou ra'ica mengaupus si Apo' Yesus, sia itu tenan ing kutuk. Maranata!

Galatia 5:6

Ampa'paan torona é tou sé meesao wo si Kristus Yesus, sia sinunat kuma'pa ra'ica sinunat en itu ra'ica penting. Em penting am bia'i em paémanen si aituru' ang karapi in upus a sé tou walina.

Efesus 6:24

En upus si aitambér i Amang Kasuruan mewali-wali a sé im pakasa in tou sé ra'ica mento' mengaupus a si Apo'ta Yesus Kristus.

1 Petrus 1:8

Kamu mengaupus si Yesus Kristus, mandé ka'i Sia ra'ipé' sumangkum ako sinéré miow. Kamu maéman ai Sia, mandé intarépé' Sia ra'ica pakasérén iow. Kamu mendam ing kaaru-aruian wangko', ampa'paan eng kaaruian iow sé ra'io icakua itu.

2 Yohanes 1:6

Wo asi kataré-taré liningao miow em perénta i Amang Kasuruan sapaoka kita musti menonou meupu-upusan. Sa kita menonou meupu-upusan, niéma'tao em perénta-perénta-Na itu.