Yohanes 13:34 - En Taar Weru a nunuwu' é Tontemboan

³⁴ Kamu wéan-Ku perénta weru, meupu-upusan angé kamu. Kamu musti meupu-upusan angé, kaputé Yaku mengaupus camu.

Yohanes 13:34 ပူးပေါင်းရင်းမြစ်များ

Matius 5:44

Taan icua-Ku mangé ai camu, icaupuso mangé sé kaséké' miow wo isombayango mangé sé mengaokoi icamu.

Yohanes 15:17

Si anioo em perénta-Ku ai camu: Meupu-upusano mangé kamu si esa wo sé walina.”

Yohanes 17:21

Pekiupusen-Ku a si Amang wosama' séra im baya meesa, kaputé i Amang esa wo Yaku wo Yaku esa wo si Amang wosama' séra ka'i meesa wo Cita. Wo in taniitu, sé tou ang kayo'baan ro'na mercaya sapaoka si Amango e mutusai Yaku.

Roma 12:10

Meupu-upusano mangé kamu si esa wo si esa tanu mepoow an esa paémanen. Wo kamu mengarior angé mawéé in siri' a sé tou walina.

Roma 13:10

Si tou mengaupus sé kakélé tou, ra'ica mengaéma' in léwo' a sé kakélé tou. Anaé, si tou mengaupus sé kakéléna tou, niéma'nao em perénta-perénta an ukum Torat.

Roma 13:8

Tioo kamu mautang sapake' mangé a sé tou, taan aweso taré en utang iow itu utang i meupu-upusan a si esa wo sé walina. Ampa'paan si séike' e mengaupus sé kakélé tou, sia iméma'o im perénta-perénta an ukum Torat.

Galatia 5:22

Taan sé tou pakaakinen i Roh Le'nas, wuéna ing katouanna tanu sé anio': awéan upus, kaaruian, kaeluran, katalesenan, kasamaan in até, kalooran, kale'tekkan,

Galatia 5:6

Ampa'paan torona é tou sé meesao wo si Kristus Yesus, sia sinunat kuma'pa ra'ica sinunat en itu ra'ica penting. Em penting am bia'i em paémanen si aituru' ang karapi in upus a sé tou walina.

Galatia 6:10

Ampa'paan in itu, ang karoro'anta winéané' témpo, mayoo émaanta sé loor a sé pakasa in tou, kataré-taré a sé poo-poowta an esa paémanen.

Galatia 6:2

Sa awéan an uner iow meta'up ing kawenduan, mensén-sémbongano mangé kamu tumanggong im pamuléngen itu! Wo in taniitu kamu icumiito in ukum i Kristus andumoro' i meupu-upusan.

Efesus 5:2

Menonouo mangé ang karapi i meupu-upusan, kaputé i Kristus mengaupuso icamu. Sia sumarakano in owak-Na torona icita tanu raragésan si mawou manam torona i Amang Kasuruan.

Kolose 1:4

ampa'paan liningao ami andumoro' im paémanen iow a si Kristus Yesus wo andumoro' in upus iow a sé im pakasa é tou le'nas.

1 Tesalonika 3:12

Pangileken ami wosama' émaan i Casuruan kamu meupu-upusan asi esa wo si esa wo mengawe-ngawes ka'i eng kaupusan iow a sé tou, meputé icami mengaupus ai camu.

2 Tesalonika 1:3

Poo-poow, kami patus mengua-ngua i makapulu'sama' a si Amang Kasuruan ampa'paan icamu. Wo kami patus méma' in taniitu, ampa'paan em paémanen iow a si Yesus makaketero wo ka'i makaaweso eng kaupusan iow a sé tou walina.

Ibrani 13:1

Poo-poow, meupu-upusano mangé tanu mepoow an esa paémanen.

Yakobus 2:8

Sa émaan iow en ukum kumataré-taré si aipatic ang Kitap Le'nas, “Mengaupuso mangé sé tou walina, meputé kamu mengaupus in owak iow in esa!”, kamu iméma'o im butul.

1 Petrus 1:22

Kamu lume'naso in owak iow ang karapi in le'tek mengaéma' in sususuien wutul i Amang Kasuruan, akar kamu makawoo mengaupus sé poo-poow an esa paémanen ang karapi i mauli-ulit. Anaé sina'uenku kamu wosama' kamu meupu-upusan ang karapi in lekep en até.

2 Petrus 1:7

Wo menonou le'tek a si Amang Kasuruan musti awesan iow ka'i ang karapi i mengaupus a sé poo-poow esa paémanen. Wo asi mengaupus a sé poo-poow esa paémanen musti awesan iow ka'i ang karapi i mengaupus sé kakélé in tou.

1 Yohanes 3:11

Si anioo en abar si liningao miow tumo'tolai indior an tutuw kamu werupé' maéman: kita musti meupu-upusan.

1 Yohanes 3:23

Wo si anio' em perénta-Na: Kita musti maéman a si Toyaang-Na Yesus Kristus wo kita ka'i musti meupu-upusan tanu en aiperénta i Yesus Kristus ai cita.

1 Yohanes 4:21

Wo si anioo em perénta si tinerimatao a si Amang Kasuruan: Si séike' e mengaupus si Amang Kasuruan, sia ka'i musti mengaupus sé poo-poowna.

2 Yohanes 1:5

Wo intarépé' pangilekenku a si inang wosama' icita im baya meupu-upusan. Em pinangilekku anio' ra'ica perénta weru, taan perénta anio' ai citao tumo'tolai asi kataré-taré an tutuw kita werupé' maéman.