Yohanes 13:1 - En Taar Weru a nunuwu' é Tontemboan

¹ Matawio en endo wangko' Paska wo kailekano i Yesus ra'io uré ka'i tela'u-Na eng kayo'baan anio' e maréng angé sumawel a si Amang-Na. Ipaupu-upus-Na keli sé tou sé imamualio anu-Na ang kayo'baan anio', wo icaupus-Na séra akar ing kaakaran ing katouan-Na.

Yohanes 13:1 ပူးပေါင်းရင်းမြစ်များ

Matius 26:45

Makasombayang ako wo Sia maréng a sé murit-Na, icua-Na, “Makakili' wo makaena'pé' réén kamu? Sérén, an témponao si Toyaang i Tou isarakan ang kama é tou keli eng kamesé-meséaan.

Matius 28:20

Wo susuiano mangé séra wosama' émaan éra waya sé aiperénta-Ku ai camu. Pena'né-na'néieno mangé, Yaku kasake' ang karapi miow akar ing kaka'puan ing kayo'baan.”

Lukas 22:53

Susur in endo Aku ang karapi miow am Balé Le'nas wo ra'ica tangkaan iow Aku. Taan asi endo anioo en oras iow tumangka' Yaku wo asi oras anioo si makakawasa ing kariréimbengan mai kumawasa.”

Lukas 9:51

An tutuw matawio in oras i Yesus icaangkai an sorga, pinusé'-Nao sapaoka Sia maangé an Yerusalem.

Yohanes 11:55

An tutuw itu matawio en endo wangko' Paska é tou Yahudi, keli tou Yahudi an tampa-tampa walina owo mangé an Yerusalem. Piraanné' ngando, ra'ipé' tumo'tol em pésta Paska séra imayo an Yerusalem eng kumiit in atoran agama e meresi in owak.

Yohanes 12:23

Wo icua i Yesus ai séra, “Maayo en témpona si Toyaang i Tou iparayo-rayo wo pasiri-siriin.

Yohanes 13:29

Ampa'paan si Yudas mengatimboi in doit éra, akar awéan sé mawerot sapaoka si Yudas airu'du' i Yesus en tumeles sapake' eng kaperluan asi endo pata'néian itu. Awéan ka'i tou mawerot sapaoka sia airu'du' i Yesus e méé roit a sé tou lengéi.

Yohanes 13:3

Kailekan i Yesus pakasa eng kawasa aiwééo mai i Amang-Na ai Sia. Kailekan-Na ka'i Sia mai asi Amang Kasuruan owo wo maréng oka ai Sia.

Yohanes 13:34

Kamu wéan-Ku perénta weru, meupu-upusan angé kamu. Kamu musti meupu-upusan angé, kaputé Yaku mengaupus camu.

Yohanes 14:28

Liningao miow sé aicua-Ku, Yaku maangé taan Aku maai oka sumawel ai camu. Sa kamu uli-ulit mengaupus Yaku, kamu arui oka sa Aku mangé a si Amang-Ku, ampa'paan si Amang-Ku en lébé wangko' mai wo Yaku.

Yohanes 14:31

Taan émaan-Ku oka sapa si aiperénta i Amang a Yaku, wosama' sé tou ang kayo'baan anio' makailek, Yaku mengaupus si Amang. Tumulungo, mayo kita kumesot asi tampa anio'.”

Yohanes 16:28

Yaku asi Amang owo, wo mai ang kayo'baan anio'. Wo intarépé' itela'u-Ku ka'i eng kayo'baan anio' wo maréng angé sumawel a si Amang-Ku.”

Yohanes 17:1

Kekawusai i Yesus kumua im pakasa in itu, Sia kumanat angé an langit wo sumombayang, “O Amang, an témponao! Irayoo wo siriino mai si Toyaang-Mu, wo in taniitu si Toyaang-Mu ka'i ro'na rumayo wo sumiri' Si Amang.

Yohanes 17:16

ampa'paan séra ra'ica anu ing kayo'baan, kaputé-Ku ka'i ra'ica anu ing kayo'baan.

Yohanes 17:26

Aicua-Kuo ai séra si séi si Amang en ulitna, wo ipengua-ngua-Ku oka melala'us andumoro si Amang. Wo in taniitu séra maupus oka sé tou walina tanu si Amang mengaupus Yaku wo Yaku meesa wo iséra.”

Yohanes 17:5

Wo intarépé', o Amang, émaano mai Aku iparayo-rayo wo pasiri-siriin an dior-Mu, ang karapi i rarayo wo en sisiri' si a Yakuo mewali-wali wo si Amang an tutuw eng kayo'baan anio' ra'ipé' niéma'.

Yohanes 18:4

Kailekano i Yesus pakasa sé mamuali oka an owak-Na, ampa'paan in ituo Sia rumior angé wo sumusut iséra. Wuéien-Na, “Si séi réén si paéré-érén iow?”

Yohanes 19:28

Kailekan i Yesus niéma'-Nao em baya-waya si musti émaan-Na, ampa'paan in itu icua-Na “Maré'omo Aku!” Wo in taniitu sapa sé aipatic ang Kitap Le'nas imamualio.

Yohanes 2:13

An tutuw i matawio en endo wangko' Paska é tou, si Yesus mangé an Yerusalem.

Yohanes 6:4

An tutuw itu matawio in endo wangko' Paska é tou Yahudi.

Yohanes 7:30

An tutuw i Yesus kumua in taniitu, raméjin éra in tumangka' Sia. Taan ra'ica wana mandé esake' tou e méma' in sapa-sapa ai Sia ampa'paan ra'ipé' mai en témpo si aitantuo i Amang Kasuruan.

Yohanes 7:6

Wo icua i Yesus ai séra, “Ra'ipé' an témpona Aku maangé. Taan sa kamu kawisake' ro'na maangé.

Yohanes 8:20

E nunuwu' anio' aicua i Yesus tutuw Sia masusui an diit im piti-piti pengapumpunan in doit raragés am Balé Le'nas. Taan ra'- ica wana mandé esake' tou en tumangka' Sia, ampa'paan ra'ipé' an témpona.

Roma 8:37

Taan mandé pakasa en itu sangkumenta, kita tantu uli-ulit muntung ampa'paan si Kristus imupuso icita.

1 Korintus 1:8

Sia oka ka'i e méma' mai im paémanen iow kasake' keter akar ing kaka'puan ing kayo'baan, akar kamu kéréan-Na ra'ica wana kaséaan asi endo si Apo'ta Yesus Kristus maai sumawel.

Ibrani 3:14

Ampa'paan kita imeesao wo si Kristus, anaé timboienta sumama-sama' em paémanenta akar ing kaka'puan ing katouan, kaputé kita ing kataré-tarépé' maéman ai Sia.

Ibrani 3:6

Taan si Kristus le'tek tanu Toyaang si makakawasa am balé i Amang Kasuruan. Wo icitao em balé-Na itu sa timboianta wutu-wutul em paémanenta wo em paarapen si pengatirayota.

Ibrani 6:11

Icasalé' ami keli sa kamu esa wo si esa mainca-incaya' akar ing kaka'puan ing katouan wosama' kéréan iow sapa em paara-arapen iow itu.

1 Petrus 1:13

Keliano e niéma' i Amang Kasuruan ai camu, ampa'paan in ituo tu'tuleno mio' em bewerot iow e méma' andumoro' sé loor wo tumang in owak ra'ica méma' andumoro' in léwo' wo ituliro mio' waya em paarapen iow asi kamang si tambér oka mai i Amang Kasuruan ai camu an tutuw i Yesus Kristus maai sumawel.

1 Yohanes 4:19

Kita mengaupus ampa'paan si Amang Kasuruan irumioro mengaupus cita.

Wahyu 1:5

Wo en upus aitambér wo eng kaeluran itu ka'i mai asi Yesus Kristus owo. Siao en sairi le'tek, wo eng kataré-taré itumou sumawel an uner é tou imaté, wo ka'i e makakawasa a sé kolano asi cayo'baan anio'. Sia mengaupus icita, wo mekar ing kamesé-meséaanta ang karapi in enda'-Na.