Yohanes 13:21 - En Taar Weru a nunuwu' é Tontemboan

²¹ Kekawus i Yesus icumua in taniitu, en até-Na masusa keli, wo icua-Na, “En ulitna icua-Ku mangé ai camu, awéan esaan angé tou ai camu en sumarakan oka Yaku a sé kaséké'-Ku.”

Yohanes 13:21 ပူးပေါင်းရင်းမြစ်များ

Matius 26:21

Ang karoro'an éra i makan, icua i Yesus, “En ulitna icua-Ku ai camu, awéan esaan ai camu en sumarakan oka Yaku.”

Matius 26:38

Wo icua-Na ai séra, “En até-Ku wenduo keli, kapendaman tanu matawio maté. Mentoo mio' am bia'i kamu wo matéi-téiro mangé ang karapi-Ku.”

Markus 14:18

Ang karoro'an éra i makalukut makan am bitu, icua i Yesus, “En ulitna icua-Ku mangé ai camu, awéan esaan tou ai camu en sumarakan oka Yaku. Si tou itu lumukut kuman mewali-wali wo Yaku.”

Markus 3:5

Téintengen-Na séra im baya sé an li'cir-Na ang karapi in e'bow. Sia matapé ampa'paan séra keté até. Wo icua-Na a si tou itu, “Yuluro mai eng kamamu.” Wo yulurna eng kamana wo asi témpo ituke' imasama'o eng kamana.

Yohanes 11:33

An tutuw sérén i Yesus si Maria maamé' wo ka'i sé tou Yahudi sé mai mewali-wali wo isia maamé', en até i Yesus masusa wo wendu keli,

Yohanes 11:35

Wo si Yesus maamé'.

Yohanes 11:38

En até i Yesus mawendu keli, wo Sia mangé ang kubur i Lazarus. Eng kubur itu esa wo'bok si pinénet im batu wangker.

Yohanes 12:27

Icua ka'i i Yesus, “Wendu keli Aku. Ra'io kailekan-Ku sapa si musti icua-Ku. O Amang, tawangenai wo émaano mai Aku ra'ica mendam in oras ing kasusaan anio'. Taan Aku ra'ica toro mekiupus tanu siitu, ampa'paano i mendam ing kawenduan anio' Aku mai ang kayo'baan anio'.

Yohanes 13:18

Sapa sé aicua-Ku anio' ra'ica andumoro' icamu im baya. Kailekan-Ku si séi si sinisir-Kuo. Taan sapa sé aipatic ang Kitap Le'nas musti mamuali, aicua in tana'i: “Si tou icuman i roti mewali-wali wo Yaku, sia mamuali oka kaséké'-Ku.”

Yohanes 13:2

An tutuw i Yesus wo sé murit-Na ang karoro'an i makan im bengi, si kikiiten é sétang icumewito im basa léwo' an até i Yudas Iskariot toyaang i Simon wosama' kumianat a si Yesus.

Yohanes 13:22

Wo sé murit-Na mentéintengan si esa wo sé walina, wo taré séra marua-rua wasa ampa'paan ra'ica kailekan éra si séi em peangé-angén i Yesus.

Kisah Para Rasul 17:16

Ang karoro'an i Paulus ang kota Atena mengento-ngento' si Silas wo si Timotius, en até i Paulus wendu keli ampa'paan pakasérénna ang kota itu wuta im patong é opo-opo'.

1 Yohanes 2:19

Mémang séra itu tou an unerta owo, taan séra itu ra'ica touta. Ampa'paan sa séra itu touta, tantu séra kasake' mewali-wali wo icita. Taan ampa'paan séra itumanéo wo icita, en itu mamuali tuus sa séra itu ra'ica touta.