Yohanes 13:8 - En Taar Weru a nunuwu' é Tontemboan

⁸ Wo icua ka'i i Petrus, “Ra'ica toro wu'asan-Mu eng kécéiku.” Icua i Yesus a si Petrus, “Sa eng kécéimu ra'ica wu'asan-Ku, ico ra'io ka'i murit-Ku.”

Yohanes 13:8 ပူးပေါင်းရင်းမြစ်များ

Matius 16:22

Taan si Yesus winéso' i Petrus an tembir wo romaanna si Yesus, “Guru, si Guru ra'ica toro rumoma' tanu siitu! Sa woo ro'na itaya-tayang angé i Amang Kasuruan en itu! En itu ra'ica toro mamuali a si Guru.”

Matius 21:29

Isowat i toyaang itu, ‘Ra'ica kiimku é amang.’ Taan sia imangéke' an uma in anggor.

Matius 26:33

Wo icua i Petrus, “Mandé ka'i séra im baya tumela'u si Guru, taan aku wutu-wutul ra'ica.”

Matius 26:35

Taan icua i Petrus, “Mandé ka'i yaku maté mewali-wali wo si Guru, ra'ica sangkalenku si Guru.” Pakasa sé murit walina kumua ka'i in taniitu.

Yohanes 13:6

An tutuw ing gilirano ing kécéi i Simon Petrus em bu'asan, sia mamuéi a si Yesus, “Tuang, icasalé'-Mu réén mu'as ing kécéiku?”

Yohanes 13:9

Icua i Simon Petrus, “Tuang, sa taniitu ra'ica asaloke' ing kécéiku, taan eng kama wo en do'kosku, wu'asan ka'i mai!”

Yohanes 3:5

Isowat i Yesus, “En ulitna icua-Ku mangé ai co, sa si tou ra'ica touen sumawel an dano wo e Roh i Amang Kasuruan, sia ra'ica muntep ang Kakolanoan i Amang Kasuruan.

Kisah Para Rasul 22:16

Wo intarépé', nomoo menguré-ngurépé'! Tumulungo wo iwééo mangé en owakmu baptisen wo mangilek angé a si Casuruan wosama' ampungan-Na eng kamesé-meséaanmu.’

1 Korintus 6:11

Indior awéan piraan tou an uner iow makaperi tanu siitu ka'i. Taan intarépé' eng kamesé-meséaan iow wineresio i Amang Kasuruan. Kamu niéma'-Nao le'nas wo nianggap-Nao wutul an dior-Na ampa'paan kamu maémano a si Apo' Yesus Kristus wo ka'i ampa'paan ing kawasa i Roh i Amang Kasuruanta.

Efesus 5:26

Niéma'-Na en itu wosama' Sia lume'nas sé jamaat kekawus éra wineresi-Na in dano wo in Taar,

Kolose 2:18

Anaé, tioo en laasa ing katouan iow itu léwoon in sususuien in tou si maturu' kéndo' ko'kos en até wo maapo' a sé malaékat wo mengatirayo andumoro' im papaturu'an sé aipapaturu' ai sia wo ka'i mengarangka' in owak ang karapi ra'ica wana alasan ampa'paan asalo imawero-werot ing kasalé'an ing kayo'baan.

Kolose 2:23

Sé atoran itu kaséréan woo loor, ampa'paan sé tou masusui in atoran-atoran itu kaséréan tanu kéndo' uli- ulit mengaapo' asi Amang Kasuruan. Wo séra kumo'kos in até wo makiit in atoran-atoran itu akar mengaokoi kéndo' in owak éra in esa. Taan pakasa en itu ra'ica wana torona, ampa'paan séra asalo makiit ing kasalé'an in owak éra in esa.

Titus 3:5

An tutuw itu Sia lumowiro icita, en itu ra'ica ampa'paan kita mengaéma' im butul an dior-Na taan ampa'paan aituru'-Nao eng kaupusan-Na ai cita. Weresin-Na eng kamesé-meséaanta wo pakén-Na e Roh Le'nas e méma' ing katouanta maweru. En itu meputé kita tumou sumawel.

Ibrani 10:22

Ampa'paan in itu mayoo kita rumuru mangé a si Amang Kasuruan ang karapi in lekep en até wo uli-ulit maéman ai Sia. Ampa'paan en atéta wineresio in enda' i Kristus akar male'nas asi kaléwo'anta, wo en owakta tanuoka winu'asano in dano weresi.

Wahyu 1:5

Wo en upus aitambér wo eng kaeluran itu ka'i mai asi Yesus Kristus owo. Siao en sairi le'tek, wo eng kataré-taré itumou sumawel an uner é tou imaté, wo ka'i e makakawasa a sé kolano asi cayo'baan anio'. Sia mengaupus icita, wo mekar ing kamesé-meséaanta ang karapi in enda'-Na.

Wahyu 7:14

Wo sowatenku, “Tuang! Si tuang e makailek.” Wo icuana a yaku, “Séra ituo sé tou ilumangkoio mai ing kawenduan wangko'. Wo pakén éra en enda' i Toyaang i Domba eng kumemes in juba éra wo méma' akar i makulo'.