Yohanes 12:44 - En Taar Weru a nunuwu' é Tontemboan

⁴⁴ Wo si Yesus kumua in taangko', “Si séike' e maéman a Yaku, sia ra'ica asalo mercaya a Yaku taan maéman ka'i a si Amang Kasuruan si mutusai Yaku mai ang kayo'baan anio'.

Yohanes 12:44 ပူးပေါင်းရင်းမြစ်များ

Matius 10:40

Si séike' en sumungkul icamu, en itu meputé sia isumungkulo Yaku. Wo si séike' en sumungkul Yaku, sia ka'i isumungkulo si Amang Kasuruan si mutusai Yaku.

Markus 9:23

Isowat i Yesus, “Kéitu réén ko kumua sa Aku ro'na? Pakasa ro'na mamuali a sé tou maéman!”

Markus 9:37

“Si séike' en sumungkul si toyaang teké' tanu si anio' ang karapi i ngaran-Ku, sia isumungkulo Yaku. Si séike' en sumungkul Yaku, ra'ica Yaku en sinungkulna, taan Sia si mutus Yaku.”

Yohanes 11:43

Kekawus ako Sia kumua in taniitu, Sia rumoma' in taangko', “Lazarus, kumesoto mai!”

Yohanes 13:20

En ulitna icua-Ku mangé ai camu, si séike' en tumerima si tou ayutus-Ku, sia itumerimao Yaku. Wo si séike' en tumerima Yaku, sia itumerimao si Amang Kasuruan si mutusai Yaku.”

Yohanes 5:24

En ulitna icua-Ku mangé ai camu, si séike' mangé en luminga i nunuwu'-Ku wo mercaya a si Amang Kasuruan si mutusai Yaku, kéréanna oka eng katouan akar ing kauré-uré. Wo sia ra'ica ukumen. Sia aicawekaro am papaté wo tumerima ing katouan akar ing kauré-uré.

Yohanes 7:28

An tutuw i Yesus ang karoro'ané' masusui am Balé Le'nas, Sia taangko' i makua, “Wutul kamu makatuus Yaku wo kailekan iow Aku am bisa owo mai. Taan Aku mai ra'ica ampa'paan ing kasalé'an-Ku in esa. Yaku mai ampa'paan si Amang Kasuruan e mutusai Yaku. Sia itu wutul, taan Sia ra'ica katuusan iow.

1 Petrus 1:21

Ampa'paan e niéma' i Kristus ituo, kamu maéman a si Amang Kasuruan, Siao en tumou sumawel si Kristus an unér é tou imaté wo ka'i méma' si Kristus iparayo-rayo wo pasiri-siriin. Wo in taniitu em paémanen iow wo em paarapen iow toronake' i Amang Kasuruan.