Yohanes 14:13 - En Taar Weru a nunuwu' é Tontemboan

¹³ Wo sapake' em pangileken iow a ngaran-Ku, émaan-Ku oka en itu wo si Amang-Ku ro'na iparayo-rayo wo pasiri-siriin ampa'paan Aku Toyaang-Na.

Yohanes 14:13 ပူးပေါင်းရင်းမြစ်များ

Matius 21:22

Anaé, sapake' em pangileken iow an sombayang wo uli-ulit percayan iow, tantu sapa em pinangilek iow teriman iow oka.”

Matius 7:7

“Mangileko mangé, wo kamu wéan oka. Éréno, wo kamu makéré oka. Tuméngkoro, wo em papalen wukaan oka torona miow.

Markus 11:24

Ampa'paan in ituo icua-Ku ai camu, sapake' en aisombayang wo em pinangilek iow a si Amang Kasuruan, percayano sapaoka en itu tinerimao miow wo en itu kéréan oka miow.

Lukas 11:9

Ampa'paan in ituo icua-Ku ai camu: Mangileko mangé wo kamu wéan oka. Éréno, wo kamu makéré oka. Tuméngkoro, wo em papalen wukaan oka torona miow.

Yohanes 10:30

Yaku wo si Amang-Ku esa.”

Yohanes 12:44

Wo si Yesus kumua in taangko', “Si séike' e maéman a Yaku, sia ra'ica asalo mercaya a Yaku taan maéman ka'i a si Amang Kasuruan si mutusai Yaku mai ang kayo'baan anio'.

Yohanes 13:31

Kekawus i Yudas imangé, rumoma'o si Yesus, “Intarépé' an témponao Aku, si Toyaang i Tou iparayo-rayo wo pasiri-siriin oka, wo ampa'paano Yaku si Amang Kasuruan iparayo-rayo wo pasiri-siriin oka.

Yohanes 14:14

Sa kamu mangilek sapake' mangé a Yaku a ngaran-Ku, en itu émaan-Ku oka.”

Yohanes 14:6

Wo icua i Yesus, “Yakuo en lalan maangé a si Amang Kasuruan, Yaku ka'i si mengakua in sususuien wutul andumoro' i Amang Kasuruan, wo Yaku ka'i si mengawéé mai ing katouan akar ing kauré-uré. Ra'ica wana esake' tou e maai a si Amang sa ra'ica ipakawali-Ku.

Yohanes 15:16

Ra'ica icamu en isumisir Yaku, taan Yakuo en isumisir icamu mamuali murit-Ku. Kamu winéan-Kuo tawoien, wosama' kamu mangé wo méé wua'na kumeli-keli sé ra'ica maka'pu. Anaé, sapake' em pangileken iow a si Amang-Ku a ngaran-Ku, en itu iwéé-Na oka ai camu.

Yohanes 15:7

Sa kamu menonou meesa wo Yaku wo en taar-Ku an untepo in até miow, mangileko mangé sapake' en icasalé' miow, wo teriman oka miow sé pinangilek iow.

Yohanes 16:23

Wo asi endo itu, kamu ra'io ka'i sangali mamuéi sapa-sapa a Yaku. En ulitna icua-Ku mangé ai camu, sapake' em pangileken iow a si Amang-Ku a ngaran-Ku, iwéé-Na oka mai.

Yohanes 16:26

Asi témpo itu icamu oka in esa e mangilek a si Amang ang karapi i ngaran-Ku, anaé ra'io sangali ka'i Aku mangilek a si Amang torona miow,

Yohanes 16:7

Taan en aicua-Ku anio' wutul, lébé awéan eng katoronaan ai camu sa Aku maangém a si Amang, ampa'paan sa Aku ra'ica maangé, si Roh Matawang itu ra'ica kawisa maai ai camu. Taan sa Aku maangém, yutus-Ku oka mai Sia ai camu.

Yohanes 4:10

Isowat i Yesus ai sia, “Sa raké' woo kailekan i inang sapa si casalé' iwéé i Amang Kasuruan wo makailek si séi réén Aku si mangilek woo elepen, tantu si inang mangilek oka a Yaku, wo iwéé-Ku oka a si inang en dano si mawéé ing katouan.”

Yohanes 4:14

Taan si séike' e melep in dano si aiwéé-Ku, sia ra'io ka'i maré'om akar ing kauré-uré, ampa'paan en dano si iwéé-Ku itu mamuali oka palemboian in dano an owakna. En dano itu melembo-lemboi an owakna akar sia menonou akar ing kauré-uré.”

Yohanes 5:19

Wo isowat i Yesus ai séra in tana'i, “En ulitna icua-Ku mangé ai camu, Yaku Toyaang i Amang Kasuruan ra'ica toro méma' in sapa-sapa sa asaloke' kumiit ing kasalé'an-Ku in esa. E niéma'-Ku asaloke' sapa sé sinéré-Ku niéma' i Amang-Ku. Ampa'paan sapa sé niéma' i Amang, siituo en émaan i Toyaang.

Yohanes 7:37

Asi endo kaakaran si endo penting keli asi pésta in endo wangko' Terung Lalaina itu, tumulungo mai si Yesus wo kumua in taangko' a sé tou keli, “Si séike' si maré'om, aweso taré sia mai a Yaku wo wéan-Ku oka elepen.

1 Korintus 14:13

Ampa'paan in ituo, si tou maroma' mapaké i nunuwu' i Roh, sia musti sumombayang a si Amang Kasuruan wosama' sia ro'na tambéranai ing kamang makua ing kaangéan i nunuwu' i Roh itu.

Efesus 2:18

Ampa'paano i Yesus Kristus, kita im baya tou Yahudi kuma'pa tou ra'ica Yahudi ro'na rumuru a si Amang Kasuruan, Amangta ang karapi in tatawang i Roh Le'nas si esa-esa.

Efesus 3:12

Intarépé' kita ra'io ka'i maindé-indé' rumuru a si Amang Kasuruan, ampa'paan icita maémano a si Kristus Yesus wo meesao wo Sia.

Efesus 3:14

Ampa'paan in ituo, an tutuwku tuma'néi waya in itu, yaku kumundu wo sumombayang a si Amang Kasuruan Amangta,

Filipi 4:13

Ang kaadaan in sapake' eng kinasangkumanku, susa kuma'pa arui, kawooanku i muléng ampa'paan i Kristus si cumeter yaku.

Kolose 3:17

Wo sapake' mangé en émaan iow kuma'pa icua miow, émaano mangé waya en itu kumiit ing kasalé'an i Apo' Yesus, ang karapi i makua makapulu'sama' a si Amang Kasuruan, Amangta, ampa'paano i Yesus Kristus.

Ibrani 13:15

Anaé, ampa'paano si Yesus Kristuso, mayoo kita mengua-ngua i rarayo wo in sisiri' a si Amang Kasuruan ang karapi im ba'ba'ta e méé makapulu'sama'. En itu tanu cita méé raragés binatang pinokol ai Sia.

Ibrani 4:15

Ampa'paan si Imam Wangko'ta itu ra'ica imam wangko' sé ra'ica ro'na kumiit mendam ing kalembianta. Ampa'paan sinangkum-Nao mai waya em pangepé'an an tutuw Sia ang kayo'baan, meputé sé pasangkumenta intarépé'. Taan Sia ra'ica kawisa mako méma' ing kamesé-meséaan.

Ibrani 7:25

Ampa'paano in itu si Yesus makawoo lumowir ang karapi in lekep sé pakasa in tou sé aiwali-Na mangé a si Amang Kasuruan, ampa'paan si Yesus menonou akar ing kauré-uré si mekiupus a si Amang Kasuruan torona éra.

Yakobus 1:5

Sa awéan esaan ai camu mendam wayapé' im pira eng kapinteran asi Amang Kasuruan owo, aweso taré sia mangilek angé a si Amang Kasuruan. Wo énan-Na oka mai em pinangilek itu. Ampa'paan si Amang Kasuruan mengawéé a sé im pakasa in tou ang karapi ing kasamaan in até, ra'ica mengaimbo'.

Yakobus 5:16

Ampa'paan in ituo, mangakuo mangé ing kamesé-meséaan asi esa wo si esa wo menson-sombayangano mangé wosama' kamu masama'. En sombayang é tou mengaéma' im butul uli-ulit wangko' eng kawasana.

1 Petrus 2:5

Kamu ka'i tanu im batu menonou itu. Ampa'paan in ituo iwééo mio' en owak iow pakén i Amang Kasuruan e mamuali paento'an-Na. Wo in taniitu kamu imamualio imam-imam le'nas e rumagés ing katouan iow a si Amang Kasuruan. Wo e raragés aiwéé miow itu tinerima-Na ampa'paano sé niéma' i Yesus Kristus ai cita im baya.

1 Yohanes 3:22

Wo sapake' em pangilekenta ai Sia, kéréanta oka, ampa'paan paémaanta waya em perénta-Na wo ka'i maéma' sapa si mengaarui in até-Na.

1 Yohanes 5:14

Wo kita ra'ica maindé' meta'up wo Sia, ampa'paan sa kita sumombayang kumiit ing kasalé'an-Na, percayanta lingan-Na oka sapa em pangilekenta.