Yohanes 13:22 - En Taar Weru a nunuwu' é Tontemboan

²² Wo sé murit-Na mentéintengan si esa wo sé walina, wo taré séra marua-rua wasa ampa'paan ra'ica kailekan éra si séi em peangé-angén i Yesus.

Yohanes 13:22 ပူးပေါင်းရင်းမြစ်များ

Matius 26:21

Ang karoro'an éra i makan, icua i Yesus, “En ulitna icua-Ku ai camu, awéan esaan ai camu en sumarakan oka Yaku.”

Matius 26:22

Kelinga in itu, en até éra mawendu keli wo séra maesa-esa mamuéi ai Sia, “Ra'ica yaku é Guru?”

Markus 14:18

Ang karoro'an éra i makalukut makan am bitu, icua i Yesus, “En ulitna icua-Ku mangé ai camu, awéan esaan tou ai camu en sumarakan oka Yaku. Si tou itu lumukut kuman mewali-wali wo Yaku.”

Markus 14:19

Kelinga in itu, en até éra mawendu keli. Wo esa wo si esa mamuéi ai Sia, “Guru, ra'ica yaku to?”

Lukas 22:21

Taan, sérén! Si tou sumarakan Yaku sa, asi oras anio' mewali-wali wo icita a méja anio'.

Lukas 22:23

Kelinga in itu, sé murit i Yesus tumo'tol membum-buéian asi esa wo si esa andumoro' si séi en sumarakan oka si Yesus.

Yohanes 13:18

Sapa sé aicua-Ku anio' ra'ica andumoro' icamu im baya. Kailekan-Ku si séi si sinisir-Kuo. Taan sapa sé aipatic ang Kitap Le'nas musti mamuali, aicua in tana'i: “Si tou icuman i roti mewali-wali wo Yaku, sia mamuali oka kaséké'-Ku.”

Yohanes 13:21

Kekawus i Yesus icumua in taniitu, en até-Na masusa keli, wo icua-Na, “En ulitna icua-Ku mangé ai camu, awéan esaan angé tou ai camu en sumarakan oka Yaku a sé kaséké'-Ku.”