Yohanes 12:48 - En Taar Weru a nunuwu' é Tontemboan

⁴⁸ Taan si séike' eng kumélong Yaku wo ra'ica tumerima sé ipakua-Ku, séra ukumen oka i Amang Kasuruan asi endo kaka'puan kiit i nunuwu' sé aicua-Kuo.

Yohanes 12:48 ပူးပေါင်းရင်းမြစ်များ

Matius 10:15

En ulitna icua-Ku mangé ai camu, asi endo kaka'puan ing kayo'baan sé tou ang kota Sodom wo ang Gomora lébé porakai en ukumanna wo taré sé tou ang kota itu.”

Matius 21:42

Wo icua i Yesus ai séra, “Ra'ipé' réén binaca miow si aipatic ang Kitap Le'nas icumua in tana'i, ‘Watu aitiya' é bas, imamualio watu patuuran. Niéma' i Amang Kasuruan en itu, wo sérénta e niéma'-Na itu uli-ulit ra'io cakua!’

Matius 25:31

“Sa si Toyaang i Tou maai ang karapi i rarayo wo in sisiri'-Na mewali-wali wo sé malaékat-Na, Sia lumukut oka am palukutan pasiri-siriin.

Markus 12:10

Kamu tantu imacao i nats anio' ang Kitap Le'nas, ‘Watu aitiya' é bas imamualio watu patuuran.

Markus 16:16

Si séi e maéman a Yaku wo baptisen, sia malowir oka. Taan si séi si ra'- ica maéman a Yaku, makéré oka in ukuman.

Markus 8:31

An tutuw itu, tumo'tolo si Yesus sumusui ai séra sapaoka si Toyaang i Tou musti muléng ing keli kawenduan wo icélong oka é matu-matu'a é tou Yahudi, kikiiten é imam wo sé makailek wutul in Torat, wo Sia patén oka taan asi endo katelu Sia tumou sumawel.

Lukas 10:16

Wo icua ka'i i Yesus a sé tou sé makiit Sia, “Si séi en luminga icamu sia luminga Yaku. Wo si séi eng kumélong icamu sia kumélong Yaku. Wo si tou kumélong Yaku, sia ka'i kumélongo si Amang Kasuruan si mutusai Yaku.”

Lukas 17:25

Taan ra'ipé' mai si endo itu, musti sangkumen-Na owo eng kelian kawenduan wo célong é tou menonou intarépé'.

Lukas 20:17

Taan téintengen-Na sé tou keli itu wo icua-Na, “En itu musti mamuali, ampa'paan siituo eng kaangéan i nats si aipatic ang Kitap Le'nas tana'i: ‘Watu aitiya' é bas, imamualio watu patuuran.’

Lukas 7:30

Taan sé tou Farisi wo sé makailek wutul in Torat makélong im pawasa-wasan i Amang Kasuruan ang katouan éra. Sérao sé tou sé ra'ica kiim baptisen i Yohanes Mabaptis.

Lukas 9:22

Kumawus in itu icua i Yesus ka'i, “Si Toyaang i Tou musti sumangkum oka ing kelian kawenduan wo Sia ra'ica tinerima é matu'a é tou Yahudi, sé kikiiten é imam wo sé makailek wutul in Torat. Sia patén éra oka, taan asi endo katelu touen sumawel i Amang Kasuruan.”

Lukas 9:26

Ampa'paan si séike' e malawi' ampa'paan Yaku wo in sususuien-Ku, si Toyaang i Tou ka'i malawi' oka isia an tutuw-Na maai sumawel ang karapi ing kawasa wangko'-Ku wo ing kawasa wangko' i Amang-Ku wo sé malaékat le'nas.

Yohanes 11:24

Wo icua i Marta a si Yesus, “Kailekanku sia tumou oka sumawel mewali-wali wo sé tou imatéo asi endo kaka'puan ing kayo'baan anio'.”

Yohanes 5:45

Tioo mawerot sapaoka tudun-Ku oka kamu an dior i Amang asi endo pengaakiman. Si tumudu icamu itu si nabi Musa, mandé ka'i siao si pengaarapen iow.

Yohanes 6:39

Wo si anioo eng kasalé'an i Amang si mutusai Yaku: Icasalé'-Na pakasa sé tou sé aiwéé-Na a Yaku mandé esake' ra'ica wana en icatala. Wo icasalé'-Na touen-Ku sumawel séra im baya am papaté asi endo kaka'puan ing kayo'baan.

Yohanes 8:47

Sé tou asi Amang Kasuruan owo mengalinga sapa sé ipakua-Na. Taan ra'ica pengalingan iow sapa sé ipakua-Na ampa'paan kamu ra'ica ai Sia owo.”

Kisah Para Rasul 17:31

Ampa'paan aitantu-Nao asi esa témpo e makim sé tou karapi i ra'ica marapit, wo aituru'-Nao esa Tou mamuali akim. Wo aituru'-Nao en itu a sé pakasa in tou ang karapi in tumou sumawel si Tou itu am papaté.”

Kisah Para Rasul 3:23

Si séi ra'ica luminga si Nabi itu, sia itané oka an uner é tou i Amang Kasuruan wo patén.’

Roma 2:16

Tanu siituo e imamuali asi endo kaka'puan ing kayo'baan sa. Asi endo itu si Amang Kasuruan méé kawasa a si Kristus Yesus e makim waya sé icaenep an até é tou wo sé pawero-weroten é tou. Siituo sé ipakuaku iciit in Abar Kaaruien andumoro' i Yesus Kristus.

2 Korintus 4:3

Sa en Abar Kaaruien andumoro' i Yesus Kristus sé ipakua ami ra'ipé' kaangéan, en itu ra'ipé kaangéan é tou sé ang karoro'an maangé am papaté.

2 Tesalonika 1:8

Wo ukumen-Na oka sé tou sé ra'ica kiim mengkatuusan wo si Amang Kasuruan wo ra'ica kiim kumiit in Abar Kaaruien andumoro' i Yesus Kristus Apo'ta.

Ibrani 10:25

Tioo kita tumayang am pengali'usan i mengaapo', tanu ing kanaramen im paémaan é piraan tou. Taan mayoo taré kita mare'de-re'dem mengali'us mewali-wali i maapo' wosama' membém-béan angé ing kaketeran am paémanen, ampa'paan kailekanta en endo si Apo' Yesus maai sumawel makatawio.

Ibrani 12:25

Ampa'paan in ituo, sa si Amang Kasuruan maroma' ai camu tioo ipakélong. Indior sé tou Israel ra'ica mengalinga in taar i Amang Kasuruan sé ipakua i Musa ai séra ang kayo'baan, akar séra makéré in ukuman. Wopé'taré icita anio', sa kita ra'ica mengalinga in taar-Na si an sorga owo, tantu kita ra'ica icaséip an ukuman.

Ibrani 2:3

Sa taniitu, tambisa réén kita? Kita ra'ica toro icawekar an ukuman, sa ra'ica wéanta rékén en abar andumoro' ing kalowiran si lébé pentingai wo in taar itu. Ampa'paan si Apo' Yesus in esa eng kataré-taré makua in abar andumoro' ing kalowiran itu, wo sé tou kataré-taré iluminga in itu, aicuao éra en abar itu ai cita akar kakailekanta sapaoka en abar itu wutul.

Ibrani 4:12

En Taar i Amang Kasuruan itu menonou wo makakawasa. Wo en Taar itu ilumébé mai ing katelew in sa'bel rua telewa, ro'na tumopok rarem keli akar tumané i mu'kur wo e roh, wunak wo wuku-wuku in du'i, wo ro'na kailekan-Na waya sé an untep im bewerot wo im paaté-atén é tou.

1 Petrus 1:5

Ampa'paan kamu maéman a si Amang Kasuruan, pakatéiran-Na kamu ang karapi ing kawasa-Na, wosama' kamu ro'na tumerima ing kamang kalowiran sé aitu'tul-Nao em béé oka ai camu a si endo-endo kaka'puan ing kayo'baan.

2 Petrus 3:3

Kataré-taré si musti kailekan iow tana'i: asé endo-endo matawio kaka'puan ing kayo'baan, mapaturu' oka mai sé tou eng katouan éra pakakawasan ing kasalé'an in owak éra in esa sé ra'ica wutul, séra maai oka suméro' icamu.

2 Petrus 3:7

Taan en langit wo eng kayo'baan intarépé' pakatéirané' i nunuwu'-Na itu, en tunun in api sa. Intarépé' en langit wo eng kayo'baan pakatéirané' akar asi endo sé tou léwo' akimen wo patén-Na.