Yohanes 12:37 - En Taar Weru a nunuwu' é Tontemboan

³⁷ Mandé ka'i kelio eng kakaya'kaan niéma' i Yesus an dior é tou Yahudi, taan Sia ra'ica émanen éra.

Yohanes 12:37 ပူးပေါင်းရင်းမြစ်များ

Matius 11:20

Wo tumo'tolo si Yesus tumegor in depet sé tou ang kota-kota sé ra'ica mape'dis, mandé ka'i am bitu Sia makakeli-keli maéma' ing kakaya'kaan.

Lukas 16:31

Icua i Abraham ai sia, ‘Sa ra'ica pandungen éra eng kasairian ang kitap-kitap i Musa wo sé nabi, séra ra'ica kawisa maéman, mandé ka'i awéan tou tumou sumawel am papaté e mangé mokéi ai séra.’ ”

Yohanes 1:11

Sia mai a sé tou-Na Yahudi taan Sia ra'ica tinerima éra.

Yohanes 11:42

Kailekan-Ku pelinga-lingan i Amang en sombayang-Ku. Taan intarépé' icua-Ku tanu siitu ampa'paan keli sé tou makali'cir Yaku makalinga in sombayang-Ku. Icasalé'-Ku ro'na percayan éra sapaoka si Amango e mutusai Yaku.”

Yohanes 12:36

Anaé, ang karoro'an in sendot mewali-walipé' wo icamu, musti percayan iow en sendot itu wosama' kamu mamuali toya-toyaang in sendot.” Kekawus i Yesus kumua in taniitu, Sia mangé an tampa si ra'- ica kailekan é tou keli.

Yohanes 12:38

Sé tou Yahudi ra'ica maéman in taniitu, ampa'paan en Taar si aipatic i nabi Yesaya musti lekepen, “O Kasuruan, si séi réén sé mercayao in abar si ipakua ami? Wo a si séi réén eng kawasa i Casuruan aipapaturu'o?”

Yohanes 15:24

Sa ra'ica niéma'-Ku en tuu-tuus kakaya'kaan sé ra'ica kawisa émaan é tou walina, tantu séra ra'ica iméma' ing kamesé-meséaan. Taan intarépé' mandé ka'i sinéré érao pakasa sé niéma'-Ku, taan Yaku wo Si Amang-Ku kasake' ipasuu-suut éra.

Yohanes 2:11

Niéma' i Yesus eng kakaya'kaan-Na kataré itu ang Kana an sangkum ing Galilea. Am bitu aituru'-Na eng kawangko'-Na, ampa'paan in ituo sé murit-Na mercaya ai Sia.

Yohanes 6:2

Am bisa-wisake' en angéan-Na keli sé tou mengi-ngiit Sia, ampa'paan sinéréo éra eng kakaya'kaan sé niéma'-Na a sé tou sumakit akar séra imasama'o.