Yohanes 12:39 - En Taar Weru a nunuwu' é Tontemboan

³⁹ Anaé ra'ica pinercaya éra ampa'paan si nabi Yesaya icumuao ka'i,

Yohanes 12:39 ပူးပေါင်းရင်းမြစ်များ

Yohanes 10:38

Taan sa Aku mengaéma' in tawoien itu, mandé ka'i ra'ica kiim iow mercaya Yaku, percayano mio' en tawo-tawoien sé niéma'-Ku itu mai asi Amang-Ku owo. Wo in taniitu, kaangéan iow oka sa si Amang meesa wo Yaku wo Yaku meesa wo si Amang.”

Yohanes 12:38

Sé tou Yahudi ra'ica maéman in taniitu, ampa'paan en Taar si aipatic i nabi Yesaya musti lekepen, “O Kasuruan, si séi réén sé mercayao in abar si ipakua ami? Wo a si séi réén eng kawasa i Casuruan aipapaturu'o?”

Yohanes 12:40

“Niéma'o i Amang Kasuruan em beren éra mawola, akar séra ra'io toro suméré, wo ka'i kineté-Nao en até éra, akar ra'io kailekan éra sé wutul. Wo in taniitu, séra ra'ica mape'dis wo ra'ica samaan-Ku.”

Yohanes 5:44

Kamu maéré-éréke' i rarayo asé kakélé miow, wo ra'ica rumaméji mangéré i rarayo asi Amang Kasuruan si wayake' in esa. Sa taniitu, tambisa réén ro'na percayan iow Aku?

Yohanes 6:44

Ra'ica wana esaan tou ka'i e ro'na maai a Yaku sa asalo kumiit ing kasalé'anna in esa. Si esa wo si esa tou ro'na mai a Yaku ampa'paano si Amang si mutusai Aku matawoio an aténa. Wo si séike' si maai a Yaku touen-Ku oka sumawel asi endo kaka'puan ing kayo'baan.

2 Petrus 2:14

Em beren éra masalé' menéré-néré sé wéwéné akar masalé' mengabersina wo ra'ica mengasuut mengaéma' ing kamesé-meséaan. Wo séra matawér sé tou ra'ipé' talos maéman a si Apo' Yesus wosama' icasélé'kow. En até éra itu manaramo menonou ang kalongi'an. Wo séra ituo sé tou kinutuk.