Yohanes 14:12 - En Taar Weru a nunuwu' é Tontemboan

¹² En ulitna icua-Ku mangé ai camu, si séike' si maéman a Yaku, émaanna oka ka'i en tuu-tuus kakaya'kaan si meputé wo sé niéma'-Ku. Wo ka'i ro'na kaémaan-Na sé tuu-tuus kakaya'kaan sé wangko' mai wo sé niéma'-Ku itu, ampa'paan Aku maangém a si Amang-Ku.

Yohanes 14:12 ပူးပေါင်းရင်းမြစ်များ

Matius 21:21

Isowat i Yesus ai séra, “En ulitna icua-Ku mangé ai camu, sa kamu mercaya wo ra'ica marua-rua wasa, kamu ro'na iméma' tanu si niéma'-Ku asi tuur in ara itu. Wo ro'na ka'i peréntan iow si tolaina anio', ‘Icaangkaio wo icawangkilo mangé an ta'sic!’, tantu en itu mamuali oka.

Markus 11:13

An tayangé' sérén-Na mangé en tuura in ara keli lalaina. Susuten-Na mangé en tuura in ara itu e ruma'da sa awéan wua'na. Taan icateka' mangé an tuur itu, ra'ica kinéréan-Na sapa-sapa aluar in lalainake', ampa'paan asi témpo itu ra'ipé' an orasna in ara mua'.

Markus 16:17

Sia'io en tuusna sé tou maéman a Yaku: Séra musér oka sé sétang maké i ngaran-Ku, rumoma' oka maké i nunuwu' walina si ra'ipé' sumangkum ako kailekan éra.

Yohanes 14:28

Liningao miow sé aicua-Ku, Yaku maangé taan Aku maai oka sumawel ai camu. Sa kamu uli-ulit mengaupus Yaku, kamu arui oka sa Aku mangé a si Amang-Ku, ampa'paan si Amang-Ku en lébé wangko' mai wo Yaku.

Yohanes 16:7

Taan en aicua-Ku anio' wutul, lébé awéan eng katoronaan ai camu sa Aku maangém a si Amang, ampa'paan sa Aku ra'ica maangé, si Roh Matawang itu ra'ica kawisa maai ai camu. Taan sa Aku maangém, yutus-Ku oka mai Sia ai camu.

Yohanes 4:37

Wutulo sé paandé é tou, ‘Si esa tou e muras in lulumbo, wo sé tou walina e imupu'.’

Yohanes 5:20

Ampa'paan si Amang mengaupus Yaku Toyaang-Na wo ituru'-Na a Yaku pakasa sé niéma'-Na in esa. Wo ka'i ituru' oka i Amang-Ku a Yaku en tatawoi sé lébé wangko' mai wo sumama' si tou sumakit, akar kamu mangaya'ka'.

Yohanes 7:33

Wo si Yesus makuapé' a sé tou keli, “Ra'io uré ka'i en témpo-Ku mewali-wali wo icamu, kumawus in itu Aku maréngo mangé ai Sia si mutusai Yaku.

Yohanes 7:39

An tutuw i Yesus kumua andumoro' in dano itu, eng kaangéanna e Roh i Amang Kasuruan teriman oka é tou maéman. Taan e Roh itu ra'ipé' aiwéé a sé tou maéman, ampa'paan em papaté ra'ipé' pinendam i Yesus wo ra'ipé' niangkai angé an tampa-Na si parayo-rayo wo pasiri-siriin an sorga.

Kisah Para Rasul 10:46

Séra ka'i luminga sé tou itu maroma' a nunuwu' i roh wo ka'i marayo-rayo si Amang Kasuruan. Wo icua i Petrus,

Kisah Para Rasul 16:18

En itu niéma' i wéwéné itu akar im piraan ngando, akar si Paulus ra'io ka'i makalesen. Ampa'paano in itu si Paulus maréng in somoi wo kumua a si roh léwo' si rumasuk si wéwéné itu, “Ang karapi i ngaran i Yesus Kristus peréntanku, kumesot ko ai sia!” Asi témpo ituke' si roh léwo' itu makala'us kumesot asi wéwéné itu.

Kisah Para Rasul 19:12

Mandé ka'i wayake' in lénso kuma'pa kaéng ipapules in licur si sumangkumo pinaké i Paulus wo iweta' a sé tou sumakit, séra makala'us masama'. Taniitu ka'i wo sé tou rinasuk i roh léwo', sé roh léwo' itu makala'us kumesot.

Kisah Para Rasul 2:33

Intarépé', si Yesus niangkaio mangé i Amang Kasuruan ang kakan-Na an tampa pasiri-siriin wo tumerimao i Roh Le'nas si aijanji-Nao indior. E Roh Le'nas itu, iwéé-Nao ka'i ai cami, si sinéré wo liningao miow am bia'i.

Kisah Para Rasul 2:41

Kumawus in itu, sé tou itumerima i nunuwuun i Petrus, séra méé in owak em baptisen. Asi témpo ituke', sé tou maéman a si Yesus makaawes eng kakeli mamuali telu ngariwu tou.

Kisah Para Rasul 4:16

wo kumua, “Sapa e musti émaanta a sé rua tou itu? Pakasa sé tou an Yerusalem makaileko sa séra iméma'o in tuus kakaya'kaan sé ra'io icakua wo ra'io kasangkalanta.

Kisah Para Rasul 4:33

Wo ang karapi ing kawasa wangko', sé ruru'du'an méé kasairian andumoro' i Apo' Yesus si tinou sumawel am papaté. Wo séra im baya menonou an upus si aitambér i Amang Kasuruan si ra'io icakua.

Kisah Para Rasul 4:4

Taan an uner é tou sé iluminga in sususuien itu kelian sé maéman, akar eng kakeli éra wona' awéan lima ngariwu tuama.

Kisah Para Rasul 5:15

Sé tou sumakit iwali é tou an tembir in lalan wo itekel éra am patekelan wo an tepé. Séra méma' in taniitu wosama' sa si Petrus lumangkoi, sé tou sumakit itu ro'na katenaan im bayangna.

Kisah Para Rasul 6:7

En Taar i Amang Kasuruan makaseraro wo sé tou maéman a si Yesus an Yerusalem makaaweso eng kakeli. Kelian sé imam sumarakan in owak éra wo maéman a si Yesus.

Kisah Para Rasul 8:7

An tutuw itu ka'i, si Filipus imusér sé sétang irumasuk sé tou keli wo sé sétang itu makala'us kumesot ang karapi i mengangko-ngangko'. Kelian ka'i sé tou késo' wo kénto' sé sinama'na.

Kisah Para Rasul 9:34

Wo icua i Petrus ai sia, “Eneas, si Yesus Kristus isumama'o ico. Tumooro wo tu'tuleno em pakatekelanmu!” Asi témpo ituke', si Eneas makala'us tumoor.

Kisah Para Rasul 9:40

Taan iru'du' i Petrus pakasa séra kumesot. Kumawus in itu sia kumundu wo sumombayang, wo sérénna e mayat wo icuana, “Tabita, tumooro!” Wo si Tabita muka' im beren. Keséréna si Petrus, sia tumoor wo lumukut.

Roma 15:19

wo en tuu-tuus kakaya'kaan sé niéma'ku maké ing kawasa i Roh Le'nas. En Abar Kaaruien andumoro' i Yesus Kristus itu aicuakuo waya a sé tou, tumo'tolai an Yerusalem akar an Ilirikum.