Yohanes 13:15 - En Taar Weru a nunuwu' é Tontemboan

¹⁵ Ampa'paan kamu winéan-Kuo paandéan loor, anaé musti émaan iow ka'i a si esa wo sé walina, kaputé si niéma'-Kuo ai camu.

Yohanes 13:15 ပူးပေါင်းရင်းမြစ်များ

Matius 11:29

Wuléngeno em pamuléngen si aiwuléng-Ku am palukamu wo mekisusuio mai a Yaku, ampa'paan Aku sama' wo ko'kos en até. Wo in taniitu kamu mendam oka ing kaeluran.

Roma 15:5

Pekiupusenku woo a si Amang Kasuruan, si palemboian ing katalesenan wo ing kaketeran im paémanen, tumambérai ing kaeluran ai camu kiit ing kasalé'an i Kristus Yesus.

Efesus 5:2

Menonouo mangé ang karapi i meupu-upusan, kaputé i Kristus mengaupuso icamu. Sia sumarakano in owak-Na torona icita tanu raragésan si mawou manam torona i Amang Kasuruan.

1 Petrus 2:21

Ampa'paan in ituo, kamu tinowao i Amang Kasuruan e méma' in loor mandé' ka'i kamu meta'up ing kawenduan. Si Apo' Yesus imendamo ing kawenduan torona miow wo imééo im paandéan ai camu wosama' kiiten iow tanu si niéma'-Na.

1 Petrus 5:3

Wo tioo kamu asalo kaperé-perénta sé jamaat sé aitoké i Casuruan ai camu, taan kamu musti mamuali paandéan loor ai séra.

1 Yohanes 2:6

Si séike' mangé si mengakua sa sia imeesao wo si Casuruan, em pakatouna ka'i musti meputé wo im pakatou i Kristus.