Yohanes 13:37 - En Taar Weru a nunuwu' é Tontemboan

³⁷ Icua i Petrus a si Yesus, “Tuang, kéitu réén aku ra'ipé' makawoo kumiit si Tuang intarépé'? Icasalé'ku maangé ang karapi-Mu mandé ka'i aku patén ampa'paan makiit Ico.”

Yohanes 13:37 ပူးပေါင်းရင်းမြစ်များ

Markus 10:39

Isowat éra, “Kawooan ami é Guru!” Isowat i Yesus ai séra, “Wutul, kamu melep oka a si paelepan si musti elepen-Ku wo baptisen ang karapi im baptisan si musti teriman-Ku.

Yohanes 21:15

Makasokol ako, wuéien i Yesus a si Simon Petrus, “Simon, toyaang i Yohanes, icaupusmu réén Aku lumébé mai wo iséra anio'?” Isowat i Petrus, “Wutul é Tuang, kailekan-Mu sapaoka aku mengaupus Ico.” Icua i Yesus ai sia, “Paliarano mio' sé domba-Ku.”

Kisah Para Rasul 20:24

Taan ra'io pandungenku eng katouanku, asalo ro'na lekepenku en tawoien si aiwéé i Apo' Yesus a yaku eng kumua in Abar Kaaruien andumoro' in upus aitambér i Amang Kasuruan a sé cita in tou.

Kisah Para Rasul 21:13

Taan sinowatke' i Paulus, “Kéitu réén kamu maamé' taniitu? Kamu iméma'o in atéku mawendu. Sapake' e mamuali an Yerusalem, yaku tu'tulo, ra'ica im ba'kesenke' taan ka'i tu'tulo i maté ampa'paan i Apo' Yesus.”