Yohanes 13:13 - En Taar Weru a nunuwu' é Tontemboan

¹³ Pengatowan iow Aku ‘Guru’ wo ‘Tuang’, si patowa miow itu wutul ampa'paan Yakuo si Guru wo Tuang.

Yohanes 13:13 ပူးပေါင်းရင်းမြစ်များ

Matius 20:28

En itu meputé wo si niéma' i Toyaang i Tou. Sia maai ang kayo'baan anio' ra'ica maai selewiran é tou taan en sumelewir sé tou wo méé in owak-Na in esa en tumu'bus ing kamesé-meséaan é tou keli.”

Lukas 10:28

Wo isowat i Yesus a si tou itu, “En aicuamu itu wutul! Émaanmu waya en itu wo kéréanmu oka eng katouan akar ing kauré-uré.”

Lukas 6:46

“Kéitu réén kamu kumua a Yaku, ‘Tuang, Tuang’ taan kamu ra'ica maéma' sapa en aicua-Ku?

Lukas 7:43

Isowat i Simon, “Sa werotenku, si tou miram roit keli.” Icua i Yesus ai sia, “En aicuamu itu wutul.”

Yohanes 11:2

Si Maria itu wéwéné si sumangkumo sumolo ing kécéi i Apo' Yesus maké in solo mawou manam wo linapna im buukna. Si wéwéné itu mepoow wo si Lazarus si sumakit itu.

Yohanes 11:28

Kumawus ako i Marta kumua in taniitu a si Yesus, sia maréng angé sumawel am baléna en tumowa si poowna Maria wo icewitna ai sia, “Si Guru am biao, patowan-Na ko.”

Yohanes 11:3

Anaé, sé rua poowna wéwéné itu rumu'du' tou mangé kumua in abar a si Yesus tana'i, “Tuang, si Lazarus si caupus-Mu itu sumakit.”

1 Korintus 12:3

Ampa'paano in itu, musti kailekan iow sapaoka si tou paakinen i Roh i Amang Kasuruan, sia ra'ica kawisa kumua in tana'i, “Kinutuko si Yesus!” Taniitu ka'i ra'ica wana mandé esake' tou e ro'na kumua “Si Yesus itu Kasuruan” sa sia ra'ica pakaakinen i Roh Le'nas.

1 Korintus 8:6

Taan ai cita anio', si Amang Kasuruan itu wayake' in esa, Siao si Amang si méma' im baya-waya. Torona Siake' kita menonou. Wo ka'i si Casuruan waya in esa, Siao si Yesus Kristus. Ampa'paano Sia em baya-waya niéma' wo ampa'paano Sia kita menonou.

Efesus 6:9

Éi tuang-tuang, kamu musti ka'i sama' a sé ata miow. Tioo pengaetengan iow séra akar séra maindé' ai camu. Ta'néieno mangé sapaoka kamu wo sé ata miow puté-puté makaanu esa tuang, Siao si Casuruan si an sorga, Sia ra'ica mengasisir in tou.

Filipi 2:11

wo séra im baya mangaku sapaoka si Yesus Kristus itu Kasuruan. Wo in taniitu, si Amang Kasuruan Amangta em parayo wo pasiriin.

Filipi 3:8

Ra'ica siituke', am baya-waya ra'ica wana torona, sa ipeputé wo yaku intarépé' si makatuuso si Kristus Yesus, Apo'ku. Wo ampa'paano i Kristus Yesus, iwekarku waya en itu wo anggapenku tanu noo, wosama' aku lébépé' ka'i makatuus si Kristus Yesus,

Yakobus 2:19

Percayan iow sapaoka waya in esa si Amang Kasuruan, en itu loor! Taan sé sétang ka'i mercaya andumoro' in itu wo séra gume'ger in indé'.