Yohanes 13:16 - En Taar Weru a nunuwu' é Tontemboan

¹⁶ En ulitna icua-Ku mangé ai camu, si esa ata ra'ica lumébémai wo si tuangna, kuma'pa si esa tou ayutus ra'ica lumébémai wo si tou si mutus sia.

Yohanes 13:16 ပူးပေါင်းရင်းမြစ်များ

Lukas 6:40

Taniitu ka'i ra'ica wana murit en lum mai wo si guruna. Taan sa si murit itu itumamato an sicola, sia imeputéo wo si guruna.

Yohanes 15:20

Ta'néieno mangé sapa sé aicua-Kuo ai camu: Si esa ata ra'ica lumébémai wo si tuangna. Sa séra imokoio Yaku, séra ka'i mokoi oka icamu. Sa émaan éra en taar-Ku, émaan éra oka ka'i sé aicua miow.

Yohanes 3:3

Isowat i Yesus, “En ulitna icua-Ku mangé ai co, sa si esa tou ra'ica touen sumawel sia ra'ica mamuali tou i Amang Kasuruan ang Kakolanoan-Na.”

Yohanes 3:5

Isowat i Yesus, “En ulitna icua-Ku mangé ai co, sa si tou ra'ica touen sumawel an dano wo e Roh i Amang Kasuruan, sia ra'ica muntep ang Kakolanoan i Amang Kasuruan.

2 Korintus 8:23

Si Titus karapiku matawoi en sumémbong ai camu. Wo sé rua poow itu, sé mangé ang karapina, séra sé tou ayutus é jamaat wo sé marayo wo masiri' si Kristus ang karapi im pakaselewir éra.

Filipi 2:25

Wo anggapenku ka'i perlu yutus angé sumawel si Epafroditus ai camu si aicirim iow en sumelewir ing kaperluanku. Sia imamuali poow an esa paémanen wo katawoiku mengakua in Abar Kaaruien andumoro' i Yesus Kristus wo mewali-wali maraméji méma' in tawoien si airu'du' i Amang Kasuruan.